Tahimarideni 18:21 - Kulina New Testament Brazil

²¹ Pouadeniza uati tarrari: —Occanini. Naraha nizaranibote Deo touini naza tiadeni qquide occanipomanitoui −narrari. Nazapa: —Rrehe ticcanirri −quenarrari. Nazapa darroni imeniza toqquezanizapa Epesouarri neboza rroppemapomarrari.

Culina Mádija

²¹ Pohuadenidsa huati tajari: —Occanini. Naraha nidsaranibote Dio jipa tadsa tiadeni qquide occanipomanitohui −najari. Nadsapa: —Jehe ticcaniji −quinajari. Nadsapa canoa imenidsa toqquedsanidsapa Epesohuaji nebodsa tojoppemapomajari.

Tahimarideni 18:21 Iomraidhean Croise

Mateo 26:39

Nazapa Zeso tocca-cca naza poua baccouarri namiza pona naza Imehiza uati tarrari: —Abi, arri madirra tocassiuauerauiuarrinecca uima onihi noueraqui? Nouerezape peperri. Madirra bazimacca uimasiri manaconi narrizoue ouaza torrezape ocasserani ouanitoui. Pina zeze bidabote ze onaniuarrinessa narraro. Narraro onauananiuarrine touini onerrereraha, oua nacassa onanicca toui onerrerarraro. Tia nacassa tinaniccana parri. Narrarozana ibora onarraro −naui nade.

Maraco 6:46

Naza rraui torranizapa Zesopa ssonouarri denima toqquemorarrari, imehi Deoza uati tauiuarrine.

Roca 9:61

Madirra ouaha naco Zesoza uati tarrari: —Oua Zozossede, oua naqui tiaza occarizana. Neraha taidepe occa ozauarri occaniccana. Niza naniuarri occa madirraza occanicca uima uati onabaqquiccana −narrari.

Tahimarideni 15:29

Arra madirra icca Deoza toquerrena-rrararraridenicca bani poccadeni siba nauatoniza da tauiccapa mitta tiquena tarrararro, tirripemananiuarrine oppina tani. Bani ssipori niqui naui zoqqueza emene tocca-rrarauicca naco tirripemana terrerarri. Bani emene naco tirripemanauiuarrine oppina taui. Uananehe naqui tinebomanarri. Pina maqquiderre amonerre carriraha amonerre onihi arra arrape poni. Amonerre maqquiderre carriraha maqquiderre ouaha narra narrape poni. Tabiradeni naco pouama arra arra canarizera-rrarana, inarraro. Tiadenipe arri icca dozonirrissa tinanemanezape bica tani, inarraro. Peperri icca uima −quenarrari poccadeni uima teppeza.

Tahimarideni 18:19

Nazapa rraui torranirrari, oza panani Epeso bacco toquenarrari. Nauiza Aquira bedimeni tazarrani madimanauiuarrine inebobaqquizapa Deo Atti mamariuarri toqquezimarrari, zodeodeniza Deo Atti maride.

Tahimarideni 18:20

Nazapa zodeodeni Paoroza: —Iaza timadiccarri −quenaraha pouapa touini rarrari.

Tahimarideni 18:24

Nazapa Aquira bedimeni tazarrani Epesoza madimanazapa zodeo madirra onipa Aporo Epesoza bacco narronarrari. Pouapa zama Ezitocca oza panani Aresadriaza napirrari. Pouapa uima uatide nauato, Deo Atticca naco nauato tarrari.

Tahimarideni 19:1

Nazapa Aporo naui Corintoza madiccaza Paoro bobode torrapomarrari. Ssono uapi tani toporimacossassa zanapoui nazapa oza panani Epesoza bacco tarrari. Nauizapa Zesoza rrehe quenarrarideniza bacco tarrari.

Tahimarideni 19:17

Nazapa oza panani Epesocca madirra bazima narraro uima mittemanazapa zodeodeni cappinemana, zodeo querrena-rrararrarideni cappinemana naraha attidenipa: —Ia Zozossede Zeso Cristona bica taui, deni torraui −quenarrari.

Tahimarideni 19:21

Nazama narraro uima rriquezape Paoro bodi uatomaza uati tarrari: —Oza panani Zerozareuarri occapomana −narrari. —Naraha taidepe Masedoniauarri occa, Acaiauarri occa napona. Nazana Zerozareuarri occapomaniuarrine. Zotode naqui Rromauarri occaniuarrine −narrari.

Tahimarideni 20:16

Paoropa arri zodeodenicca errete Pentecostes bacco tabote naza narraro qquide touini naza: —Zama Asiauarri inarro-rreraccana, uassinarra oza panani Zerozareuarri rrauirrana −nade. Narrarorrine Epesozape uana icana-rrerarrarode.

Tahimarideni 21:14

Nazapa Paoro ettiza rrehe narrarazapa denima uati inerrerade. Nazama ettipe: —Abi Deo, Pouana nauato taui. Ia Zozossede Poua nacassa tauiccana bica tani −inade.

