Tahimarideni 16:34 - Kulina New Testament Brazil

³⁴ Passo dopaniza niquide rricazapa toponi cocoro cacauadepa pocca ozauarri Paorodeni inarripabaqquirrari. Deoza rrehe nazapa uatizeri narrari. Pocca ozacca bazima naco Deoza rrehe quenazapa uatizemaneri narrari.

Culina Mádija

³⁴ Topade jicadsapa toponi cocoro cacahuadepa pocca odsahuaji Pablodeni inajipabaqquijari. Diodsa jehe nadsapa huatidseri najari. Pocca odsacca huapima naco Diodsa jehe quinadsapa huatidsemaneri najari.

Tahimarideni 16:34 Iomraidhean Croise

Roca 15:32

“Naraha rridapanape irripaqquiza etizeniuarrine bica tani. Ticote zoqquerrarissa naraha rridapanapa uima zatiza madiniui. Pouapa rrano torraraha qqui inimaniui” narrari poua bediza −narrari Zeso.

Roca 19:6

Nazapa Zaqueo uassinarra ccaronaza Zesoza: —Rrehe, occa ozaza timadiccarri −narrari. Zaqueo pocca ozauarri Zeso iaccanizapa touatizenirrari.

Roca 5:29

Zotodepa Rebi Zesoza uatizezapa: —Irripaqquina −narrari. Nazapa pocca ozauarri poua tessedeni Zeso tezerre rripaqquimanauiuarrine zamatapa uemaui narrorarrari. Queriqquimanaza poua tesse rromanodenicca taminecca zossenirri ziniro nanaccadedeni, poua tessedeni tezerre rripaqquimanarrari. Nauiza madirra ouahadeni naco Zeso pocca mamari tabaqquima rripemanarrari.

Tahimarideni 11:14

Narrari arrauarri ccarronazapa tiadeniza ticassiuaueraniuarrinecca uima uati tauiuarrine. Narraro uimaza tia, ticca ozacca madirrama ticassiuaueraniuarrine’ nade Deo Atti ccaccaronade ouaza” narrari Conerio atti.

Tahimarideni 16:15

Nezape Ridia Zesoza parrissa nezape passo dopaniza niniqui carrirraro. Ponicca ozacca madirra naco bazima passo dopaniza niniqui carririzemanarrari. Nezape poni attini iaza: —Arri ouaza tibodideni: “Ia Zozossedeza parrissa nani” tiquenezape rrina, occa ozauarri timadimanarri −nade. Iaza uatide damera tezape ponicca ozaza imadirrarode.

Tahimarideni 16:35

Narraro ssiuarraza uima cacattemadedenipa Paoro Sira tezerre tappa inabaqquimanauiuarrine isso teppeppe pamaha toponi cocoro cacauadeza uatide zosse inabaqquimanarrari. Touedazapa toponi cocoro cacauadeza uati toquenarrari: —Arra uima cacattemadedeni attidenipa: “Paoro Sira tezerre tappa tinabaqquina” quenaparra −quenarrari.

Tahimarideni 2:46

Deoza dada toqquimauarri naco rrarraui torrezima narrari. Poccadeni ozauarri naco arrauarri rripa, manaco arrauarri rripa nanarizemana nazapa bodideni parrissehema uatizemaneri nanarra narrariparra.

Tahimarideni 8:39

Nazapa passo dopaniza niqui, idimora naza uedemoraniraha Deo Corimerrine Piripi amazati zama onihiuarri toccarrari. Naraha tamine birri accodepa Piripi qqui inimani-rrararaha poua motta touatizenirrari.

Romanodenidsa 15:13

Itezerremacca uima bicani rrinede Deopa Pouaza parrissa tiquenarrarodeniza pocca uatizehe, pocca rronehe inanarizana. Titezerremadenicca uima bicanitoui Poua Corimecca dacorehema timadimanana, onarraro.

Romanodenidsa 5:11

Narraro uima bicania iaza orrari-rrerani. Deoza naqui uatizehe imeni icarrini. Ia Zozossede Zeso Cristorrinena Deo tezerre icarronerarraro.

Romanodenidsa 5:2

Cristoza parrissa inezape pouarrine Deo ia catize taui. Narraroa arri Deo Pouaza dameraqquiri inarraroparri. Niza Deo zamariuarripe pocca deni torrehe iaza torranitoui ineza ehetize narraro.

Carasiadeniza 5:22

Naraha Zeso Cristoza iquerrenezape icca uima pina aua bicaui bonorride rarrarissa narraro. Deo Corimerrine bono inarrarope pina touati uanehe, uatizehe, rronehe narraro. Rrehe, Deo Corime ibodiza madirrarirrinea iape uapimaza eti uanaqquiri narraro. Deocca uatizehema imadirraro. Rroneqquiri ineza imadirraro, amazati edi-rrerarraro, etti bica teza uati uati inarraro. Uima bicanira inanarraro, Deozara rrehe izanaporraro.

Piripodeniza 4:17

Ouape ticcadeni da naqquinarra touira obodi uatoni orrari nana onerrerarraro. Ticcadeni biquehecca uima Deoza touapiniuarrinena toui onarraro. Arri ticcadeni da naqquinarrape Deopa qqui qqui taui. Tiadenipe pina Deo Pouaza tizepedeni irrimanarrarossa narraro. Nezape Deo pocca biquehe tiadeniza torranitoui.

Piripodeniza 4:4

Uarrirriraza ia Zozossede Deoza tetetizemana narri. Tiadeniza uati omanipomarraro: Ia Zozossede Deoza tetetizemana narri, onarraro.

Piremao 1:7

Rrehe ouimecote, Deoza toquerrenarrarideni bazimaza teti uana teza bodideni acco ticanabaqquizapa uatizemanarrari. Narraro uima omittezape oua naqui ouatizerraro. Obodi tobicani napomani.

1 Zouao 3:18

Ouimecotedeni, occa erredenissa tiquenarraro. Iape ettizara eti uana tani orrari nerrerana. Arri izepe irrirraroma imecotedeniza eti uana tana. Parrissa Deocca touati uanehe icarrizape icca madieza auato inanana, onarraro.