Tahimarideni 14:4 - Kulina New Testament Brazil

⁴ Naraha naui oza pananicca madirra uima inapamemanezape motapa: —Zodeodeni Zesoza rrehe quena-rrararraridenicca uimana bica tani −quenarrari. Naraha motadeni naco: —Zeso tauimari maridedenicca uimana bica tani −quenarrari.

Culina Mádija

⁴ Naraha nahi odsa pananicca madija ima inapamamanadsapi motapa: —Jodiodeni Jesodsa jehe quina-jarajaridenicca imana bica tani −quinajari. Naraha motadeni naco: —Jeso tahimari maridedenicca imana bica tani −quinajari.

Tahimarideni 14:4 Iomraidhean Croise

Roca 2:34

Naraha Simiaopa pouadeniza denima uati uati tarrari: —Deocca biquehe tiadeniza torrazanapona, onarraro −narrari. Nazama Maria poniza naco uati uati tarrari Simiao: —Deopa arrarrari erredeni zosse inaronarrari, Izarraeo potemauideni pouadenira pouadenira narizemanaui toui. Mota uapi taha pouaza nacasseraqquiri naza Deo pouadeni ettarrobaqquizapa ocasserani auemanauitoui. Naraha pouaza nacassaqquiri narraridenipa niza zotodepa uima bicani carrimanauitoui, Deoza madimana-zanapouiuarrine. Rrehe, arrarrari erredenipa Izarraeodeni inassiuauabaqquiuiuarrine Deo zosse inaronaraha madirra motapa pouaza rrara rrara quequenanauitoui. Pocca marinarraza naco uattarrorro tauitoui.

Huano 7:43

Narraroa arri Zeso tauimarirrine madirra torraribaqquimanarraride.

Tahimarideni 13:2

Nazapa toqueriqquimanaza rripehe nebocossemanaza Deozara uatizemananarra pouadeniza Deo Corime uati tarrari: —Rrari, Banabe Saoro tezerre ticatterrizabaqquimanarro. Pouadeniza uaua onarrarope zama onihi, onihiza Ouattiza zepedeni irrimanauiuarrine −narrari.

Tahimarideni 13:45

Naraha zodeodeni motapa Paoro Banabe attidenitoui madirra uapi taha queriqquimanaui qqui toquenazapa narraro acconi uadimanarrari. Nazapa attideni uaidira taza atti atti quenarrari: —Ticca uimape parrissa rrerani, ponima uati uati tinarraro. Ticcanirri, uaidira tinani! −quenarrari Paoroza.

Tahimarideni 13:50

Naraha zodeodeni motapa Paorodeniza boquemanaza denima mari mari quenauiuarrine nacasseraqquiri nazapa uima inanarizemanarraro. Pouadenirrine naui Atioquia oza pananicca cacauadedeni Paorodeniza uadimanarrari. Amonerre deni toquerrenarraro arri Deoza iboraqquiri narraro ponideni naqui Paorodeniza boquemaneza uima ssarra tarizezape poccadeni zama arobeniuarri moua ininebaqqui-manarrari.

Tahimarideni 14:14

Naraha Banabe Paoro tezerre pouadeniza madirra uatizemanaza boui inapamarrone-manauiuarrine quenaui mittemanazapa uarro quenarrari. Bodideni ocassera taza poccadeni etero mattoniza rroca sseo quenazapa madirra domodeni uauiuarri zarra tozimarrari. Attideni dacoraza uati toquenarrari:

Tahimarideni 14:19

Nanarra Atioquiacca, Iconiocca zodeodeni arra Paorodeniza nacasseraqquiri narrarideni nani Ristaraza bacco narronemanarrari. Narraro oza pananicca madirraza uati narizemanaza Paorodeniza uima inanemanapomarraro. Nazapa pouadenirrine Ristaracca madirra naco Paorodeniza uadimanarrari. Nazama arra uadimanarraridenina Paoro zoqqueuiuarrine sibaza iquenaqquimanarrari. Iquenaqquimanaza Paoropa pouadeniza pina parra uatiarirrarissa naza oza panani uapiuarri rroca coro iquenaza: —Rridapanapa zoqqueui −quenarrari.

Tahimarideni 14:2

Naraha zodeodeni mota arra Zesoza rrehe quena-rrararraridenipa zodeo querrena-rrararrarideniza uati narizemanarrari, Paorodeniza tonacasseremanauiuarrine. Nazapa pouadeni attirrine narrarideni naco Paorodeniza uadimanarrari.

Tahimarideni 14:5

Naraha Paorodeniza nacasseraqquiri narrarideni arra zodeodeni mota, zodeo querrena-rrararrarideni tezerre, poccadeni taminedenima carrimemanaza uima narroremanaporrari: —Paorodeni damama inaza inarrizobaqquiza sibaza iquenabaqquina, topamarronauiuarrine −quenarrari.

Tahimarideni 19:9

Naraha madirra motapa Zeso tauimariza uaribodeni didiqquiri nazapa madirra bazima mittemanauiuarrine rrazirema Zeso tauimariza tatamasso quenarrari. Nazapa Paoro, Zesoza rrehe quenarrarideni tezerre: —Rrina, oza onihiuarrina iqueriqquina −quenarrari. Nazapa zodeodenicca Deo Atti mamariuarri nebomanaza madirra oni Tiranocca oza uima uauatiuarrina rraui torrarrari. Nauizana uada uarrirriraza Paoro Deo Atti mari mari ihicanabaqqui narrari.

Tahimarideni 28:24

Nazama zodeodeni mota Paoro attiza uatizemanaza parrissa quenade. Naraha motapa parrissa quena-rrarade.

1 Corintodeniza 9:5

Nazama amonerre Deoza parrissa narraro ocarriza naqui poni tazarrani Deo Atti maride icadarizani bica taqui? Bica tani. Pina imecotedeni ouaha Zeso Cristocca zozosse tabaqquissa, ia Zozossedecca imecote Pedorossa onani naqui bica teraha.

1 Tesaronicadeniza 2:14

Naraha imecotedeni, Deoza parrissa tiquenezape ticcadeni zamacca madirraraha tiadeni nanarrizo totonana-baqquimana narrari. Narraro uimape pina arra zama arobeni Zodeauarricca imecotedenicca uimassa narraro. Zodeodeni Zesoza nacasseraqquiri narraridenipa poccadeni madirra Deoza quequeriqquimana nauicca, arra Zeso Cristoza rrehe quenarrarideni nanarrizo ihinanabaqquimana narraride.