Tahimarideni 16:25 - Kulina New Testament Brazil

²⁵ Nazapa Paoro Sira tezerre zome nocconiraha Deoza uauatiti zarrari, Deoza uatizemanaza rrirririri zazapa toponi cocorocca madirra mittemanarrari.

Culina Mádija

²⁵ Nadsapa Pablo Sila tedseje dsome nocconiraha Diodsa huahuatiti dsajari, Diodsa huatidsemanadsa jijiriri dsadsapa toponi cocorocca madija mittamanajari.

Tahimarideni 16:25 Iomraidhean Croise

Roca 22:44

Naraha Zeso poua bodi ocassera-ra canarrari. Deoza uatide todacoraui nazapa taniccorrari. Poua taniccone namiza toqquezape pina ama motarehe ssaboro ssaboro narrarossa narraro.

Tahimarideni 15:22

Nazapa Zesocca zozosse tabaqqui, Zesoza rrehe quenarrarideni naco, pouadeni cacauadedeni tezerre bazima attidenipa: —Rrehe, arrima inana. Narraro uima Atioquiacca imecotedeniza zosse inana. Paoro Banabe tezerre zorro inanimananiuarrine bica tani −quenarrari. Nazapa poccadeni madirra pamaha naco Paorodeniza touedauiuarrine icatterriza-baqquimanarrari. Orraria onipa Zoda, poua oni ouahapa Barsaba. Poua tesse icatterrizemanarrari onipa Sira. Pouadeni pamahapa Zesoza rrehe quenarrarideniza deni toquerrenarrari.

Tahimarideni 16:19

Nanarra arra zouato poni zozosse tonanadedeni poni bodinicca nauatobote amossi naui qqui toquenazapa: —Rraho! Nema nezape ziniro icappirapazerre? Rridapanape poni bodinicca nauatobote cappirani −quenarrari. Nazapa Paoro dama, Sira dama iquenaza oza panani nocconiuarri iaccabaqqui-manarrari, uima cacattemadedeniza uati toquenauiuarrine.

Tahimarideni 16:33

Nazapa zome nocconiraha toponi cocoro cacauade passouarri iaccabaqquizapa berorideni ssaua inarizarraro. Nazapa narraro zomeza pocca madirra bazima passo dopaniza niniqui carrimanarrari.

Tahimarideni 5:41

Naraha Zesocca zozosse tabaqquipa uima cacattemadedeni queriqquimanauiza rraui torrenazapa uatizemaneri tanimanarrari. Zeso oniza toquerrenarrarirrine narrizoue inauanemananiuarrine parriremanaui Deo nauato taporrarirrine narrizoue ecossa-rrerarraro.

Romanodenidsa 12:12

Arri titezerremadenicca uima bicanitoui timadimanezape uatizehema timadimanarri. Ocasserani temaneza naqui mouaraza tinauanemanarri. Deoza uatide naqui tinebomana-rrerarri.

Romanodenidsa 5:3

Naraha itezerremacca uima bicanizaha etizeni orrari-rrerani. Arri ocasserani erraroza naqui etizeniuarrine. Arrirraro uima nauatoto inani: Ocasserani errarope denima idacocorani naniuarrine, ocasserehe tonauanade iattaniuarrine.

2 Corintodeniza 6:10

Pina orri inarrarossa naraha nema nehe Deoza etizerraro. Pina icappirarrarossa naraha Deocca danirri uima bicani icarrirraro. Irrine naqui Deocca danirri madirra bazimaza torrarizarraro.

Epesodeniza 5:19

Nama nazapa timecotedeni tinauatizebaqquimanauiuarrine rriri rriri tiquenarri. Arri Dabicca rrirriricca bica tani, arri Deo Atti dozo nanicca rrirriri naqui bica tani. Deo Corime tibodideni tonauattabaqquiza naqui rriri rriri tiquenani bica tani. Tettideni, tibodideni nemanehema ia Zozossede Zeso Cristoza rriri rriri tiqueneza naqui pouaza: —Bica tinani, deni tirrani! −titizanapomana narri.

Piripodeniza 2:17

Zeso Cristoza rrehe tiquenarraro ticcadeni madie Deoza teccoremanarraroparri. Narraroa ticcadeni da inaqquinarra Deoza da tiquenarrarossa narraroparri. Deoza tizepedeni ihirrimana narraro naqui Deoza teteccoremana narraroparri. Nazama oua naqui Zeso Cristo tauimari ouacomera-rizarraro acconi oua inanazoqque-manaza ozoqqueni bica tani. Occa madiepe pina occa danirri Deoza dada onarrarossa narraro. Nazama ticcadeni danirri Deoza denima parrirenissa taniuarrinepe occa danirri, ticcadeni tazarrani carrimezape ouatizeni. Occa uatizehe tiadeniza torrezape bazima etizenitoui.

Corosadeniza 1:24

Tiadeniza ouati uana teza Deo Atti denima timittemananiuarrine oneza ocasserani oueraha ouatizerraro. Cristopa pouaza orrariqquimanauiuarrine ocasserani auarrariparrade. Pouaza toquerrenarraridenipa pina poua assiressa quenarrari. Oua naqui pouaza toquerrenarrarideni acco ocanabaqquiza ocasserani ouarraroparri. Nema onarrarope oua ocasserani ouarraro, arra Zeso ocasserani auarraricca tazarrani tassaqquizape pouaza orrariqquimanarrarideni denima tobiquemana-zanapouitoui.

Ebreodenidsa 5:7

Zeso Cristopa arrirraro namiza madiccaza uarrirriraza Imehi Deoza uati uati tarrari. Ocasserani auaza orriema Imehiza uati uati tarrari. Bodi qquezaza naco atti moui taza uaua narrari. Imehipa dacorehe carrirrari. Poua Bedi zoqqueheza inassiuauauiuarrine parrireui. Naraha Zesopa Imehi Attiza ibora taza: —Peperri Abi, touini taniccazana ibora onarraro −narrari. Nazapa Imehi Poua Bedicca iborehe qqui taza Bedicca uatinarra mittarrari.

Satiacocca 1:2

Rrehe ouimecotedeni, tiadeniza uima onihi ssonari, uima onihi ssonari naraha tettidenipe: —Peperri. Nema nehe ouatizeni −tiquenanina bica tani, onarraro.

Satiacocca 5:13

Toponi bodi ocasserani auauipa? Narraripa Deoza uati uati. Toponi bodi uatizeuipa? Narraripa Deoza rriri rriri nana.

1 Pedoro 4:14

Nazama Zeso Cristo oniza tiquerrenarrarorrine madirra tiadeniza attideni uaidira taza atti atti quenaza naco nema nehe tetizemanarri. Deo tiadeniza uima bicani inanarraro. Deo Corime Dacorabote tiadeniza torrazapa madi-zanapouitoui.