Tahimarideni 13:52 - Kulina New Testament Brazil

⁵² Naraha naui Atioquiacca Zesoza rrehe quenarrarideni uatizemaneri narrari. Deo Corime naco pouadeni bodiza torrarizauissa tarrari.

Culina Mádija

⁵² Naraha nahi Atioquiacca Jesodsa jehe quinajarideni huatidsemaneri najari. Dio Corime naco pohuadeni bodidsa tojaridsahissa tajari.

Tahimarideni 13:52 Iomraidhean Croise

Mateo 5:12

Tetizemanarri. “Peperri bica tani” tiquenarri. Memeuarri bacco tiquenezape Deocca danirri bicabote ticarrimananitoui. Maittaccazama naco Deoza nacasseraqquiri narraridenipa arra Deo Atti cacomeraqquiri narrarideni inarrizo-baqquimanarra narronapoui narrari −nade Zeso.

Tahimarideni 11:29

Nazapa Atioquiacca Zesoza rrehe quenarrarideni Acabo atti: —Pemi torranitoui −naui mittemanazapa: —Zodeacca Zesoza rrehe quenarrarideni acco icanabaqquina −quenarrari. Uimahaha canazapa: —Iparrirenissa tanicca da inaqquina. Pina uemani carriuipa denima da inana, bazira tehe carriuipa bazira tehe da inana −quenarrari.

Tahimarideni 2:4

Nazapa pouadeni bodiza Deo Corime torrarizauissa tazapa Deocca nauatoue carrimanarrari. Orrariapa touatti rriza tarraroza uati, ouahapa touatti rriza tarraro onihiza uati, ouahapa touatti onihiza uati uati narizemanarrari. Deo Corimerrine nama narizemanarrari bazima.

Tahimarideni 2:46

Deoza dada toqquimauarri naco rrarraui torrezima narrari. Poccadeni ozauarri naco arrauarri rripa, manaco arrauarri rripa nanarizemana nazapa bodideni parrissehema uatizemaneri nanarra narrariparra.

Tahimarideni 4:31

Deoza uatide rriquezape narraro oza rrene rrene canarraro. Nazapa Deo Corime pouadeniza torrarizauissa tarrarirrine cappinemana-rraraza Deo Atti ecomerarize-manarraro.

Tahimarideni 5:41

Naraha Zesocca zozosse tabaqquipa uima cacattemadedeni queriqquimanauiza rraui torrenazapa uatizemaneri tanimanarrari. Zeso oniza toquerrenarrarirrine narrizoue inauanemananiuarrine parriremanaui Deo nauato taporrarirrine narrizoue ecossa-rrerarraro.

Romanodenidsa 14:17

Deocca cacauehepe irripanicca, ze inanicca rrerani. Pocca cacauehepe Poua Corime ia acco canaza uimasiri rrirehe imadinissa tarraro, rroneheza imadirraro, etizeri narizarrarona parri.

Romanodenidsa 15:13

Itezerremacca uima bicani rrinede Deopa Pouaza parrissa tiquenarrarodeniza pocca uatizehe, pocca rronehe inanarizana. Titezerremadenicca uima bicanitoui Poua Corimecca dacorehema timadimanana, onarraro.

Romanodenidsa 5:3

Naraha itezerremacca uima bicanizaha etizeni orrari-rrerani. Arri ocasserani erraroza naqui etizeniuarrine. Arrirraro uima nauatoto inani: Ocasserani errarope denima idacocorani naniuarrine, ocasserehe tonauanade iattaniuarrine.

2 Corintodeniza 8:2

Nauiuarricca imecotedenipa ocasserani onihi onihi inauanemaneraha uatizemaneri narrari. Pouadenipa cappiremanaha madimanaraha accoraqquiri nazapa pina sseqquiri narraridenissa quenarrari.

Carasiadeniza 5:22

Naraha Zeso Cristoza iquerrenezape icca uima pina aua bicaui bonorride rarrarissa narraro. Deo Corimerrine bono inarrarope pina touati uanehe, uatizehe, rronehe narraro. Rrehe, Deo Corime ibodiza madirrarirrinea iape uapimaza eti uanaqquiri narraro. Deocca uatizehema imadirraro. Rroneqquiri ineza imadirraro, amazati edi-rrerarraro, etti bica teza uati uati inarraro. Uima bicanira inanarraro, Deozara rrehe izanaporraro.

1 Tesaronicadeniza 1:6

Tiadenipe pina arri icca madiecca uimassa, pina arra ia Zozossede Deo tauimari timittemanarraro pocca madiecca uimassa tinanemanarraroparri. Narraroa arri Deo Atti timittemaneza rrehe tiquenezape Deo Corimerrine tetizemanarraroparri. Arri ocasserani terizemaneraha Deo Corimerrine Deo Attizara tetetizemana narraroparri.

Satiacocca 1:2

Rrehe ouimecotedeni, tiadeniza uima onihi ssonari, uima onihi ssonari naraha tettidenipe: —Peperri. Nema nehe ouatizeni −tiquenanina bica tani, onarraro.

1 Pedoro 4:13

Pina tetizemanarri. Zeso Cristo naco ocasserani auarrari. Pina tiadeni tinauanemanarrarossa narraro inauanaporraro. Niza poua ccanipomaza pocca deni torrehe auato inanezape tetizemaneri nanitoui.