Tahimarideni 21:29

Arra nama quenarraripa taide amossiniuarri Paoro poua tesse Tropimo tezerre ueuedariza naza qqui toquenaporrari. Tropimopa oza panani Epesouarricca madirra. Pouapa zodeo rrarazapa pouaza noccodeni rrizeraqquiri narrari. Paoropa Deoza dada toqquimauarri Tropimo eqquezima-rrararaha pouama attideni: —Zodeo querrena-rrararrarideni eqquezimabaqquirrari −quenarrari.

Romanodenidsa 1:10

Tiadeni qquide occaniuarrine Deoza uati uati ohonaneraha rrehe narraraccaui. Deo ouattiza rrehe nazapa niza tiadeniuarri bacco onanitoui.

Romanodenidsa 15:32

Nema tiquenarri onarrarope Deo nacassa taza occa uima toccanissa taniuarrine. Nezape ouatizeza tiadeniuarri bacco onaniuarrine. Tiadeni qqui onabaqquiza obodi rrassi naniuarrine naqui Deoza uati uati tiquenarri.

1 Corintodeniza 15:32

Arri Epesoza omadiza naqui ozoqqueniuarrine madirra otoui inacomarizemanarraro, pina zomarri uadi tarrarissa quenaui. Pouadeniza Deo Atti maride damera oneraha poccadeni uadie onauanani manaconi nerrecora ocarrirraro? Rricarrarideni parrissa nauatonimana-rrarazapa ponima maride ocasserani ouarizanerre. Nezape arra madirra ouaha attideni: —Rrari, irripana! Ze inana! Izamassa onihi irriquezape nemarade −quequenanarraridenissa inana.

1 Corintodeniza 16:7

Pina tiadeni qqui, oqqueqquima naniuarrinepe nacassera onani. Tiadeniza omadi naccaniuarrinena touini onani. Ia Zozossede nacassa tazapa nema onanitoui.

1 Corintodeniza 16:8

Naraha arri oza panani Epesoza omadiccani, zodeodenicca errete Pentecosti onarricaccaniuarrine.

1 Corintodeniza 4:19

Naraha nani tiadeni qquide occabote nani. Ia Zozossede touini nazapa occanitoui. Niza tiadeniuarri bacco onezape arra —Nauatoqquiri inani −quequenanarraridenicca madie qqui onarizanitoui. Pouadenipa uima uatide nauatoqquiri naraha parrissa Deocca dacorehema madimanarrarico? onarraro.

2 Corintodeniza 13:11

Rrehe ouimecotedeni Zeso Cristoza rrehe tiquenarraro, arrirrarope occa uima rricanicca. Deozara tetetizemana narri, onarraro. Ticcadeni uima ticattememanarri, ticcadeni madie tobicaniuarrine. Tibodideni acco acco ticanana. Timecotedeni tezerre rrehe ticanirenissa tarri. Ticarronerara caneza timadimananissa tarri. Nema tiquenezape Deo tiadeniza madiuitoui. Deopa touati uanehe rrinede, rronehe rrinede naco.

Epesodeniza 1:1

Nirra ouimecotedeni? Occa uima tiadeniza dozo onarraro. Ouape Paoro. Deo ouaza nacassa taza Zeso Cristocca zozosse orraniuarrine otoui uaua narrari. Rrehe, nani oza panani Epesoza timadimanarrarope Deocca madirra bicaqquiri tiquenani, Zeso Cristoza dameraqquiri tiquenarrarodeniza dozo onarraro.

Ebreodenidsa 6:3

Rrehe, narraro marinarra bazimape icauatteraporraro. Rridapana Deo ia acco tocanabaqquiza denima denima icauattera-zanapozape pocca marinarra narro tanicca naqui imittanitoui.

Satiacocca 4:15

Naraha tettidenipe: —Ia Zozossede Deopa nacassa taza imadiza izepe irriniuarrine −titiquena nezana bica tani.

1 Pedoro 3:17

Deo nacassa tazapa ocasserehe tiaza ssonariza tinauananitoui. Uaidirehe tinanarrarorrine ocasserehe tinauanezape peperri, tirrine uaidira teza. Naraha uima bicani tinanarrarorrine ocasserehe tinauanezape peperri, tirrine Deoza bica tarraro.

Apocalipsis 1:11

Atti arrama narrari: —Arrirraro bazima tiaza noue onarrarope papeoza dozo tarri. Arri zama Asiauarricca Zeso Cristoza quequeriqquimana naui 7 narizarraroza uima zosse tinarizaniuarrine. Oza panani Epesouarri, Esmirnauarri, Peocamouarri, Tiatirauarri, Saradisiouarri, Piradeopiauarri, Laodiseauarri zosse tinarizarri −nade atti moui taza.

Apocalipsis 2:1

Zeso Cristo ouaza uati zanaporrari: —Epesouarri otauimariza quequeriqquimana narrari cacauadeza dozo tarri −nade. —Ouape ozepe nauatoniccaza amouadeni 7 canaha ocarrirraro. Rrorrororo pinine orocca 7 naha cacaueri narizarrari qquide naqui occarizarraro, naui tarri, onarraro.