Tahimarideni 18:18 - Kulina New Testament Brazil

¹⁸ Nazapa oza panani Corintoza Paoro uada uapi tehe madizanaporrari. Zotode naco oza panani Atioquiauarri toccaniuiuarrine: —Occanini −naza Zesoza rrehe quenarraridenipa: —Rrehe ticcanirri −quenazapa Paoro zama Siriauarri toccanirrari. Aquira, poua bedimeni Prisira tazarrani naco pouaza touedarrari. Nazama rraui torranizapa oza panani Secreauarri bacco toquenarrari. Nauizana Paoropa pocca uatinarra Deoza inaparrirenissa taniuarrine poua tati uire tauiuarrine tati ssa cananissa tarraro. Poua tati ssa canehe carriquezape rraui torrezippaniza rraui torranirrari.

Culina Mádija

¹⁸ Nadsapa odsa panani Corintodsa Pablo huada huapi tehe madidsanapojari. Dsotode naco odsa panani Atioquiahuaji toccanihijine: —Occanini −nadsa Jesodsa jehe quinajaridenipa: —Jehe ticcaniji −quinadsapa Pablo dsama Siriahuaji toccanijari. Aquira, pohua bedimeni Prisira tadsajani naco pohuadsa tohuedajari. Nadsama jai tojanidsapa odsa panani Secreahuaji bacco toquinajari. Nahidsana Pablopa pocca huatinaja Diodsa inapajiranissa tanijine pohua tati ccohua tahijine tati ssa cananissa tajaro. Pohua tati ssa canehe cajicadsapi jai tojedsippanidsa jai tojanijari.

Tahimarideni 18:18 Iomraidhean Croise

Mateo 4:24

Pocca uimape zama Siria nemaneheuarri madirizemanarrarideni naco mittarizemanazapa poccadeni zama uarri teraha comaqquiri narrarideni eheccarrona-baqquimana narrari. Zamacoma carrimanarrarideni, isso sirideni, birri sirideni, comani onihi onihi carrimanarrarideni eheccarrona-baqquimana naza bazima Zeso ihinanomi-rizabaqqui narrari. Madirra bodideniza Tocorime-Taminecca zozosse tabaqqui tocorimedeni madizemanarrarideni, arra uatianirri comani carrimanarrarideni, arra madirra idedeni tone biqueraza issodeni siri toquerrenarrarideni naco eheccarrona-baqquimana naza Zeso ihinanomibaqqui narrari.

Maraco 6:46

Naza rraui torranizapa Zesopa ssonouarri denima toqquemorarrari, imehi Deoza uati tauiuarrine.

Tahimarideni 1:15

Nazapa uada onihiza Deoza uatide queriqquipomarrari. Madirra 120 quenaha queriqquimanarrari. Nazapa Pedoro totemaza pouadeniza uati tarrari:

Tahimarideni 15:23

Nazapa pouadeniza uima teppe zosse iquenarrarope arrima narraro: —Nirra imecote zodeo tiquerrena-rrerarrarodeni bicaqquiri tiquenaqui? Iape Zesocca zozosse tabaqqui oza panani Zerozareuarri Zesoza rrehe quenarrarideni cacauadedeni ineza tiadeniza icca uima dozo inarraro. Arri oza panani Atioquiaza timadimanarrarodeniza, zama Siriaza timadimanarrarodeniza, arri zama Sirisiaza timadimanarrarodeniza naqui icca uima zosse inarraro.

Tahimarideni 15:41

Touedazapa zama Siriaza bacco toquenaza maride toquerrena, denimacca zama Sirisiaza bacco toquenaza maride toquerrena zanaporrari. Nauiuarricca Zesoza rrehe quenarrarideni inauatizebaqquirra zanapoui narrari.

