Tahimarideni 16:15 - Kulina New Testament Brazil

¹⁵ Nezape Ridia Zesoza parrissa nezape passo dopaniza niniqui carrirraro. Ponicca ozacca madirra naco bazima passo dopaniza niniqui carririzemanarrari. Nezape poni attini iaza: —Arri ouaza tibodideni: “Ia Zozossedeza parrissa nani” tiquenezape rrina, occa ozauarri timadimanarri −nade. Iaza uatide damera tezape ponicca ozaza imadirrarode.

Culina Mádija

¹⁵ Nadsapi Lidia Jesodsa pajissa nadsapi totopa cajijaro. Ponicca odsacca madija naco huapima totopa cajiridsamanajari. Nadsapi poni attini iadsa: —Aji ohuadsa tibodideni: “Ia Medsededsa pajissa nani” tiquinadsapi jina, occa odsahuaji timadimanaji −nade. Iadsa huatide dissera tadsapi ponicca odsadsa imadijarode.

Tahimarideni 16:15 Iomraidhean Croise

Mateo 10:41

—Nazama madirrapa Deo Atti cacomeraboteza poua attipa: “Parrissa, Deocca zozosse tirrani. Deo Atti tecomerezape mittade nacassa onani” naza narrari madirrazapa Deo pocca biquehe inananitoui. Pina Deo pocca biquehe Poua Atti cacomeraqquiri narrarideniza inanarizarrarossa narraro pouaza naqui inananitoui. Nazama madirrapa Deorrine madiuissa zanaporrariza poua attipa: “Rrehe, Deoza timadinissa zanapozape ouaza bica tinani. Occa ozauarri tiqquezimarri!” naza narrari madirrazapa Deo pocca biquehe inananitoui. Pina Deo pocca biquehe madirra madimanauissa tarrarideniza inanarizarrarossa narraro pouaza naqui inananitoui −nade Zeso.

Mateo 3:6

Poccadeni uimasiri Deoza ecomeremanezape Zouaopa ueni Zorodaoza madirra passo dopaniza niqui niqui ihizanabaqqui narrari.

Roca 14:23

Nazapa rripaqquie rrinede uati tapomarrari: “Rrari, rraui onihi oza panani inidiuarricca rraui ticcarizarri. Madirra ouahadeni teccanibaqquirro, rrauizimauiuarrine. Occa oza carriniuarrine, onarraro” narrari.

Roca 24:29

Creopadenipa Zeso pouatoui quenaza pouaza uati toquenarrari: —Iaza tiboccarri. Marri toccaui, zomebote nani −quenarrari. Nazapa pouadeniza iborrari Zeso. Pouadenizama ozaza toqquezimarrari.

Tahimarideni 11:14

Narrari arrauarri ccarronazapa tiadeniza ticassiuaueraniuarrinecca uima uati tauiuarrine. Narraro uimaza tia, ticca ozacca madirrama ticassiuaueraniuarrine’ nade Deo Atti ccaccaronade ouaza” narrari Conerio atti.

Tahimarideni 16:31

Naraha manaco pouaza uati toquenarrari: —Ia Zozossede Zesoza parrissa tezape tissiuauanitoui. Ticca madirra naco Zesoza parrissa quenazapa tocassiuauerauitoui −quenarrari Paoro Sira tezerre.

Tahimarideni 16:33

Nazapa zome nocconiraha toponi cocoro cacauade passouarri iaccabaqquizapa berorideni ssaua inarizarraro. Nazapa narraro zomeza pocca madirra bazima passo dopaniza niniqui carrimanarrari.

Tahimarideni 16:34

Passo dopaniza niquide rricazapa toponi cocoro cacauadepa pocca ozauarri Paorodeni inarripabaqquirrari. Deoza rrehe nazapa uatizeri narrari. Pocca ozacca bazima naco Deoza rrehe quenazapa uatizemaneri narrari.

Tahimarideni 18:8

Zodeodenicca Deo Atti mamariuarricca tamine onipa Crispo, pocca amonerre, pocca erredeni bazima naco ia Zozossede Zesoza parrissa quenarrari. Naui Corintocca madirra mota uapi taha naco Paorocca marinarra mittemanaza Zesoza parrissa quenazapa passo dopaniza niniqui carririzemanarrari.

Tahimarideni 8:12

Naraha Piripipa Deocca cacauehecca uima bicani uati uati tarrari. Zeso Cristo onina deni torrarrari uati uati taza naco mittemanazapa manaco narraro uimazana parrissa quenarrari. Zesoza parrissa quenazapa maqquiderredeni amonerredeni naqui passo dopaniza niqui izanabaqquirrari.

Tahimarideni 8:38

Nazama Piripi rrehe naza tamine birri accodepa pocca nami rrorroppade cauittauiuarrine uati tarrari. Cauittaza touedezippaza Piripi tamine birri accode passo dopaniza niqui izanarrari.

Romanodenidsa 16:23

Caio naco tiadeniza nirra narrari. Pocca ozazana omadirraro. Pocca oza Zeso Cristocca madirraza accora tarrari. Erasto naco tiadeniza nirra narrari. Pouapa arrirraro oza pananicca ziniro cacauade. Imecote Coarto naco tiadeniza nirra narrari.

