Tahimarideni 15:30 - Kulina New Testament Brazil

³⁰ Nazapa Zoda Siradeniza poccadeni uima da iquenezape: —Deo onima rraui tirranissa tana −quenarrari. Nazapa Paoro, Banabedeni touedanizapa Zoda, Sira tezerre pouadeniza touedarrari. Atioquiaza bacco tanimanazapa nauiuarricca Zesoza rrehe quenarrarideni tezerre queriqquimanaza pouadeniza uima teppe da iquenarraro.

Culina Mádija

³⁰ Nadsapa Joda Siladenidsa poccadeni ima da quinadsapi: —Dio onima jai tijanissa tana −quinajari. Nadsapa Pablo, Bernabedeni tohuedanidsapa Joda, Sila tedseje pohuadenidsa tohuedajari. Atioquiadsa bacco tanimanadsapa nahihuajicca Jesodsa jehe quinajarideni tedseje queriqquimanadsa pohuadenidsa ima teppe da quinajaro.

Tahimarideni 15:30 Iomraidhean Croise

Tahimarideni 11:19

Nazama Estevao zoqqueui nattipa Zesoza rrehe quenarrarideni mota nanarrizo toquerrenaza arrauarri domo tocca, arrauarri domo tocca narizarraria arra zama Penisiauarri bacco, zama Sipreuarri bacco, oza panani Atioquiauarri bacco toquenarrariparra. Nauiza bacco tarizemanazapa Zeso Cristo tauimari icassiuaueraniuarrinecca uima nauiuarricca zodeodenira mari icanabaqquimanarrari.

Tahimarideni 11:20

Naraha Zesoza rrehe quenarrarideni domo toccarrari motapa oza panani Atioquiauarri rraui torrazapa zodeo querrena-rrararrarideni naco Zeso tauimari icassiuaueraniuarrinecca mari icanabaqquimanarrari. Mamaridedenipa zama Sipreuarricca madirra pama, oza panani Sirenecca madirra pama quenarrari.

Tahimarideni 11:27

Nazapa narrari uarranoza Zerozarecca Deo Atti uauati toqquimadedeni Atioquiaza bacco quenarrari.

Tahimarideni 15:22

Nazapa Zesocca zozosse tabaqqui, Zesoza rrehe quenarrarideni naco, pouadeni cacauadedeni tezerre bazima attidenipa: —Rrehe, arrima inana. Narraro uima Atioquiacca imecotedeniza zosse inana. Paoro Banabe tezerre zorro inanimananiuarrine bica tani −quenarrari. Nazapa poccadeni madirra pamaha naco Paorodeniza touedauiuarrine icatterriza-baqquimanarrari. Orraria onipa Zoda, poua oni ouahapa Barsaba. Poua tesse icatterrizemanarrari onipa Sira. Pouadeni pamahapa Zesoza rrehe quenarrarideniza deni toquerrenarrari.

Tahimarideni 15:31

Nazapa Zesoza rrehe quenarrarideni uima teppe ua iqueneza uima bicani mittemanazapa uatizemanarrari.

Tahimarideni 16:4

Nazapa rraui torrazapa oza panani onihiza rraui torrezima, oza panani onihiza rraui torrezimazanaporrari, arra Zesoza rrehe quenarrarideni maride. Arra Zesocca zozosse tabaqqui Zerozarecca Zesoza rrehe quenarrarideni cacauadedeni quenaza uima teppe dozo iquenarraroccaza mari icanabaqqui-rizarrari.

Tahimarideni 21:22

Nezape nerrecoma inaniuarrine? inarraro. Pouadenipa bacco tarronani mittemanazapa tiaza uima inanemanerana −quenade Tiaco, Zesoza rrehe quenarrarideni cacauadedeni tezerre.

Tahimarideni 23:33

Nazapa oza panani Sezareaza bacco toquenazapa zama cacauade Perisiuarri rraui torrezimaza uima teppe da iquenarraro. Paoro naco pouaza inebomanarrari.

Tahimarideni 6:2

Nazapa Zesocca zozosse tabaqqui 12 quenarrarideni narraro uimaza nacasseraqquiri naza Zesoza rrehe quenarraridenitoui uaua quenarrari, uima cattemade queriqquimanauiuarrine. Rrehe quenarrarideni queriqquimanazapa pouadeniza uati toquenarrari: —Ia zamatapa dade iquerrenezape Deo Atti mari inanissa terrererana −quenarrari.