Tahimarideni 13:43 - Kulina New Testament Brazil

⁴³ Nazapa queriqquimanaha rricaza zodeodeni motapa Paorodeniza rraui torrarrari. Zodeo querrena-rrararaha zodeodenicca marinarraza toquerrenarrarideni naco rraui torrarrari, uima denima mittemanauiuarrine. Nazapa Paorodeni attidenia: —Zesoza parrissa tiquenezape bica tani, nema tizanapomanana. Deo tiadeniza uati cauanari canauicca uima tinebomana-rrerana −quenarrari Paorodeni uati uati toquenaza.

Culina Mádija

⁴³ Nadsapa queriqquimanaha jicadsa jodiodeni motapa Pablodenidsa jai tojajari. Jodio quejena-jararaha jodiodenicca marinajadsa toquejenajarideni naco jai tojajari, ima denima mittamanahijine. Nadsapa Pablodeni attidenia: —Jesodsa pajissa tiquinadsapi bica tani, nema tidsanapomanana. Dio tiadenidsa huati cahanari canahicca ima tinebomana-jerana −quinajari Pablodeni huati huati toquinadsa.

Tahimarideni 13:43 Iomraidhean Croise

Mateo 23:15

—Rraho, zodeodenicca marinarra maridedeni, marinarra parizeoza rrehe tiquenarraro, tiadenipe uauattarro tiquerrenanitoui. Maizarridede tirrirani. Madirra ouaha zodeodenicca marinarraza toquerrenauiuarrine maride dameraqquiri tiquenezape zama onihiuarri, zama onihiuarri maride rrarraui tirrariza narraro. Ueni imehi rrippeuarri naqui maride rrarraui tirrariza narraro. Madirra ouahadenipa: “Zodeodenissa inana, Deoza iquerrenaniuarrine” quenaraha tirrinedenina ticcadeni marinarrazara toquerrenarrari. Narrarorrinena poccadeni uima denima touaidirarraro. Ticcadeni uima uaidira tezape rrororoni rriquerreraniuarri tiquerrenanitoui. Tirrinedeni poccadeni uima denima touaidirezape pouadeni naco rrororoni rriquerreraniuarri toquerrenauitoui.

Tahimarideni 11:23

Nazapa Banabe Atioquiauarri bacco taza Deo pouadeniza uima bicani inanani qqui tazapa uatizerrari. Nazapa pouadeniza uati tarrari: —Deoza parrissa tizanapomanana. Tibodideni dacoreza ia Zozossedeza dameraqquiri tiquenarri −narrari.

Tahimarideni 13:50

Naraha zodeodeni motapa Paorodeniza boquemanaza denima mari mari quenauiuarrine nacasseraqquiri nazapa uima inanarizemanarraro. Pouadenirrine naui Atioquia oza pananicca cacauadedeni Paorodeniza uadimanarrari. Amonerre deni toquerrenarraro arri Deoza iboraqquiri narraro ponideni naqui Paorodeniza boquemaneza uima ssarra tarizezape poccadeni zama arobeniuarri moua ininebaqqui-manarrari.

Tahimarideni 14:22

Uedaniza naco Zesoza rrehe quenarrarideni uatizemanauiuarrine bodideni acco icanabaqqui-rizapomarrari. Paoro attidenia: —Zesoza parrissa tizanapomanarri. Deorrine ticcadeni rrehenirri todacorani zanaponitoui. Ocasserani terizemaneraha nema nehe tinauanemanarizana. Tiadenizama ia naqui ocasserani inauananitoui. Nema inezana Deocca cacaueheza bacco inaniuarrine, inarraro −quenarrari.

Tahimarideni 14:3

Nama quenaraha Paoro Banabe tezerre naui pouadeniza madimana-zanaporrari. Ia Zozossede Zesorrine cappinenera taza Deo madirraza uati cauanari canaui tauimarini mari icanabaqqui-zanaporrari. Nazapa narraro uima parrissa auato taniuarrine Deo Paorodeniza pocca nauatoue da inezape canauatorimanana canarizarrari.

Tahimarideni 16:14

Ponideni tassani orrariepe oza panani Tiatirauarricca. Oninipe Ridia. Ponipe etero zorrorani uatini ccara tanicca dadade. Narraro etero cocoro tozippape pina mappara tarrarossa narraro. Narraro amonerrepe Deo Attiza ibora tarraro. Ia Zozossede Zeso poni bodini acco icanezape Paorocca marinarra poniza bica teza mittanissa tarraro.

Tahimarideni 17:34

Naraha nauicca quequeriqquimana narrari motapa Paorocca uimaza parrissa quenaza pouaza toquerrenarrari. Madirra orraria onipa: Dionisio. Pouapa nauato tarrari. Ssono Areopacouarri quequeriqqui narrari. Amonerre orrarie naqui oninipe Damarisa. Madirra mota naco Zeso tauimariza parrissa quenarrari.

Tahimarideni 17:4

Nazapa zodeodeni mota Zesoza rrehe quenazapa Paoro, Siradeniza toquerrenarrari. Zama Cresiacca madirra Deotoui quenarrarideni uapi taha Zesoza rrehe quenarrari. Nani Cresiauarricca amonerredeni zapanideni sseqquiri narraro mota uapi tehe naqui Zesoza rrehe quenarraro.

Tahimarideni 18:7

Nazapa Paoro Deo Atti mamariuarri qquenaza poua tesse Tisio-Zostocca ozaza toqquezimarrari. Poua naco Deoza uatize-zanaporrari, Deo Atti mamari uinoriniza madirrari.