Tahimarideni 18:2

Narraro oza pananiuarri Paoro bacco tazapa zodeo madirra bacco inabaqquirrari. Onidenipa Aquira, bedimeni oninipe Prisira quenarrari. Aquirapa zama arobeni Pontouarricca madirraraha zama Itariaza madiporrari. Naraha zama Itariacca tamine Craodio zodeodeniza nacassera tazapa nanicca oza panani deni torranicca onini Rromaza madimana-rrarauiuarrine zodeodeni bazima zosse ininebaqquirrari. Nazapa Aquira bedimeni tazarranipa Itariauarri nebomanaza Corintouarri bacco toquezati madimanarrari. Nauiza Aquira bedimeni tazarrani madimanazana pouadeni qquide Paoro toccarrari.

Tahimarideni 18:26

Nazapa Aporo cappina-rraraza zodeodenicca Deo Atti mamariuarri Zeso tauimari maride torrarrari. Naraha Aquira bedimeni Prisira tazarrani Aporocca marinarra zori tani mittemanazapa poccadeni ozauarri rrina inanimanaza Zeso tauimari denima mari icanemanarrari.

Tahimarideni 18:27

Aporopa zama arobeni Acaiauarricca madirra mari icanabaqquiuiuarrine touini naza Epesocca Zesoza rrehe quenarrarideni poua toccauiuarrine acco icanemanarrari. Arra oza panani Corintocca Zesoza rrehe quenarrarideni pouaza bicaqquiri nauiuarrine naco poccadeni uima dozo iqueneza zosse iquenarraro. Nazapa Aporo Corintouarri bacco taza Deocca touati uaneherrine Zesoza parrissa quenarrarideni acco icanabaqquirrari, poccadeni rrehenirri todacorani naniuarrine.

Tahimarideni 21:23

—Nema nezape pina ettissa tinanani bica tani. Arra iazapa maqquiderre 4 quenaha poccadeni uatinarra Deoza uati toquenaporrari inaparriremananissa taniuarrine narroremanaui.

Tahimarideni 21:24

Tia naqui pouadeniza ticarrimana Deoza dada toqquimauarri pouadeni tiaqquezimabaqquina. Tia naqui pouadenizama pina arri zodeodenicca marinarrassa tinanarri. Nazama poccadeni uatinarra inaparriremananissa teza poccadeni danirriuarrine eueue bedi manaco tiana da tinarro, inarraro. Narraro rriquezape dada toqquimadena tatideni ccado inarizauitoui. (arri poccadeni uima madirra bazimaza auato taniuarrine). Rrehe Paoro, pouadeniza ticarrimezape zodeodeni mota tia qqui toquenazapa arrama quenauitoui: “Rraho, uima imittaporrarope maizanirri tteranerre. Paoropa Moizecca marinarrape ecauani, nebo-rraraui” quenauiuarrine (quenade Tiaco, Zesoza rrehe quenarrarideni cacauadedeni tezerre.)

Tahimarideni 21:3

Nezape passo imeni nocconi iquerrenaza zama onihi uittacossani qqui inade, oninipe Sipre. Naraha narraro zamazape issoniqquimade. Denima iaccarrarope zama Siriaza bacco inade. Nanicca oza panani Tirozana uana icanezape darroni imenicca tozepetarri inebomananiuarrine narromanaza rrauirremoraccade.

Romanodenidsa 16:1

Imecote Pebe tiadeniza bacco tanitoui. Ponipe Secreauarricca Zeso Cristoza quequeriqquimana narrarideni cacauade.

1 Corintodeniza 9:20

Occa madirra zodeodeni Zeso Cristoza toquerrenauiuarrine pouadeniza occarizezape pina pouadenirrinessa onanarrarode. Pouadenipa Moizecca marinarraza toquerrenaha madimanarrari. Naraha ouape Zeso Cristorrine Moizecca marinarraza omadi-rrereraha pouadeni maride omadizape Moizecca marinarrassa onaneza pouadeni acco ocanabaqquirrari, Zeso Cristoza toquerrenauiuarrine.

Carasiadeniza 1:21

Nani zotodepe zama arobeni Siriauarri occarraro. Zama arobeni Sirisiauarri naqui occarizarrarode, Zeso Cristo tauimari maride.