Tahimarideni 16:10 - Kulina New Testament Brazil

¹⁰ Nazapa pocca uadassa naza qqui tarrarirrine Masedoniauarri rraui torrauiuarrine narroremanarrari. Arri oua Roca naqui pouadeniza occaniuarrine onarrorarraro. Deocca zossenirri ibodiza auato tezape parrissa naniuarri Zeso tauimari bicani icassiuaueraniuarrinecca mari icanabaqquiuiuarrine nauatoqquiri inarrarode.

Culina Mádija

¹⁰ Nadsapa pocca huadassa nadsa qqui tajarijine Masedoniahuaji jai tojahijine najoramanajari. Aji ohua Roca naqui pohuadenidsa occanijine onajorajaro. Diocca dosseniji ibodidsa ahuato tadsapi pajissa nanihuaji Jeso tahimari icassiejeranijinecca mari icanabaqquihijine nahatoqquiri inajarode.

Tahimarideni 16:10 Iomraidhean Croise

Tahimarideni 10:29

Nema nezape ouaza uaua teza Deorrine ocappine-rrereza occarronarraroparri. Nazama nerrecotoui ouaza uaua tarrarotte? Rridapana ouaza uati tinarri, omittaniuarrine −narrari Pedoro.

Tahimarideni 14:7

Narraro zama Ricaoniauarri uedarizazapa Zeso tauimari icassiuaueraniuarrinecca mamariri narizarrari.

Tahimarideni 16:9

Naui Troadeza cauadirrazana Paoropa pina pocca uadassa naha carrirrari. Deorrine zama Masedoniauarricca madirra naui Masedoniaza auatoza uaui qqui tarrari. Pouaza uaua narrari: —Rrari, icca zamauarri ticcarronarri, ia acco ticanabaqquiniuarrine −narrari Masedoniacca madirra.

Tahimarideni 26:13

Rrehe, nazama tamine Aquiripa, narraro uima tiaza uati onana. Ouape rraui occarraro… marri orrari uaririnaza Damasco bacco onabote naraha memeuarricca ssiuarrani dacorehe amazati ouaza bacco naronezape ouinoriza rraui torrarrarideniza naqui ssiuarrauarraniriza nade. Marripa zibehi taraha arramani. Arri oua qqui onarrarona denima dacorarraro.

Tahimarideni 27:1

Nazama: —Zama Itariauarri Paoro zosse inana, nauizapa icca tamine deni torrauiccana pocca uima icattemaniuarrine −quenazapa rromadenicca isso teppeppe zossede Zorioza uati toquenarrari. Arra Zorio pocca zozosse tabaqquipa 100 quenarrari. Narraridenipa isso teppeppe 600 quenarrari mota. Pouadeniza: —Tamine deni torrarrari Acostocca isso teppeppedeni −quequenanarrari. Nazapa narrariza uati toquenarrari: —Rrari Zorio, toponi cocoroza domo uezarrarideni, Paoro quenaza Itariauarri tiaccabaqquimanarro −quenazapa arri oua Roca naqui pouadeniza occarrarode.

Tahimarideni 9:10

Naui Damascoza Zesoza rrehe narrari madirrari onipa Anania. Pouapa pina pocca uadassa neza ia Zozossede Zeso auatoza pouaza uaua narrari: —Anania! −narrari. —Rra? Ouape arri, oua Zozossede −narrari.