Tahimarideni 16:6 - Kulina New Testament Brazil

⁶ Nazapa zama Asiauarri rraui torrauiuarrineraha nauiuarri mari quenauiuarrine Deo Corime ecosseza rraui torra-rrararrari. Nazapa zama Piriziauarri mari mari tossoniqquimemana, zama Carasiauarri mari mari tossoniqquimemana zanaporrari.

Culina Mádija

⁶ Nadsapa dsama Asiahuaji jai tojahijineraha nahihuaji mari quinahijine Dio Corime ecossadsa jai toja-jarajari. Nadsapa dsama Pirijiahuaji mari mari tossoniqquimamana, dsama Carasiahuaji mari mari tossoniqquimamana dsanapojari.

Tahimarideni 16:6 Iomraidhean Croise

Roca 1:2

Arra poua uatimade pouaza rrarrauiriza narrarideni pocca nauatonarra onihi, onihi nehe qqui narronemanarrari naqui dozo iquenarraro. Arra Zeso pouadeni mari mari ihicanabaqqui narrari naco dozo iquenarrari. Pouadenipa Zesocca marinarra ehecomerarizemana narraro naqui icauatterarraro.

Tahimarideni 10:19

Pedoropa oza tetepiuarri bodi uatoto cananarra Deo Corime pouaza uati tarrari: —Madirra 3 quenaha titoui bacco quenaui.

Tahimarideni 11:12

Nazapa Deo Corime ouaza uati tade: “Ticappinarrereza pouadeniza ticcarri” nade ouaza. Nezape arra Zopeuarricca Zesoza rrehe quenarrarideni 6, oua ineza pouadeniza rrauirrade. Nezape Coneriocca ozauarri bacco ineza rrauirrezimade.

Tahimarideni 16:7

Nazapa zama onihi Misia uinoriniza bacco toquenarrari. —Zama Bitiniauarri issoniqquimana −quenaraha nauiuarri Zeso Corime ecossarraro.

Tahimarideni 18:23

Nazapa Atioquiaza bacco taniza nauiza madirrari. Madiui poua idi nazapa bobode torrapomarrari. Zama arobeni Carasiauarricca oza pananiza, oza capamema narraroza naco, zama arobeni Piriziauarricca oza pananiza, arri oza carrari carrari narraroza naco qquide ccarizapomarrari. Zesoza rrehe quenarrarideni bazima inauatizebaqquizapa poccadeni rrehenirri todacorani narraro.

Tahimarideni 19:10

Nazapa maride nama zanaporrari uarrano pama narrari. Narraria arra zama Asiacca madirra bazima ia Zozossede tauimari mittarizemanarrari. Zodeodeni, zodeo querrena-rrararrarideni naco.

Tahimarideni 20:16

Paoropa arri zodeodenicca errete Pentecostes bacco tabote naza narraro qquide touini naza: —Zama Asiauarri inarro-rreraccana, uassinarra oza panani Zerozareuarri rrauirrana −nade. Narrarorrine Epesozape uana icana-rrerarrarode.

Tahimarideni 20:28

—Nazama ouattipe tiadeniza arrima onarraro: Deoza timadimananissa taniuarrinepe tiadeni tecauemanarri. Zesoza rrehe quenarrarideni, arra tiadeniza quequeriqqui narrarideni naco tecauabaqqui-manauissa tarro. Deo Corimerrine pouadeni cacauade tiquerrenarraro. Deocca madirra pouadeni manaconepa Deo Poua Bedi zoqqueza poua emene toccarraro. Narrarorrine pouadeni tecauabaqqui-manauissa tarro, onarraro.

Tahimarideni 20:4

Nazama Paoroza rraui torrarraridenipa Bereauarri madirrari Piro bedi Sopatero tocca, Tesaronicacca pamaha Aristaco tocca, Secondo tocca, Derbeuarricca Caio tocca, Timoti tocca, Asiauarricca Tiquico, Tropimo tezerre toueda, arri oua Roca naqui Paoroza occarrarode.

Tahimarideni 21:27

Nazapa uada 7 nehe bacco tabote naza Paoropa poua motta Deoza dada toqquimauarri toqquezimapomarrari. Naraha zama Asiauarricca zodeodeni naui bodiuarri rraui torrezimaza Paoro qqui toquenazapa pouaza uadimanarrari. Pouadenipa Paoroza noccodeni rrizera narrari. Poccadeni zamauarri maride ccarizaza taide pouaza uadimanaporrari. Nazapa narrarideni uadimanapomazapa Paoroza uima inanemanarraro. Rroua rroua quenaza Paoro dama iquenarrari. Madirra bazima pouaza uadimanauiuarrine attidenipa arrama quenarrari:

Tahimarideni 6:9

Naraha zodeodeni motapa Estevao tezerre arrauarri uati arrauarri uati quenarrari. Naui Zerozareza pouadeni quequeriqquimana nauiuarricca oninipe: Zozosse toquerrenaporaha tappa tabaqquiuicca icanacanimanarraro. Pouadenipa oza Sirenecca, oza Aresadriacca, zama Sirisiauarricca, zama Asiauarricca quenarrari.

Tahimarideni 8:29

Nazama Piripi tezerre bacco tocanirebote nazapa Deo Corime Piripiza uati tarrari: —Rrari, uassinarra tiqqueza arricca nami rrorroppade uinorinina tianarri −narrari.

