Tahimarideni 15:21 - Kulina New Testament Brazil

²¹ Narraro uima uapima Moizecca marinarraza dozo nanipe zama bazimaza torraribaqquirraro. Narraro marinarra maittaccazama mari mari quenaporraripa rridapana iaza bacco narronarraro. Icca zamaza, zama onihiza, zama onihiza naqui rrassinarracca uadaza Deo Atti mamariuarri pocca marinarra mari mari quenaui parra naccaui −narrari Tiaco.

Culina Mádija

²¹ Najaro ima huapima Moisesicca marinajadsa dsodo nanipi dsama huapimadsa tojaribaqquijaro. Najaro marinaja maittaccadsama mari mari quinapojaripa jidapana iadsa bacco najonajaro. Icca dsamadsa, dsama onihidsa, dsama onihidsa naqui jassinajacca huadadsa Dio Atti mamarihuaji pocca marinaja mari mari quinahi paja naccahi −najari Satiaco.

Tahimarideni 15:21 Iomraidhean Croise

Roca 16:29

—Naraha Abarahao uati tapomarrari: “Deo Atti Moize dozo inarraro, Deo Atti cacomeraqquiri narrarideni dozo iquenarraro naqui carrimanaui. Narraro uima mittemanaza bodideni cacarriqquimere-manauiuarrine parriremanaui” narrari.

Roca 4:16

Zesopa poua napiui oza panani Nazaretiuarri ccanirrari. Nauiza madinizapa rrassinarracca uada bacco teza zodeodenicca Deo Atti mamariuarri toqquezimarrari. Pouapa oza uapimaza nama nanariza narrari. Nazapa nauiza queriqquimanazapa pouana totemarrari, Deo Atti ua inaniuarrine.

Tahimarideni 13:15

Nazapa Deo Atti mamaricca taminedeni Moizecca marinarra ua iquenarraro. Deo Atti cacomeraqquiri narraridenicca dozonirri naqui ua iquenarraro. Narraro rriquezape Deo Atti mamaricca taminedenia poccadeni madirra orraria icazossemanaza Paorodeniza uati tarrari: —Imecotedeni, Deoza denima etizeniuarrine uima bicani ticarrimanezape rridapana uati tiquenarri. Ticcadeni uima imittana, quenaparra taminedeni −narrari.

Tahimarideni 13:27

Naraha arra Zerozareza madimanarraridenipa poccadeni taminedenima Zeso qqui toquenaraha bodideni ssamoqquiri narrari. “Zesopa Deocca zossenirri ia Idinide” quena-rrararrari. Narraro uimape Deo Atti cacomeraqquiri narrarideni dozo iquenaporaha mittemana-rrararrari. Poccadeni Deo Atti mamariuarri rrassinarracca uadaza Deo Atti cacomeraqquiri narraridenicca dozonirri mittemana mittemana naraha: “Zeso zoqquena, zoqquena” quenarrariparra. Nama quenazapa pina Deo Atti cacomeraqquiri narrarideni dozo iquenaporrarossa nehe inanemanarraro.