Tahimarideni 18:4 - Kulina New Testament Brazil

⁴ Nazapa Paoro rrassinarracca uadaza zodeodenicca Deo Atti mamariuarri zodeodeni, zodeo querrena-rrararrarideni tezerre quequeriqquimana naza Zeso tauimariza rrehe quenauiuarrine mari mari ihicanabaqqui narrari.

Culina Mádija

⁴ Nadsapa Pablo jassinajacca huadadsa jodiodenicca Dio Atti mamarihuaji jodiodeni, jodio quejena-jarajarideni tedseje quequeriqquimana nadsa Jeso tahimaridsa jehe quinahijine mari mari ihicanabaqqui najari.

Tahimarideni 18:4 Iomraidhean Croise

Roca 16:31

—Naraha Abarahao attia pouaza: “Deo Atti Moizerrine dozo nani carrimana, Deo Atti cacomeraqquiri narraridenirrine dozo nani naqui carrimana naui. Narraro Deo Atti mittemana-rrarazapa arra madirra zoqqueraha nauatonirrari attiza naco mittemana-rrarauitoui. Parrissa quena-rrarauitoui” narrari Abarahao atti −narrari Zeso.

Roca 4:16

Zesopa poua napiui oza panani Nazaretiuarri ccanirrari. Nauiza madinizapa rrassinarracca uada bacco teza zodeodenicca Deo Atti mamariuarri toqquezimarrari. Pouapa oza uapimaza nama nanariza narrari. Nazapa nauiza queriqquimanazapa pouana totemarrari, Deo Atti ua inaniuarrine.

Huano 7:35

Narraro uima madirra mittemanazapa pouadenira uimahaha canade: —Zama nerrecoma nauiuarri toccauiuarrine iaza: “Oua bacco tiquenerreranitoui” naua? −quenade. —Zodeodeni zama onihiuarri torraribaqquirrari-deniuarri toccauiuarrineco? Nauiuarricca zodeo querrena-rrararrarideni mari icanabaqquiuiuarrineco? −quenade.

Tahimarideni 13:14

Naraha Paorodenipa Peziza rroppememanazapa pouadeni amoriza zama arobeni onini Pisidiauarri touedarrari. Nani Pisidiacca oza panani onini Atioquia bacco toquenarrari. Nazapa rrassinarracca uada bacco tezape zodeodenicca Deo Atti mamariuarri touedezimaza zitocanarirrari.

Tahimarideni 14:1

Nazama Paoro Banabe tezerre oza panani Iconioza bacco toquenazapa zodeodenicca Deo Atti mamariuarri totouedezima naza mari mari ihicanabaqqui narrari. Attideni bica taza Zeso tauimari mari icanabaqquizapa zodeodeni mota uapi taha, zodeo querrena-rrararrarideni naco mota uapi taha parrissa quenarrari.

Tahimarideni 17:11

Zodeodeni Bereaza madimanarraridenipa bicaqquiri narrari, pina arra Tesaronicacca uadiqquiri narraridenissa quena-rrararrari. Deo Atti mittemanezatirra narrari touini quenarrari. Nazapa uarrirriraza Deo Atti dozo naporrarocca uade toquerrenarrari. Pouadeni bodipa: —Paoro attipa parrissaqui? Pina arri uima dozo naporraroccassa naqui? −quenarrari.

Tahimarideni 18:13

Nazapa tamine Carioza uati toquenarrari: —Arrarrari madirrapa icca madirra mari icanabaqquizapa: “Deoza tiquerrenarri” nanariza nazapa icca madirra mota poua attiza rrehe quenaui. Naraha pocca marinarrape rriza tani. Pina icca marinarrassa nerrerani. Pina rromanodenicca marinarrassa nerrereza naqui oppina tani −quenarrari Carioza.

Tahimarideni 18:19

Nazapa rraui torranirrari, oza panani Epeso bacco toquenarrari. Nauiza Aquira bedimeni tazarrani madimanauiuarrine inebobaqquizapa Deo Atti mamariuarri toqquezimarrari, zodeodeniza Deo Atti maride.

Tahimarideni 19:26

—Tiadenipe arra Paoro mari mari narizarraricca uimape ssamomo tinarrarorane? Paorocca marinarrape arrima narraro: “Madirrarrine siba nauatonipe Deo rraraui” nanarra narrari. Narraria arra Paoro attiza madirra ibobora tazapa ia cacauade Artemisaza tonacasseremanarrariparra. Narraria arra imadini Epesocca madirra mota naco Paoroza toquerrenarrari, icca zama Asiacca madirra mota naco Paoroza toquerrenarizarrariparra.

Tahimarideni 19:8

Nazapa Paoro abazico 3 canaha zodeodenicca Deo Atti mamariuarri maride toqquezima toqquezima zanaporrari. Paoropa cappinera taza Deocca cacauehecca uima mari mari ihicanabaqqui narrari. Madirra parrissa quenauiuarrine pocca marinarra bica teza mari mari narrari.

Tahimarideni 26:28

Naraha tamine Aquiripa: —A, tettipe: “Amazati Cristoza torrana” tarrarorane? −narrari.

Tahimarideni 28:23

Nazapa pocca marinarra mittemanauiuarrine uada orrarie icatterrizemanade. Narraro uada bacco taza izamassa Paorocca ozauarri bazima queriqquimanade. Nazapa Paoro Deocca cacauehe tauimarini, Zeso tauimari naco mari icanabaqquirrari. Zeso tauimariza parrissa quenauiuarrine damera tarrari. Moizecca marinarraza, Deo Atti cacomeraqquiri narraridenicca dozonirriza naqui mari icanabaqquirrari. Narraro maridepe marri touaqquemanaraha zomezana paparra quenade.

Tahimarideni 9:20

Nazapa Saoro amazati zodeodenicca Deo Atti mamariuarri maride torrarrari. —Zesopa Deo Bedi −narizarrari pouadeniza.

2 Corintodeniza 5:11

Deo noppine icappinaniuarrinepe bica tani. Pouaza iboraqquiri inaniuarrine naqui bica tani. Narraro nauatoto inezape madirra bazima Pouaza rrehe quenauiuarrine damamera inarraro. Deopa oua, Timoti tezerre ibodi qqui tauissa taui. Maizeraqquiri inani nauato taui. Tiadeni naqui maizeraqquiri inani nauatoqquiri tiquenaniuarrine touini inani.