Tahimarideni 16:30 - Kulina New Testament Brazil

³⁰ Nazapa toponi cocoro bodiuarri pamizaraha eqquenabaqquizapa uapiccazana pouadeniza uati tarrari: —Rraho, oua naqui ossiuauaniuarrinepe nerrecoma onaniuarrine? −narrari.

Culina Mádija

³⁰ Nadsapa toponi cocoro bodihuaji pahimidsaraha eqquenabaqquidsapa huapiccadsana pohuadenidsa huati tajari: —Jaho, ohua naqui ossiajanijinepi ¿nejecoma onanijine? −najari.

Tahimarideni 16:30 Iomraidhean Croise

Mateo 3:8

Neraha tettideni arrima tiquenezana bica tani: “Uimasiri onebona. Deotouira obodi uauatoma naniuarrine” tiquenezape tibodideni cacarriqquimeranicca uima auato taniuarrine uima bicanira tinanemanarri, onarraro −narrari Zouao.

Mateo 5:7

—Tiadenipe madirraza tetideni uanaqquiri neza pouadeniza uima torrezape pouadeni acco ticanabaqquimanazapa Deopa tibodideniza uatizeheri inanarraro. Deopa tiadeniza naco uati uana tauitoui, tiadeni acco tocanabaqquiuitoui.

Roca 3:10

Nazapa madirra attidenia: —Nezape iaha nerrecoma inaniuarrine, ibodi cacarriqquimeranicca uima auato taniuarrine? −quenarrari Zouaoza.

Tahimarideni 14:15

—Nerrecotoui ticcadeni uima iaza nema tinanemanarraro? Iape madirra, arri tiadenissa inani! Tiadeniza uima bicani icassiuaueraniuarrinecca uatide icadarronarraro. Arri ponima iaza: “Ia cacauade Zeho, Ermesi” titiquena narrarope tinebomanarri! Ticcadeni deo pouamaccaza: “Ia cacauade” titiquena narrarope tinebomanarri. Deo camitta tarrarizara parrissa tiquenarri. Pouana bazima inauatorizarraro. Meme inauato, zama inauato, passo imeni inauato narraro. Meme abari inauato, zama abari inauato, passo abari inauato, ia bazima naqui ia tonauatobaqquirrari.

Tahimarideni 16:17

Narraro zouatope Paoro, ia inarraro inatti motta uaua carramissaponi nade. Poni attinipe arrima nade: —Arrarraridenipa Deo memeuarri madirrari Attiza iboraqquiri naui, naui! Arrarraridenipa Deo tiadeni tonassiuauabaqquiuiuarrine tauimarini tiadeni mari tocanabaqqui-manauitoui, mari tocanabaqqui-manauitoui! –nanamissa narrarode.

Tahimarideni 16:24

Nazapa toponi cocoro cacauadepa uima cacattemadedeni attideni mittazapa bodiccazana iaqquezimabaqquirrari. Issodeni auaza cabasso naza rrore caniqquimaza pamizaza canarrari.

Tahimarideni 2:37

Narraro uima mittemanazapa rrazirema bodideni ocassera taza orri quenabote narrari. Nazapa Pedoroza, Zesocca zozosse tabaqqui ouahadeniza naco uati toquenarrari: —Rraho, imecotedeni, iana nerrecoma inapazerre? −quenarrari.

Tahimarideni 22:10

Nezape pouaza uati onade: “Oua Zozossede nerrecoma onapazerre?” onade. Naraha ouaza uati tade: “Titemeza oza panani Damascouarri ticcarri. Nanizana occa uima, arri ouaza tizepe irriniuarrinecca uima timittaniuarrine” nade ouaza.

Tahimarideni 9:6

Nama nazapa tacca-cca canazapa uarro nanarra uati tarrari: —Oua Zozossede nerrecora onauato pazarra? −narrari. Nazapa Zozossede Zeso pouaza uati tarrari: —Rrari, titemezape, oza panani Damascouarri ticcarri. Nanizana occa uima, arri ouaza tizepe irriniuarrinecca uima timittaniuarrine −narrari.

Satiacocca 2:13

Arri tiadeni madirra ouahaza tetideni uaneraqquiri nezape manaco tiadeniza Deo uati uanera taza: —Ticcadeni uima bica terrerani −nauitoui. Naraha madirra ouahaza tetideni uanaqquiri nezana Deopa uati uana tarrari. Niza Deo madirra bazimacca uima cattemade torrauiuarrinecca uada bacco tezape tiadeniza: —Ticcadeni uima ouaza bica tani −nauitoui.