Tahimarideni 17:1 - Kulina New Testament Brazil

¹ Nazapa Paoro Sira tezerre touedarrari, oza panani Apiporiza tossoniqquimemana, oza panani onihi Aporoniaza tossoniqquimemana zanaporrari. Nazapa oza panani Tesaronicaza bacco toquenarrari. Nauicca zodeodenipa Deo Atti mamari carrimanarrari.

Culina Mádija

¹ Nadsapa Pablo Sila tedseje tohuedajari, odsa panani Apiporidsa tossoniqquimamana, odsa panani onihi Aporoniadsa tossoniqquimamana dsanapojari. Nadsapa odsa panani Tesaronicadsa bacco toquinajari. Nahicca jodiodenipa Dio Atti mamari cajimanajari.

Tahimarideni 17:1 Iomraidhean Croise

Tahimarideni 14:1

Nazama Paoro Banabe tezerre oza panani Iconioza bacco toquenazapa zodeodenicca Deo Atti mamariuarri totouedezima naza mari mari ihicanabaqqui narrari. Attideni bica taza Zeso tauimari mari icanabaqquizapa zodeodeni mota uapi taha, zodeo querrena-rrararrarideni naco mota uapi taha parrissa quenarrari.

Tahimarideni 15:21

Narraro uima uapima Moizecca marinarraza dozo nanipe zama bazimaza torraribaqquirraro. Narraro marinarra maittaccazama mari mari quenaporraripa rridapana iaza bacco narronarraro. Icca zamaza, zama onihiza, zama onihiza naqui rrassinarracca uadaza Deo Atti mamariuarri pocca marinarra mari mari quenaui parra naccaui −narrari Tiaco.

Tahimarideni 16:13

Nezape rrassinarracca uada bacco teza Deo Atti mamari oza nouerezape oza panani amossiniuarri rrauirrenarraro, ueni inidiuarrina rrauirrezippade. Nauiuarri Deoza uatide totoqueriqqui narrari uitide ineza. Naniuarri bacco inezape amonerre ponidenira queriqquimanani qqui inabaqquizape ia naqui ponidenizama naniza rrassi ineza Deo Atti mari icanabaqquirrarode.

Tahimarideni 17:10

Naraha narraro zomeza Tesaronicacca Zesoza rrehe quenarraridenipa uassinarra Paoro Sira tezerre zossesse inabaqquimanarrari, oza panani Bereauarri touedauiuarrine. Touedazapa Bereaza bacco toquenaza nauiza madimanarrari. Nazapa zodeodenicca Deo Atti mamariuarri totouedezima narrari, Zeso tauimari maride.

Tahimarideni 17:11

Zodeodeni Bereaza madimanarraridenipa bicaqquiri narrari, pina arra Tesaronicacca uadiqquiri narraridenissa quena-rrararrari. Deo Atti mittemanezatirra narrari touini quenarrari. Nazapa uarrirriraza Deo Atti dozo naporrarocca uade toquerrenarrari. Pouadeni bodipa: —Paoro attipa parrissaqui? Pina arri uima dozo naporraroccassa naqui? −quenarrari.

Tahimarideni 17:13

Naraha arra Tesaronicacca zodeodeni mota Zeso tauimariza nacasseraqquiri narraridenia uima mittemanarrari: —Paoro Sira tezerrepa Bereacca madirra naco Deo Atti mari icanabaqquiui −quenaui mittemanazapa boquemanapomarrari. Nazapa Bereauarri rraui torrarrari. Bacco toquenaza nauiuarricca madirra Paorodeniza uadimanauiuarrine uima inanemanapomarraro. Moua moua narizemanazapa Bereacca madirra ssamoni auemanarrari.

Tahimarideni 20:4

Nazama Paoroza rraui torrarraridenipa Bereauarri madirrari Piro bedi Sopatero tocca, Tesaronicacca pamaha Aristaco tocca, Secondo tocca, Derbeuarricca Caio tocca, Timoti tocca, Asiauarricca Tiquico, Tropimo tezerre toueda, arri oua Roca naqui Paoroza occarrarode.

Tahimarideni 27:2

Itesse Aristaco naco iaza toccade. Pouapa zama Masedoniacca oza panani Tesaronicauarricca madirra. Nazama nani oza panani Sezareacca rrauiza ia bazima rrauirrezippeza oza panani Adaramitiouarricca darroni imeni etero ssoque caniqquimani carrinicca zama Asia rrippeuarri touaccabote nani qqui icanade. Nezape narraro darroni imeniza rrauirrezeza iaccarrarode.

Piripodeniza 4:16

Oza panani Tesaronicaza omadiza naqui occa madieuarrine ticcadeni da naqquinarra ouaza zosse tarronemanani orrari nerrerade.

1 Tesaronicadeniza 1:1

Nirra imecotedeni? Oua Paoro, Silvano, Timoti ineza tiadeniza dozo inarraro. Nani oza panani Tesaronicacca Zeso Cristoza rrehe tiquenarraro titiqueriqqui narraro icca Abi Deoza, ia Zozossede Zeso Cristo pouadeni pamahaza tirrariqquimanarrarodeniza icca uima dozo inarraro. Abi Deo tiadeniza pocca touati uanehe, pocca biquehe, pocca rronehe naqui tiadeniza inanazanapona, inarraro.

1 Tesaronicadeniza 2:2

Taide tizamarideniuarri bacco inerreraccazape oza panani Piripocca madirra Deo Atti mari icanabaqquizapa nauiuarricca madirra motapa ia totamasso-baqquimana, ia tonarrizo-baqquimana nade. Nazama narraro uimape nauatoqquiri tiquenani. Arra tiadeniuarri naco madirra mota: —Deo Atti imitte-rrerana −quenazapa iaza uadiqquiri nade. Naraha Deorrine cappineraqquiri ineza pocca uima bicani icassiuaueraniuarrinecca tiadeni mari icanabaqquirrarode.

2 Tesaronicadeniza 1:1

Nirra imecotedeni? Oua Paoro, Silvano, Timoti ineza tiadeniza dozo inarraro. Nani oza panani Tesaronicacca Zeso Cristoza titiqueriqqui narraro icca Abi Deo, ia Zozossede Zeso Cristo pouadeni pamahaza tirrariqquimanarraroza icca uima dozo inarraro.

2 Timoti 4:10

Otessedeni ouaza madimanaraha Cresetepa zama arobeni Carasiauarri toccarrari. Otesse Tito naco zama arobeni Daomasiauarri toccarrari. Demapa otesseraha arrirraro namicca uima touini naza oua nebozapa oza panani Tesaronicauarri toccarrari.