Tahimarideni 15:8 - Kulina New Testament Brazil

⁸ Deopa madirra bodideni nauato tarra narrari. Zodeo querrena-rrararrarideni Zesoza parrissa quenaui Deo nauato tazapa pouadeniza Poua Corime inanarizarrari. Pina iaza Poua Corime inanarizaporrarissa narrari. Nama nazapa Deo Pouarrine zodeo querrena-rrararrarideni naco pocca madirra toquerrenauiuarrine nacassa taui auato inanarraro.

Culina Mádija

⁸ Diopa madija bodideni nahato tajari. Jodio quejena-jarajarideni Jesodsa pajissa quinahi Dio nahato tadsapa pohuadenidsa Pohua Corime inanaridsajari. Pina iadsa Pohua Corime inanaridsapojarissa najari. Nama nadsapa Dio Pohuajine jodio quejena-jarajarideni naco pocca madija toquejenahijine jipa tahi ahuato inanajaro.

Tahimarideni 15:8 Iomraidhean Croise

Huano 21:17

Naraha Zesopa pouaza uati tapomade: —Simao, Zouao bedi tirrani tiape ouaza nacassa tinarraroqui? −napomade. Zesopa Pedoroza uati tarrari, uati nimanirrari, uati nimanipomarrari nazapa Pedoro pouaza tocasserani naza bodi qquezarrari. Nazapa poua cacomerade: —Oua Zozossede tiana nauato tinehe rricarraro. Nauato tinarraro tiaza nacassa onani −nade. Nazapa Zeso uati tade: —Occa eueue tititapabaqqui nana, onarraro. (Arra Zeso atti nama narraripa “Occa madirra mari mari titicanabaqqui nana” narrari.)

Huano 5:37

—Nazama Abi oua cazosserrarirrinena occa uima auato tani qqui tiquenarraroparri. Naraha Poua Atti mouini timittemane-rrerani. Poua assire naco qqui tiquena-rraraui.

Tahimarideni 1:24

Nazapa Deoza uati toquenazapa arrama quenarrari: —Ia Zozossede Deo, tiape madirra bodideni qquide nauatorride tirrirani. Tiape tetti nerrecoma nani? Arraza madirra pamaha icatterriza-baqquiui nerrecorrarizana touini tani? Nerrecorrarina arra Zoda zepe irrirrariccaza torrauiuarrine? Zodapa uimasiri inaneza ia tonebobaqquiza Deo Tirrine poua tezerremacca uima tinanarroraponiuarri torraui −quenarrari.

Tahimarideni 10:47

Nazapa Pedoro uati tapomarrari: —Arra Coneriocca madirrapa madirra ouaha querrenaraha Deorrine Poua Corime bodideniza torrarizarrari. Pouadenipa Deo Corime carrimanarrari, pina iassa quenaui. Nazapa passo dopaniza niniqui carrimanauiuarrine bica tani. Nerrecorrari pouadeniza: “Passo dopaniza niniquipa carrimana-rrarana” nauiuarrine? Noueraui −narrari Pedoro.

Tahimarideni 14:3

Nama quenaraha Paoro Banabe tezerre naui pouadeniza madimana-zanaporrari. Ia Zozossede Zesorrine cappinenera taza Deo madirraza uati cauanari canaui tauimarini mari icanabaqqui-zanaporrari. Nazapa narraro uima parrissa auato taniuarrine Deo Paorodeniza pocca nauatoue da inezape canauatorimanana canarizarrari.

Tahimarideni 15:28

Deo Corime ibodi acco canazapa etti arrima inarraro: Arri Moizecca marinarra nemanehe tibodideniza ccanarra tezape Moizecca marinarra mota deni torraniccazara iboraqquiri tiquenarri, inarraro. Narrarope arrima narraro:

Tahimarideni 2:4

Nazapa pouadeni bodiza Deo Corime torrarizauissa tazapa Deocca nauatoue carrimanarrari. Orrariapa touatti rriza tarraroza uati, ouahapa touatti rriza tarraro onihiza uati, ouahapa touatti onihiza uati uati narizemanarrari. Deo Corimerrine nama narizemanarrari bazima.

Tahimarideni 4:31

Deoza uatide rriquezape narraro oza rrene rrene canarraro. Nazapa Deo Corime pouadeniza torrarizauissa tarrarirrine cappinemana-rraraza Deo Atti ecomerarize-manarraro.

Ebreodenidsa 2:4

Deo naco pocca zossenirri zati parrissa torrani iaza auato inanarrarode. Arri qqui inapo-rrerarraro auato inanarrarope uapi tade. Arra comaqquiri narrarideni ihinanomibaqqui narrari, canauatoriri canarizarrari, poua touini narrariza naco Poua Corime ihinanariza narraride.

Ebreodenidsa 4:13

Rrehe, Deo bazima inauatorizarraripa uapima qqui tauissa tarrari. Poua qqui tarrarauiuarrine inarrimaui ssamo tani. Icca uima naqui Pouaza auato tarraro. Niza icca uima ecomeraniuarrinepe Poua baccouarri idomo uanitoui.