Tahimarideni 15:22 - Kulina New Testament Brazil

²² Nazapa Zesocca zozosse tabaqqui, Zesoza rrehe quenarrarideni naco, pouadeni cacauadedeni tezerre bazima attidenipa: —Rrehe, arrima inana. Narraro uima Atioquiacca imecotedeniza zosse inana. Paoro Banabe tezerre zorro inanimananiuarrine bica tani −quenarrari. Nazapa poccadeni madirra pamaha naco Paorodeniza touedauiuarrine icatterriza-baqquimanarrari. Orraria onipa Zoda, poua oni ouahapa Barsaba. Poua tesse icatterrizemanarrari onipa Sira. Pouadeni pamahapa Zesoza rrehe quenarrarideniza deni toquerrenarrari.

Culina Mádija

²² Nadsapa Jesocca dodosse tabaqqui, Jesodsa jehe quinajarideni naco, pohuadeni cacahuadedeni tedseje huapima attidenipa: —Jehe, ajima inana. Najaro ima Atioquiacca imecotedenidsa dosse inana. Pablo Bernabe tedseje dsojo inanimananijine bica tani −quinajari. Nadsapa poccadeni madija pamaha naco Pablodenidsa tohuedahijine icattejidsa-baqquimanajari. Ojaria onipa Joda, pohua oni ohuahapa Barsaba. Pohua tesse icattejidsamanajari onipa Sila. Pohuadeni pamahapa Jesodsa jehe quinajaridenidsa deni toquejenajari.

Tahimarideni 15:22 Iomraidhean Croise

Tahimarideni 1:23

Nanarra Pedoro atti mittemanazapa madirra pamaha onideni ua inabaqquimanarrari: —Arra Zoze, Matia quenarraridenina parra −quenarrari. Zoze oni ouahapa Barsaba, oni ouaha naco Zosto quequenanarrari.

Tahimarideni 11:19

Nazama Estevao zoqqueui nattipa Zesoza rrehe quenarrarideni mota nanarrizo toquerrenaza arrauarri domo tocca, arrauarri domo tocca narizarraria arra zama Penisiauarri bacco, zama Sipreuarri bacco, oza panani Atioquiauarri bacco toquenarrariparra. Nauiza bacco tarizemanazapa Zeso Cristo tauimari icassiuaueraniuarrinecca uima nauiuarricca zodeodenira mari icanabaqquimanarrari.

Tahimarideni 11:20

Naraha Zesoza rrehe quenarrarideni domo toccarrari motapa oza panani Atioquiauarri rraui torrazapa zodeo querrena-rrararrarideni naco Zeso tauimari icassiuaueraniuarrinecca mari icanabaqquimanarrari. Mamaridedenipa zama Sipreuarricca madirra pama, oza panani Sirenecca madirra pama quenarrari.

Tahimarideni 11:22

Nazama oza panani Zerozarecca Zesoza rrehe quenarrarideni uima mittemanazapa Banabe Atioquiauarri zosse iquenarrari, qqui inabaqquiuiuarrine.

Tahimarideni 11:27

Nazapa narrari uarranoza Zerozarecca Deo Atti uauati toqquimadedeni Atioquiaza bacco quenarrari.

Tahimarideni 15:23

Nazapa pouadeniza uima teppe zosse iquenarrarope arrima narraro: —Nirra imecote zodeo tiquerrena-rrerarrarodeni bicaqquiri tiquenaqui? Iape Zesocca zozosse tabaqqui oza panani Zerozareuarri Zesoza rrehe quenarrarideni cacauadedeni ineza tiadeniza icca uima dozo inarraro. Arri oza panani Atioquiaza timadimanarrarodeniza, zama Siriaza timadimanarrarodeniza, arri zama Sirisiaza timadimanarrarodeniza naqui icca uima zosse inarraro.

Tahimarideni 15:25

Nazama uimahaha icaneza rrehe icanirezape: “Imecotedeni Atioquiauarri uatide zosse inabaqquina” inezape arrauarricca imecotedeni pamaha icatterrizabaqquiza tiadeniuarri zosse inabaqquiuitoui Banabe Paoro tezerre. Rrehe, Banabe Paorodenipa imecote bicaca tarrari, pouadeniza eti uana tarraro.

Tahimarideni 15:27

Nazama ia zosse inabaqquiuiuarrinepa Zoda Sira tezerrena icca uima iaqquemaneza tiadeniza uati toquenauitoui.

Tahimarideni 15:3

Nazapa arra icatterriza-baqquirraridenipa Atioquiacca Zesoza rrehe quenarrarideni attideniza Zerozareuarri rraui torrarrari. Zama arobeni Penisiaza bacco toquenazapa nauicca Zesoza rrehe quenarrarideniza Paorodeni uati toquenarrari: —Rrehe, icca bobodezape zodeo querrena-rrararaha poccadeni uima inebomaneza rridapanapa Abi Deozana toquerrenarizaderra −quenarrari. Zama arobeni Samariaza bacco toquenaza naco narraro uima uati narizemanarrari. Nazapa Zesoza rrehe quenarrarideni bazima poccadeni uima mittemanazapa uatizemanarrari.

Tahimarideni 15:30

Nazapa Zoda Siradeniza poccadeni uima da iquenezape: —Deo onima rraui tirranissa tana −quenarrari. Nazapa Paoro, Banabedeni touedanizapa Zoda, Sira tezerre pouadeniza touedarrari. Atioquiaza bacco tanimanazapa nauiuarricca Zesoza rrehe quenarrarideni tezerre queriqquimanaza pouadeniza uima teppe da iquenarraro.