2 Corintodeniza 12:11

Oua motta occa uimara uati uati onezape pina madirra bodi tossamorrarissa oneraha ouaza tettideni rrima tiquenaza nema onarraro. Tiadenina otauimari tetecomeremana naniuarrine occa uima nauatoqquiri tiquenaraha. Arra maizehe mamaridedenizana dameraqquiri tiquenarraro. Narraridenipa oua arrimani inanemanaraha peperri, pina ponimaccassa onarraro. Naraha pouadeniza arrimani orrarrerani.

2 Corintodeniza 5:14

Cristopa itoui zoqquerrari, ia naqui pina poua zoqquerrarissa inarraro. Narraro nauatoqquiri inezape Cristocca touati uanehepe ia zosse zosse narrarossa narraro. Narraroza izepe irrirronarraro arrirraroparri.

Carasiadeniza 6:10

Nezape uima bicani inananiuarrine iparrirezape nema inanana, onarraro. Taidepa imecotedeni Zeso Cristoza rrehe quenarrarideni inanabicabaqquipona, zotodena madirra bazima inanabicabaqquina, onarraro.

Epesodeniza 1:1

Nirra ouimecotedeni? Occa uima tiadeniza dozo onarraro. Ouape Paoro. Deo ouaza nacassa taza Zeso Cristocca zozosse orraniuarrine otoui uaua narrari. Rrehe, nani oza panani Epesoza timadimanarrarope Deocca madirra bicaqquiri tiquenani, Zeso Cristoza dameraqquiri tiquenarrarodeniza dozo onarraro.

Piripodeniza 1:7

Tiadeniza ouati uana teza arrirraro uima obodi uatoza uati onarrarope bica tani, onarraro. Narraroa arri tozepe orreza tiadenipe Deorrine dacoco tirrireza oua acco ticanemanarraroparri. Nazama zama cacauadedeni otoui uaua quenaza occa uima: —Uaidira tani −quenaza naco occa uima mittemanauiuarrine pouadeniza ouacomerarrarode: —Deocca uima Zeso Cristo tauimaripe uaidira terrerani. Uima bicani icassiuaueraniuarrinecca −onade pouadeniza. Taide tozepe orrarreraccazama naqui tiadeni tezerre nema inarizapode. Deocca dacorehe iaza anizanaporraro.

Piremao 1:17

Rrehe, ouaza: —Ouimecote −tezape Onesimo ticca ozauarri bacco tanizapa pouaza: —Rrehe ouimecote, tiqquezimanirri! −tana. Pina ouaza: —Rrehe, tiqquezimarri! −tarrarossa tana, onarraro.

Ebreodenidsa 13:2

Arrirraro marinarra naqui tetideni rrimemana terrerana: Madirra pouadeniza tinoccodeni rrizaqquiri narrari ticcadeni ozaza bacco narronemanaza pouadeniza bicaqquiri tiquenarri. Pouadeniza: —Nirra, rraui tirrezimarri. Arra, tirripemanarri. Arriza ticauadirraniuarrine bica tani −titiquena nana, onarraro. Itesse ouahadenipa nama nama quequenanazapa taide uima ssamoqquiri naraha Deocca zozosse tabaqqui memeuarricca naco poccadeni ozaza rraui torrezima taui.

1 Pedoro 5:12

Ouimecote Silvanopa bica tarrari. Zeso Cristoza damera taui. Pouapa oua acco canaza arrirraro uima bazira tehe tiadeniza dozo onarraro, tibodideni acco ocanabaqquiniuarrine oneza. Deo titouideni uati cauanari canaui parrissa nauatoqquiri tiquenaniuarrine tiadeniza dozo onarraro. Pouapa tiadeniza uima bicani inanezape pocca touati uanehe auato inanarraro. Narraro pocca touati uaneheza dameraqquiri tiquenarri, onarraro.

2 Zouao 1:10

Nazama tiadeniuarri madirra bacco narronaza marinarra onihi pina Zeso Cristocca marinarrassa nerrerarraro mari mari nazapa pouaza: —Nirra, bica tinaqui? −tiquenerrerarri. —Occa ozaza tiqquezimarri −tiquenerrerarri.

3 Zouao 1:5

Ouimecote, tiaza ouati uana tani. Zesoza toquerrenarrarideni acco acco titicanabaqqui naza tirrine uima parrirenissa tarraro, pina Deocca zossenirrissa tinanarraro. Imecote uarri taniuarri madimanarrarideni Zeso Cristo tauimari mari mari nanarizemana narrarideniza tinocco rriza taraha tiauarri bacco bacco toquenaza pouadeni acco acco titicanabaqqui nazapa tirrine bica tani.

3 Zouao 1:8

Naraha ia Zesocca iquerrenarrarona pouadeni acco icanabaqquiuiuarrine bica tani. Nazana icca danirriuarrine narrari mamaridedeni Deocca parrissehe denima mari mari narizemanauitoui, onarraro.