Tahimarideni 18:3 - Kulina New Testament Brazil

³ Nazapa Paoro Aquiradenicca tarabaiaza nauato tazapa pouadeniza madiccarrari. Pouadenipa etero siba tanicca ozauarrine ssequide zepedeni irrimanarrari.

Culina Mádija

³ Nadsapa Pablo Aquiradenicca tarabaidsa nahato tadsapa pohuadenidsa madiccajari. Pohuadenipa etero siba tanicca odsajine ssequide dsepedeni ijimanajari.

Tahimarideni 18:3 Iomraidhean Croise

1 Corintodeniza 4:12

Izepe irriza naqui rrao iquerrenehe imadirizarraro. Madirra naco ia totamasso-baqquimana naraha uima bicanira pouadeniza ehecomera narraro. Ia totonarrizo-baqquimana naza naqui nema nehe ihinauana narraro.

1 Corintodeniza 9:14

Narraro uimassa narraro ia Zozossede Deo pocca zossenirri. Pocca zozosse tabaqqui poua tauimari icassiuaueraniuarrinecca maride zepedeni irrimanazapa poccadeni mamari tabaqquicca da naqquinarraza madimanauiuarrine uati tarrari.

1 Corintodeniza 9:15

Naraha oua Deo Atti maride orrarrarope manaconitoui onariza-rrerade. Narraroa rridapana naqui ticcadeni da naqquinarratoui dozo onerrerani. Arri manaconi rrirehe Deo Atti maride orrarrarope occa uatizehe. Narraro madirrarrine tossamo-rreraniuarrinepe taide pemi ouatianina bica tani, onarraro.

1 Corintodeniza 9:18

Nema onezape nerrecora manaconi ocarriniuarrine? Arri Zeso Cristo tauimari icassiuaueraniuarrinecca ouacomera-rizezape manaconi rrirehe mari ocanabaqquirrarizana ouatizerraro. Narraro uatizehepe pina occa marinarra manaconissa narraro. Ozepe irrirraro manaconi ouaza da iquenaniuarrine bica teraha narraro touini onerrerani.

2 Corintodeniza 11:7

Tiadeniza omadizape Zeso Cristo tauimari icassiuaueraniuarrinecca manaconi rrirehe tiadeni mari ocanabaqquide. (Nazapa motadeni attipa: —A, marinarra manaconi rrireheccape ponima −quequenanarrari. Naraha ouape occa tarabaia onihiccazana omadirrarode.) Nema onezape oua arrimani onanarrarossa neza Deocca uima bicani ticassiuaueraniuarrinecca tiadeniza torraniuarrinena ozepe irrirrarode. Naraha nema onarrarope tiadeniza bica terreraqui?

2 Corintodeniza 11:9

Tiadeniuarri omadiza naqui ocappirezape: —Ouaza da tiquenarri −onerrerade. Arra ouimecotedeni Masedoniacca bacco quenarraridenina ocappiranicca ouaza da iquenarrarode. Tiadeniza occa madie narro terreraniuarrinepe ticcadeni zinirotoui uati uati onerrerade. Rridapana naqui narrarossa ozanaponitoui. Zinirotoui uatira onani.

2 Corintodeniza 12:13

Uima orrariena orrine zori tiquenarraro. Narraroa tiadeniza zinirotoui uati uati onerrerade. Nema onezape pina tiadeni arrimani onanabaqquirrarossa narraro. Arra Zeso Cristoza quequeriqquimana narrari ouahadenizape zinirotoui uati uati onade. Naraha tiadenizape occa madie narro terreraniuarrine nema onerrerade. Naraha orrine tiadeniza bica terrerezape: Peperri, orrine bica terrerani, onarraro.

1 Tesaronicadeniza 2:9

Imecotedeni, tiadenipe izepe irriecca uima tetideni rrima-rrerani. Imadinicca icarriniuarrine izepe irride damamera inezape ssiuarra izepe irri, zome naqui izepe irri narrarode. Nema ineza Deocca uima bicani icassiuaueraniuarrinecca tiadeni mari icanabaqquizape tiadeniza icca madie narro terreraniuarrine ticcadeni zinirotoui, ticcadeni zamatapatoui uati uati inerrerade.

1 Tesaronicadeniza 4:11

Mouaraza timadimananissa taniuarrine tibodideni uatonissa tarri, inarraro. Pina ticcadeni uimazara tibodideni uatomanarri. Madirra ouahacca uimaza ticarrimemana terrerarri, inarraro. Mouaraza tizepedeni irririzemananissa tarri, inarraro.