Tahimarideni 15:32

Zoda Sira tezerrepa Deo Atti uauati toqquimadedeni toquerrenazapa Zesoza rrehe quenarrarideniza Deo Atti uati iqquimemanarraro. Poccadeni uatinarra arabo taniccaza uati uati toquenazapa Zesoza rrehe quenarrari bodideni inauatize-baqquimanaza poccadeni rrehenirri todacorani narraro.

Tahimarideni 15:40

Naraha Paoropa: —Sirana ouaza toccana –nazapa touedauiuarrine Zesoza rrehe quenarrarideni Deoza uati toquenarrari: —Abi Deo, arrarrarideni tecauabaqquiuissa tana. Ticca touati uanehema uedarizauissa tauiuarrine −quenarrari. Nazapa touedarrari.

Tahimarideni 16:19

Nanarra arra zouato poni zozosse tonanadedeni poni bodinicca nauatobote amossi naui qqui toquenazapa: —Rraho! Nema nezape ziniro icappirapazerre? Rridapanape poni bodinicca nauatobote cappirani −quenarrari. Nazapa Paoro dama, Sira dama iquenaza oza panani nocconiuarri iaccabaqqui-manarrari, uima cacattemadedeniza uati toquenauiuarrine.

Tahimarideni 16:25

Nazapa Paoro Sira tezerre zome nocconiraha Deoza uauatiti zarrari, Deoza uatizemanaza rrirririri zazapa toponi cocorocca madirra mittemanarrari.

Tahimarideni 16:29

Nazapa toponi cocoro cacauade rrorrororotoui uaua naza rrorrororo eccarronemanazapa piri tozimemanarrari. Nazapa toponi cocoro cacauade bodiuarri rroppa tozimanarra uarro narrarirrine tacca-cca narrari. Paoro Sira baccodeniuarri poua pitoza uitta narrari.

Tahimarideni 17:10

Naraha narraro zomeza Tesaronicacca Zesoza rrehe quenarraridenipa uassinarra Paoro Sira tezerre zossesse inabaqquimanarrari, oza panani Bereauarri touedauiuarrine. Touedazapa Bereaza bacco toquenaza nauiza madimanarrari. Nazapa zodeodenicca Deo Atti mamariuarri totouedezima narrari, Zeso tauimari maride.

Tahimarideni 17:14

Naraha Zesoza rrehe quenarrarideni uima mittemanazapa Paoro uassinarra zama onihiuarri zosse iquenarrari. Naui Bereacca madirra naco pouaza rraui torrarrari. Nazapa Paoro Bereacca madirra quenaza ueni imeni inidiuarri rraui torrezipparrari, poni uapi rraui torrabacossauiuarrine. Naraha Sira Timoti tezerrepa naui Bereaza madimanaccarrari.

Tahimarideni 17:4

Nazapa zodeodeni mota Zesoza rrehe quenazapa Paoro, Siradeniza toquerrenarrari. Zama Cresiacca madirra Deotoui quenarrarideni uapi taha Zesoza rrehe quenarrari. Nani Cresiauarricca amonerredeni zapanideni sseqquiri narraro mota uapi tehe naqui Zesoza rrehe quenarraro.

Tahimarideni 18:5

Nanarra Sira Timoti tezerrepa zama Masedoniauarri uedarronaza bacco narronemanarrari. Nazapa Paoro zepe irriraha neboza Deo Attira inarrariza mari mari ihicanabaqqui narrari. Zodeodeni mittemanauiuarrine pocca marinarrape: —Madirra Tonassiuauade arra Cristo-Mesia quequenanarraripa Zesoparra −narrari.

Tahimarideni 8:14

Nazama Zesocca zozosse tabaqqui Zerozareza madimanarrari uima mittemanarrari: —Samariauarricca madirrapa Deo Attiza parrissa quenaui −mittemanazapa Pedoro Zouao tezerre Samariauarri touedauiuarrine zosse inabaqquimanarrari.

2 Corintodeniza 1:19

Arri oua, Silvano, Timoti ineza Deo Bedi Zeso Cristo tauimari tiadeni mari icanabaqquiza ettipe: —Zeso Cristocca uimape parrissa nitide, parrissa rreranitide −inerrerade. —Poua tauimari nemanehepe parrissa −inarraro. —Pouapa poua attissa inanarizarraro −ihinanarrarode.

1 Tesaronicadeniza 1:1

Nirra imecotedeni? Oua Paoro, Silvano, Timoti ineza tiadeniza dozo inarraro. Nani oza panani Tesaronicacca Zeso Cristoza rrehe tiquenarraro titiqueriqqui narraro icca Abi Deoza, ia Zozossede Zeso Cristo pouadeni pamahaza tirrariqquimanarrarodeniza icca uima dozo inarraro. Abi Deo tiadeniza pocca touati uanehe, pocca biquehe, pocca rronehe naqui tiadeniza inanazanapona, inarraro.

2 Tesaronicadeniza 1:1

Nirra imecotedeni? Oua Paoro, Silvano, Timoti ineza tiadeniza dozo inarraro. Nani oza panani Tesaronicacca Zeso Cristoza titiqueriqqui narraro icca Abi Deo, ia Zozossede Zeso Cristo pouadeni pamahaza tirrariqquimanarraroza icca uima dozo inarraro.

1 Pedoro 5:12

Ouimecote Silvanopa bica tarrari. Zeso Cristoza damera taui. Pouapa oua acco canaza arrirraro uima bazira tehe tiadeniza dozo onarraro, tibodideni acco ocanabaqquiniuarrine oneza. Deo titouideni uati cauanari canaui parrissa nauatoqquiri tiquenaniuarrine tiadeniza dozo onarraro. Pouapa tiadeniza uima bicani inanezape pocca touati uanehe auato inanarraro. Narraro pocca touati uaneheza dameraqquiri tiquenarri, onarraro.