Tahimarideni 18:26 - Kulina New Testament Brazil

²⁶ Nazapa Aporo cappina-rraraza zodeodenicca Deo Atti mamariuarri Zeso tauimari maride torrarrari. Naraha Aquira bedimeni Prisira tazarrani Aporocca marinarra zori tani mittemanazapa poccadeni ozauarri rrina inanimanaza Zeso tauimari denima mari icanemanarrari.

Culina Mádija

²⁶ Nadsapa Apolo cappina-jaradsa jodiodenicca Dio Atti mamarihuaji Jeso tahimari maride tojajari. Naraha Aquira bedimeni Prisira tadsajani Apolocca marinaja dsori tani mittamanadsapa poccadeni odsahuaji jina inanimanadsa Jeso tahimari denima mari icanamanajari.

Tahimarideni 18:26 Iomraidhean Croise

Maraco 10:15

Parrissehera tiadeniza uati onana: Madirrapa poua bodicca rrehenirri pina erredenicca rrehenirrissa narrarazapa Deocca cacaueheza torra-rrarauitoui –naui nade Zeso.

Roca 19:26

Naraha tamine attipa: “Peperriua, ouape tiadeniza uati onarraro: Madirra occa zossenirriza damera tazapa pouaza denima torranitoui. Naraha arra madirra occa zossenirriza damera tarrarazapa cappirauissa tauitoui. Bazira tehe carriraha narraro naqui todininitoui.

Roca 24:27

Nazapa Deo Atti dozo nanicca pouadeni bodi uatome-manauiuarrine mari icanabaqquirrari Zeso. Taidepa Moizecca marinarraza Cristo-Mesia tauimari dozo naniza Zeso poua tauimari pouadeni mari icanabaqquirrari. Deo Atti cacomeraqquiri narraridenirrine poua tauimari dozo narronemanarraricca dozonirri naqui mari icanabaqquirrari.

Huano 7:17

—Arri tibodidenipe: “Pocca marinarrape Deocca zossenirriqui? Poua motta poua attirane?” tiquenarraro nitide. Naraha Deo Poua nacassa tauiccara tinanemanezape otauimari tiadeniza auato tanitoui: Occa marinarrape Deocca.

Tahimarideni 14:3

Nama quenaraha Paoro Banabe tezerre naui pouadeniza madimana-zanaporrari. Ia Zozossede Zesorrine cappinenera taza Deo madirraza uati cauanari canaui tauimarini mari icanabaqqui-zanaporrari. Nazapa narraro uima parrissa auato taniuarrine Deo Paorodeniza pocca nauatoue da inezape canauatorimanana canarizarrari.

Tahimarideni 18:18

Nazapa oza panani Corintoza Paoro uada uapi tehe madizanaporrari. Zotode naco oza panani Atioquiauarri toccaniuiuarrine: —Occanini −naza Zesoza rrehe quenarraridenipa: —Rrehe ticcanirri −quenazapa Paoro zama Siriauarri toccanirrari. Aquira, poua bedimeni Prisira tazarrani naco pouaza touedarrari. Nazama rraui torranizapa oza panani Secreauarri bacco toquenarrari. Nauizana Paoropa pocca uatinarra Deoza inaparrirenissa taniuarrine poua tati uire tauiuarrine tati ssa cananissa tarraro. Poua tati ssa canehe carriquezape rraui torrezippaniza rraui torranirrari.

Tahimarideni 18:25

Arra Aresadriaza madiza Zeso tauimari touattarrari. Nazapa Aporo uatizeri naza Zeso tauimari mari mari narizarrari. Epesocca madirra naco mari icanabaqquiuissa tarrari. Arra pouapa Zouaocca marinarra passo dopaniza niniqui carrimanarrari tauimarinira nauato tarrari.

Tahimarideni 19:8

Nazapa Paoro abazico 3 canaha zodeodenicca Deo Atti mamariuarri maride toqquezima toqquezima zanaporrari. Paoropa cappinera taza Deocca cacauehecca uima mari mari ihicanabaqqui narrari. Madirra parrissa quenauiuarrine pocca marinarra bica teza mari mari narrari.

Tahimarideni 28:23

Nazapa pocca marinarra mittemanauiuarrine uada orrarie icatterrizemanade. Narraro uada bacco taza izamassa Paorocca ozauarri bazima queriqquimanade. Nazapa Paoro Deocca cacauehe tauimarini, Zeso tauimari naco mari icanabaqquirrari. Zeso tauimariza parrissa quenauiuarrine damera tarrari. Moizecca marinarraza, Deo Atti cacomeraqquiri narraridenicca dozonirriza naqui mari icanabaqquirrari. Narraro maridepe marri touaqquemanaraha zomezana paparra quenade.

Tahimarideni 8:31

Naraha tamine birri accode attipa: —Oua maride nouerazapa nerrecoma neza omittaniuarrine? Nazapa Piripiza uaua narrari. Poua uinoriza Piripi uittariuiuarrine.

1 Corintodeniza 12:21

Nazama inocco attini carrizape izepeza: —Tiape poni. Ouana touassire ouacauarraro −naniuarrine ssamo tani. Arri itati naqui attini carrizape emoriza: —Tiape poni. Totati ouana bica onarraro −naniuarrine ssamo tani.

1 Corintodeniza 3:18

Nazama tiadenipe tiadeni ticamaizanimana terrerarri. Arra tiadeni mota bodidenipa: —Iape arrirraro zamacca nauatoue bazima nauatoqquiri inani −quequenanaraha narraro uima nebomanauissa taza pina madirra ssamobotessa quenana, naui nauatoue parrisseheccara tocauatterauiuarrine.

1 Corintodeniza 8:2

Madirra atti: —Ouape ouattarraro, uapima nauato onani −narraripa bazira tehera nauato tarrari.

Ebreodenidsa 6:1

Rrehe, Deocca marinarra denima icauatterana, pina rradauideni tocauattera-zanaporrarissa inana, onarraro. Zeso Cristoza rrehe inapozape Deocca marinarra narrora tanicca iattaporraro. Naraha: —Narrarora imittazanapona −inerrerana. Arri marinarra taidecca imittaporrarope arrima narraro: Icca uimasirirrinepe zoqquehe rriquerreranicca narrizoueza iquerrenaniuarrineraha icca uimasiri ineboza Deoza rrehe inezape icassiuaueranitoui.

2 Pedoro 3:18

Naraha ia Zozossede, ia Tonassiuauade Zeso Cristoza tinoccodeni torrizeranissa taniuarrinepe dameraqquiri tizanapomanarri. Pocca touati uaneheza ticcadeni madie tobica-zanaporri. Rridapana, zotode naqui pouaza etizeza: —Bica tinani! Deni tirrani! −ihizanapo nana, onarraro. Parrissa nema nana. Peperri.