Tahimarideni 15:2 - Kulina New Testament Brazil

² Naraha Paoro Banabe attidenipa: —Nema nerrerani, oppinera tani −quenarrari. Nazapa Moizecca marinarra nauatoqquiri narrarideni tezerre arrauarri uati arrauarri uati quenarrari. Naraha poccadeni uima tobique-rrerezape Atioquiacca madirra attidenia: —Rrari, narraro uima uatide imecotedeni Zerozareuarri zosse inabaqquina, arra Zesocca zozosse tabaqquiza uati toquenauiuarrine. Nauicca Zesoza rrehe quenarrarideni cacauadedeni tezerre arrirraro uima icattememananiuarrine −quenarrari. Nazapa icatterriza-baqquimanarrari Paoro, Banabe, naui Atioquiacca Zesoza rrehe quenarrarideni pamaha quenaza oza panani Zerozareuarri zosse inabaqquimanarrari.

Culina Mádija

² Naraha Pablo Bernabe attidenipa: —Nema nejerani, oppinera tani −quinajari. Nadsapa Moisesicca marinaja nahatoqquiri najarideni tedseje ahuaji huati ahuaji huati quinajari. Naraha poccadeni ima tobica-jeradsapi Atioquiacca madija attidenia: —Jari, najaro ima huatide imecotedeni Jerosarehuaji dosse inabaqquina, aja Jesocca dodosse tabaqquidsa huati toquinahijine. Nahicca Jesodsa jehe quinajarideni cacahuadedeni tedseje ajijaro ima icattemamananijine −quinajari. Nadsapa icattejidsa-baqquimanajari Pablo, Bernabe, nahi Atioquiacca Jesodsa jehe quinajarideni pama quinadsa odsa panani Jerosarehuaji dosse inabaqquimanajari.

Tahimarideni 15:2 Iomraidhean Croise

Tahimarideni 10:23

Nazapa Pedoro: —Rrehe, bica tani. Arri occa ozaza timadimanaccarri, izamassana tiadeniza occaniuarrine −narrari. Nazapa uada ssiuarrana Pedoro Coneriocca zozosse tabaqquiza toccarrari. Zopeuarricca Zesoza rrehe quenarrarideni mota naco rraui torrarrari pouadeniza.

Tahimarideni 11:12

Nazapa Deo Corime ouaza uati tade: “Ticappinarrereza pouadeniza ticcarri” nade ouaza. Nezape arra Zopeuarricca Zesoza rrehe quenarrarideni 6, oua ineza pouadeniza rrauirrade. Nezape Coneriocca ozauarri bacco ineza rrauirrezimade.

Tahimarideni 11:30

Nazapa poccadeni danirri da inaqquimanezape Banabe Saoro tezerre Zodeauarri eccanimanarraro. Bacco nanimanazapa Zerozarecca Zesoza rrehe quenarrarideni cacauadedeniza da iquenarraro.

Tahimarideni 15:25

Nazama uimahaha icaneza rrehe icanirezape: “Imecotedeni Atioquiauarri uatide zosse inabaqquina” inezape arrauarricca imecotedeni pamaha icatterrizabaqquiza tiadeniuarri zosse inabaqquiuitoui Banabe Paoro tezerre. Rrehe, Banabe Paorodenipa imecote bicaca tarrari, pouadeniza eti uana tarraro.

Tahimarideni 15:27

Nazama ia zosse inabaqquiuiuarrinepa Zoda Sira tezerrena icca uima iaqquemaneza tiadeniza uati toquenauitoui.

Tahimarideni 15:4

Nama narronemanarraria Zerozare bacco toquenarrariparra. Bacco toquenazapa Zerozarecca Zesoza rrehe quenarrarideni, Zesocca zozosse tabaqqui, Zesoza rrehe quenarrarideni cacauadedeni quenaza bazima pouadeni qquide queriqquiza: —Nirra, bicaqquiri tiquenaqui? −quenarrari. Nazapa Paoro Banabe tezerre pouadeniza uati toquenarrari: —Rrehe, icca bobodeza Deo Atti maride icadarizezape Deorrine zodeo querrena-rrararrarideni naco Zesoza parrissa narizemanade −quenarrari.

Tahimarideni 16:4

Nazapa rraui torrazapa oza panani onihiza rraui torrezima, oza panani onihiza rraui torrezimazanaporrari, arra Zesoza rrehe quenarrarideni maride. Arra Zesocca zozosse tabaqqui Zerozarecca Zesoza rrehe quenarrarideni cacauadedeni quenaza uima teppe dozo iquenarraroccaza mari icanabaqqui-rizarrari.

Tahimarideni 21:18

Uada ssiuarrape Paoro ineza Zerozarecca Zesoza rrehe quenarraridenicca tamine Tiacoza qquide rrauirrade. Nauiza Zesoza rrehe quenarrarideni cacauadedeni bazima queriqquimanarraride.

1 Corintodeniza 1:1

Ouimecotedeni, ouape Paoro tiadeniza dozo onarraro. Deo nacassa taza Zeso Cristocca zozosse orraniuarrine ouaza uaua narraride. Ouimecote Sostene tezerre tiadeniza nirra inarraro.

2 Corintodeniza 11:5

Narrari maizehe mamaridedenipa: —Iape Zeso Cristocca zozosse tabaqqui iquerrenani −quenaraha pouadeni attiza pouadeni deni tonanemanarrari. Naraha ouape pouadeniza arrimani orrarrerani.

Carasiadeniza 2:5

Rrehe, narrarideni mamaizadedenipa dameraqquiri naraha pouadeni attiza ibobora inerrerade. Nouerade. Zeso Cristo tauimari icassiuaueraniuarrinecca orrarinina parrissa! Carasiauarri timadimanarrarodenipe narrarozara parrissa tizanapomanani bica tani, inarraro.

Jodacca 1:3

Ouimecotedeni, titouideni ouati uana tani. Zeso Cristocca tossiuauehe ia bazimaza da inarizarraro tauimarini tiadeniza dozode touini oneraha uima onihi anizape narraro uimara tiadeniza dozo onarraro. Deo pocca marinarra parrissehecca iaza da inarrarope nema zanaponitoui. Narraroza icassiuaueraniuarrine. Arri Zeso Cristoza iquerrenarrarope narraro marinarraza parrissa inarraro. Narraro marinarra tecauemananissa tarri. Narraroza uima onihi inauariniuarrine bica terrerani. Madirrarrine cacarriqquimera-rreraniuarrine dacoraqquiri tiquenaza poni tiquenarri, onarraro.