Romanodenidsa 16:5

Prisira, Aquiradenicca ozaza quequeriqquimana narrarideniza naqui nirra onarraro. Otesse bicabote Epenetoza naqui nirra onarraro. Pouapa zama Asiauarricca madirra Zeso Cristoza toquerrenazapa pouana parrissa naporrari.

1 Corintodeniza 12:11

Arrirraro nauatoue bazimape Deo Corime nacassa taza Zeso Cristoza toquerrenarrari motadeniza da da ihinariza narraro. Deo Corimepa orrariraha Pouana madirra bazimaza inanarizarraro.

1 Corintodeniza 16:1

Rridapanape imecotedeni Deoza rrehe quenarrari acco ticanabaqqui-manauiuarrine da naqquinarra tauimarini tiadeniza uati onana. Pina arra zama Carasiauarri Deoza quequeriqquimana narrarideniza uati onarizaporrarossa tinanemananiuarrine bica tani.

1 Corintodeniza 16:19

Nazama arra zama Asiauarricca Deoza quequeriqquimana nauiuarricca bazimapa tiadeniza nirra quenarrari. Aquira pocca amonerre Prisira tazarrani, poccadeni ozaza quequeriqquimana narrarideni naco ia Zozossede Deo onima nirra quenarrari.

2 Corintodeniza 1:8

Imecotedeni, zama Asiauarri rrauirreza ocasserani imeni inauanarrarocca uima nauatoqquiri tiquenaniuarrine tiadeniza dozo onarraro. Narrizoue oppinabote iaza ssonarizape ipamarronabote nade. Iaza tocasserani nezape: —Niza arrirraro narrizoue rriquezape imadipomanitoui −inerrerade.

Carasiadeniza 1:2

Oua, ouimecotedeni ouaza madimanarrarideni tezerre tiadeniza dozo inarraro. Nani zama arobeni Carasiauarri titiqueriqquiriza narraro bazimaza: —Nirra, bicaqquiri tiquenaqui? −inarraro.

Carasiadeniza 3:1

Rraho! Tiadeni Carasiauarri timadirize-manarrarodenipe tibodideni uatome-mananiuarrine ssamoqquiri tiquenarraro. Nerrecorrari attirrine tibodideni tossamorraro? Nani tiadeniuarri Zeso Cristo aua porimacossaniza zoqquerrari tauimari ouacomera-rizapozape pina qqui tiquenarrarissa narraride. Naraha rridapanape uima onihizana tiquerrenarraro.

2 Timoti 1:15

Rrehe Timoti, arrirraro uima timittaporrarope nauato tinani. Narrarope arri zama Asiauarri madimanarrari Zesoza rrehe quenarraridenipa onoppine tocomehimanaza oua inebomanarrarode. Nama quenarraridenipa uapi taraha pamahana onideni dozo onarrari: Pirrero, Eremorrene quenarrari.

2 Timoti 4:10

Otessedeni ouaza madimanaraha Cresetepa zama arobeni Carasiauarri toccarrari. Otesse Tito naco zama arobeni Daomasiauarri toccarrari. Demapa otesseraha arrirraro namicca uima touini naza oua nebozapa oza panani Tesaronicauarri toccarrari.

Ebreodenidsa 11:8

Maittaccazama Abarahao naco Deoza rrehe nauissa tarrari. Pouaza Deo uaua nazapa Poua Attiza ibora tarrari. Pouaza Deo Attipa: —Arrirraro zama tineboza ticcarri. Zama onihi tiaza noue onanitoui. Narraro zama tiaza, tipotemanideniza da onanitoui −narrari. Nazapa poua toccauiuarri ssamo taraha pocca zama ineboza toccarrari.

1 Pedoro 1:1

Nirra ouimecotedeni? Ouape Pedoro, Zeso Cristocca zozosse orrarraro. Tiadenipe Deocca tocatterrizabaqquinarra tiquerrenarraro. Zeso Cristoza rrehe tiquenarrarodeni ticcadeni zamaza timadimanaporaha tiadeni totamouabaqqui-manaza tirraribaqquimanarrarode. Nezape zama Pontouarri, Carasiauarri, Capadosiauarri, Asiauarri, Bitiniauarri timadirizemanarrarodeniza occa uima dozo onarraro.

Apocalipsis 1:11

Atti arrama narrari: —Arrirraro bazima tiaza noue onarrarope papeoza dozo tarri. Arri zama Asiauarricca Zeso Cristoza quequeriqquimana naui 7 narizarraroza uima zosse tinarizaniuarrine. Oza panani Epesouarri, Esmirnauarri, Peocamouarri, Tiatirauarri, Saradisiouarri, Piradeopiauarri, Laodiseauarri zosse tinarizarri −nade atti moui taza.

Apocalipsis 1:4

Ouape Zouao. Arrirraro occa uimape arri Asiauarricca oza panani 7 naniuarri Zeso Cristo tauimariza titiqueriqquimana narrarodeniza dozo onarraro. Deopa madiui. Nazama madiporrari. Niza ccarronauitoui. Ccarronazapa tiadeniza uima bicani inanarizana. Pocca rronehe inanarizana, onarraro. Deo Poua zosse zosse nanarra nauicca uiuittari tazarranima Poua Corime 7 quenaha domo uarrarideni naco tiadeniza uima bicani inanarizemanana. Poccadeni rronehe tiadeniza inanarizemanana, onarraro.