Tahimarideni 13:8 - Kulina New Testament Brazil

⁸ Naraha zoppinerre Barieso, poua oni zama Cresiacca touattiza: Erima quequenanarrari, narraripa poua tesse Sezio-Paoropa Deoza torrauiuarrine nacassera taza pocca uimara uati uati narrari. Poua attipa: —Pouadeni attiza rrehe onerrerani. Tia naqui rrehe terrerarri −narrari Barieso-Erima.

Culina Mádija

⁸ Naraha dsoppineje Barieso, pohua oni dsama Cresiacca tohuattidsa: Erima quiquinanajari, najaripa pohua tesse Serjio-Paoro Diodsa tojahijine jipera tadsa pocca imara huati huati najari. Pohua attipa: —Pohuadeni attidsa jehe onejerani. Tia naqui jehe tejeraji −najari Barieso-Erima.

Tahimarideni 13:8 Iomraidhean Croise

Huano 1:41

Nazapa Adere Zesocca ozauarri qquenazapa poua imecote Simaotoui toccarraride. Poua imecote Simaouarri bacco tazapa uati tarrari: —Simao, iape arra toui imadirraro Mesia bacco inaui! −narrari. (Zodeo attidenizapa: Mesia, quenaraha zama Cresiacca madirra attidenizapa: Cristo, quenarrari. Madirra ettizapa: Madirra Tonassiuauade torrauiuarrine Deo poua icatterrizaporrari, inarraro.)

Tahimarideni 13:12

Nazapa zama cacauade Sezio-Paoropa arra Paoro atti Barieso-Erimaza uati tarrari parrissa torrani qqui tazapa Zeso tauimariza parrissa narrari. Ia Zozossede Zeso tauimari Paorodenicca marinarraza: —A, poccadeni marinarra bica tani −narrari.

Tahimarideni 18:12

Naraha tamine Cariopa zama arobeni onini Acaia ecaueza Paoro oza panani Corintoza madiccazapa zodeodeni mota pouaza uadimanarrari. Dama iquenaza tamine Carioza iaqquemanarrari, uima cacattemauarri izauemanauiuarrine.

Tahimarideni 19:38

Arra siba nauatoni corimani nanauatodedeni Demetrio poua tessedeni tezerre madirra ouahaza uadimanaza naco uima cacattemauarrira poccadeni uima uatide rraui torrezimana, onarraro. Nauiza uima cacattemadedeni uarrirriraza rrassi rrassi zaza narrari. Nauizana madirra bazima poccadeni uima uatide rrarraui torrezima narrari.

Tahimarideni 6:7

Nezape Deo Atti torraribaqquirraro. Oza panani Zerozarecca madirra Zesoza rrehe quenarrari touapirrari. Dada toqquimadedeni naco Zesoza rrehe quenaui uapi tarrari.

Tahimarideni 8:9

Naraha nauiza naco zoppinerre madirrari, onipa Simao. Poua attipa: —Ouape zoppinerre nauatorride orrirani, orrari onani −nanarra narrari. Samariacca madirra ihicamaizabaqqui nazapa —A, nauato taui −quequenanarrari.

Tahimarideni 9:36

Nazama Zodea arobeniuarri oza panani Zopezape amonerre Zesoza rrehe narraro madirraro, oninipe Tabita. Zama Cresiacca madirra attidenizape: Dorca. Ponipe amonerre bicani madirraro, uima bicani inanarizarraro. Madirra cappiremanarrarideni acco acco ihicanabaqqui narrari.

2 Timoti 3:8

Arra amonerreza maiza maiza quenarraridenipa marinarra parrissehecca ecossemananitouiraha parriremana-rrararrari. Pouadenipa uaidirehe touinira bodideni uauatome-mana narrari. Nama quenazapa Zeso Cristoza rrehe quena-rraraza Deopa pouadeniza: —Occa querrena-rraraui −narrari. Naraha mamaizadedenicca marinarrape deni torra-rreranitoui. Madirra poccadeni marinarrazape denima rrehe zanapomana-rrarauitoui. Poccadeni maizehe bazimaza auato tezape: —A, pouadenipa uima parrissehecca ssamoqquiri naha –quenauitoui. Arra pouadenipa pina maittaccazama oppinaqquiri narrari zoppinerredeni Janese, Jamebredenissa quenarrari. Poccadeni nauatoueza Moizecca uima inassamomananiuarrine dameraqquiri naraha parriremana-rrararrari.