Tahimarideni 19:13 - Kulina New Testament Brazil

¹³ Nazapa zodeo toponi totonanomidedeni naco madirra bodideniza Tocorime-Taminecca zozosse tabaqqui tocorime sirideni madimanarrari zosse ininebaqqui-manauiuarrine rrarrauiriza narrari. Ia Zozossede Zeso oniza nama quenauiuarrine touini quenazapa tocorime sirideniza attidenia: —Rrari, arra Paoro mari mari narraricca Zeso onima uati ineza tiqquenarri, inarraro −nanarizemana narrari.

Culina Mádija

¹³ Nadsapa jodio toponi totonanomidedeni naco madija bodidenidsa Satanacca dodosse tabaqqui tocorimedeni madimanajari dosse ininebaqqui-manahijine jajahiridsa najari. Ia Medsede Jeso onidsa nama quinahijine tohuini quinadsapa tocorimedsa attidenia: —Jari, aja Pablo mari mari najaricca Jeso onima huati inadsa tiqquenaji, inajaro −nanaridsamana najari.

Tahimarideni 19:13 Iomraidhean Croise

Mateo 12:27

Arrina, ouaza: “Beheosebocca dacorehe ticarrini” tiqueneraha ticcadeni mamari tabaqqui naco Tocorime-Taminecca zozosse tabaqqui zosse zosse ihininebaqquimana narrari. Naraha pouadenipa nerrecorraricca dacoreheza nama quenarrari? Arra ticcadeni mamari tabaqquipa dacorehe carrimanazapa Tocorime-Taminecca zozosse tabaqqui zosse ininebaqqui-manaraha pouadeniza: “Beheosebocca dacorehe ticarrimanani” tiquenattaqui? Nema tiquenerrerani, onarraro. Nazama nerrecotoui ouaza nema tiquenarraro? Tibodidenipe carrimama canarraro −nade Zeso.

Mateo 26:63

Naraha Zesopa poua cacoma narrari. Nazapa tamine uati tapomarrari: —Deo camitta tarrari onima uati tinarri onezama iaza tia tecomerarri: Tiape Deo Bedi Cristo-Mesia tirraqui? −naui nade tamine.

Maraco 5:7

Naraha Zesopa amazati poua bodiccaza uati tarrari: —Tocorime, narrari madirra tineborro! −narrari. Nazapa tocorime rrazirema uati tarrari: —Zeso nerrecotouira ticcarronarraronerre? Oua narrizode ticcarronarraroqui? Tiape Deo deni torrarraricca Erredeni tirrani. Deo onima oua tinarrizo terrerarri, onaua −narrari.

Maraco 9:38

Nazapa Zouao Zesoza uati tarrari: —Oua Maride, madirra ouaha tia oni ua naza madirra bodicca tocorime zosse inineui qqui inade. Naraha pouapa iaza ccariza-rraraza pouaza: “Peperri tarri. Poni” inade −naui nade Zouao.

Roca 11:19

Arrina, ouaza: “Beheosebocca dacorehe ticarrini” tiqueneraha ticcadeni mamari tabaqqui naco tocorime siri, mona, dori zosse zosse ihininebaqquimana narrari. Naraha pouadenipa nerrecorraricca dacoreheza nama quenarrari? Arra ticcadeni mamari tabaqquipa dacorehe carrimanaza tocorime siri, mona, dori zosse ininebaqqui-manaraha pouadeniza: “Beheosebocca dacorehe ticarrimanani” tiquenattaqui? Nema tiquenerrerani, onarraro. Nazama nerrecotoui ouaza nema tiquenarraro? Tibodidenipe carrimama canarraro −narrari Zeso.

Roca 9:49

Nazapa Zouao Zesoza uati tarrari: —Oua Zozossede, madirra ouaha tia oni ua naza madirra bodicca tocorime siri madizarrari zosse inineui qqui inade. Naraha pouapa iaza ccariza-rraraza pouaza: “Peperri tarri. Poni” inade −narrari Zouao.

Tahimarideni 19:14

Nama narizemanarrarideni motapa Seba bedi 7 quenarrarideni. Sebapa zodeo. Pouapa dada toqquimade tamine.

2 Corintodeniza 11:4

Nema onarrarope tiadeniza marinarra onihi bacco neza timittemananiuarrine touini tiquenani. Arra Zeso tauimari onihi rriza tarraro mari mari quenaza mittade nacassaqquiri tiquenarraro. Tocorime ouaha pina Deo Corimessa narrararaha tiadeniza torrauiuarrine rrehe tiquenarraro. Madirra tocassiuauerauiuarrine tauimari onihi naqui pina taide timittemanaporrarossa nerrereraha narraroza parrissa tiquenarraro.