Tahimarideni 16:18 - Kulina New Testament Brazil

¹⁸ Uarrirriraza inatti motta nema nema nanarrona nezape poni attini mittade iaza tocasserani neza Paoro poua natti qqui taniza zouato bodinicca tocorime monaza uati tade: —Zeso Cristo onima uati onana: Tiqquenarri! onarraro −nade Paoro. Poua atti nama nanarra tocorime monapa amazati qquenarraride.

Culina Mádija

¹⁸ Huajijiradsa inatti motta nema nema nanajona nadsapi poni attini mittade iadsa tocasserani nadsa Pablo pohua natti qqui tanidsa dsohuato bodinicca tocorimedsa huati tade: —Jesocristo onima huati onana: ¡Tiqquenaji! onajaro −nade Pablo. Pohua atti nama nanaja tocorimepa amadsati qquenajaride.

Tahimarideni 16:18 Iomraidhean Croise

Mateo 14:24

Neraha iape coriza nocconi ori ineraha rrorrode itezerrema ccarronezape passo rriba rriba narrarorrine darroni queuenacossarraro.

Maraco 1:34

Naraha Zesopa comaqquiri narrarideni bazima comani onihi onihi carririzemanaraha inanomibaqquirrari. Tocorime uapi taha naco zosse ininebaqquirrari. Pouadenipa Zesoza nauatoqquiri naraha Zeso poua tauimari ecomeremananiuarrine nacassera tazapa didi inanabaqquirrari.

Maraco 16:17

Ouaza parrissa quenarraridenipa oua oniza zepedeni irrimanaza canauatorimana canauitoui. Canauatorimana quenazapa Deocca dacorehe auato tanitoui. Rrehe, oua oniza uati uati toquenazapa Tocorime-Taminecca zozosse tocorime zosse ininebaqqui-manauitoui. Touatti onihiza naco uatide nauatoqquiri nauitoui.

Roca 9:1

Zesopa pocca zozosse tabaqqui 12 quenarrarideniza uaua naza queriqquirrari. Zesopa tocorimeza pouana denima atti dacorarrari. Narraro poua atti dacorehe pocca zozosse tabaqquiza inanarraro. Pouadeniza uati taza naco arrama narrari: —Ouatti, occa nauatouema tiadeniza onanana, arra madirra bodidenicca tocorime ouaha ouaha narizarrarideni naco zosse zosse titimariza-baqquimana nauiuarrine, onarraro. Madirra bazima zamacoma comene ouaha ouaha carririzemanarrarideni naco titinanomi-baqquimana nauiuarrine, onarraro −narrari Zeso.

Tahimarideni 3:6

Naraha Pedoro attipa: —Ouape ziniro ocappirani. Nouerani! Naraha Abi Deorrine nauatoue ocarrizape tia acco ocananiuarrine. Nazaretiuarricca Zeso Cristo onima uati onarraro. Titemeza ticcarizarri! −narrari.

Tahimarideni 9:34

Nazapa Pedoro pouaza uati tarrari: —Enea, Zeso Cristorrine tinomini. Titemarri, ticca uauada mouaraza domo taqquirro −narrari. Nanarra amazati totemaza ccarizarrari.

Corosadeniza 2:15

Cristo aua porimacossaniza zoqquezapa Deorrine tocorime taminedenicca dacorehe, poccadeni deni torrehe bazima inassamorizarraroparri. Deo Pouarrine narrarideni arramani toquerrenaui bazima auato inanarraro. Pina rrazireza arramani toquerrenarrarideni tozepe toquerrenarrarissa quenarrari.