Tahimarideni 2:10

Piriziauarrica, Papiriauarricca, Ezitouarricca, Ribia arobeniuarricca oza panani Sirene uarrira taniza madimanarrarideni naco mittemanarrari. Nazapa oza panani Rromauarricca,

Tahimarideni 28:23

Nazapa pocca marinarra mittemanauiuarrine uada orrarie icatterrizemanade. Narraro uada bacco taza izamassa Paorocca ozauarri bazima queriqquimanade. Nazapa Paoro Deocca cacauehe tauimarini, Zeso tauimari naco mari icanabaqquirrari. Zeso tauimariza parrissa quenauiuarrine damera tarrari. Moizecca marinarraza, Deo Atti cacomeraqquiri narraridenicca dozonirriza naqui mari icanabaqquirrari. Narraro maridepe marri touaqquemanaraha zomezana paparra quenade.

Tahimarideni 6:5

Nazapa bazima: —Rrehe, bica tani −quenazapa zamatapa dadade toquerrenauiuarrine icatterriza-baqquimanarrari. Onidenipa: Estevao, Piripi, Procoro, Nicano, Timao, Paomena, Nicora quenarrari. Estevaopa Zesoza rrehe nauissa zanaporrari, Deo Corimecca dacorehe naco carrirrari. Nicorapa oza panani Atioquiacca madirra zodeo rrararaha zodeodenicca marinarraza torraporrari.

Romanodenidsa 11:6

Deo bica tarrarirrine icatterriza-baqquirraripa madirra pouadeni inanemanarrarorrine rrerani. Rridacca pouadeni inanemanarrarorrine Deo icatterriza-baqquizapa ettipe: —Deo bica tarrarirrine −inerreranitouiraha.

Romanodenidsa 3:24

Arri icca uimasiri manaconi narrizoue icarrinitouiraha Zeso Cristo pouarrinena Deo ia tappa tabaqquirrari. Deo iaza uati uana taza manaconi rrirehe iaza: —Tiadenizape uima nouerani. Ouaza bicaqquiri tiquenani −narrari.

Romanodenidsa 5:2

Cristoza parrissa inezape pouarrine Deo ia catize taui. Narraroa arri Deo Pouaza dameraqquiri inarraroparri. Niza Deo zamariuarripe pocca deni torrehe iaza torranitoui ineza ehetize narraro.

Romanodenidsa 5:21

Uimasiri dacorarrarorrinea arri ehetia narraroparri. Naraha Deocca touati uanehe denima dacoratezape Deo poua icazosseza ia Zozossede Zeso Cristorrine icca uimasiri rricarraro. Nezape icca uima Deoza tobicarraro. Ia Zozossede Zeso Cristorrine camittehe rriquerreranicca icarrizanaponitoui, inarraro.

2 Corintodeniza 5:11

Deo noppine icappinaniuarrinepe bica tani. Pouaza iboraqquiri inaniuarrine naqui bica tani. Narraro nauatoto inezape madirra bazima Pouaza rrehe quenauiuarrine damamera inarraro. Deopa oua, Timoti tezerre ibodi qqui tauissa taui. Maizeraqquiri inani nauato taui. Tiadeni naqui maizeraqquiri inani nauatoqquiri tiquenaniuarrine touini inani.

2 Corintodeniza 6:1

Nazama Deoza izepe irrirrarope tiadeni acco canade imadirraro. Nezape ettissa tinanemananiuarrine etti bica teza tiadeniza uati inarraro: Deo pocca touati uanehe tiadeniza auato inanezape ponima tinanemana terrerarri, inarraro.

Carasiadeniza 5:1

Zeso Cristopa Moizecca marinarraza imadizanapo-rreraniuarrine ia tappa tabaqquirrari. Nezape Zeso Cristo tauimarizara dameraqquiri tiquenarri. Moizecca marinarrape tinebomanana, narrarocca zozosse tiquerrenanipoma-rreraniuarrine.

Carasiadeniza 5:4

Parrissa tibodidenipe: —Moizecca marinarrassa onaneza oua orrine Deoza occa uima parrirenissa tanitoui −tiquenezape Zeso Cristoza tiarrimanarraro. Deocca touati uanehe tettarromanarraro.

Epesodeniza 2:8

Abi Deopa titouideni uati cauanari canarraria tiadeni tonassiuauabaqquirrari. —Zeso Cristo parrissa itoui zoqquerrari −tiquenezape tiadeniza tossiuauehe inanarraro. Tirrinedeni rrerani. Abi Deo touini naza manaconi rrirehe tiadeniza inanarraro.

Piripodeniza 3:16

Naraha iape arrima inana: Pina arri Deo Atti imittarizarrarocca uimassa inaneza imadirizana.

Piripodeniza 4:1

Nazama ouimecotedeni, Zeso Cristoza dameraqquiri tizanapomanarri. Titouideni ouati uana tani. Tiadeni qqui onabaqqui-ccaraho ohonanani naraha oqquena-rreraccani. Maittaccazama Deo Atti tiadeni mari ocanabaqquipozape Zeso Cristo tauimariza rrehe tiquenade. Poua tauimariza timadimananissa zanapozape ouatizerraro. Tiadenipe occa cacatize tabaqqui tiquerrenani. Narraroa pina mari mari oneza occa marinarra manaconi ouaza torrarrarossa tiquenarraroparri, Deorrine.

Corosadeniza 1:23

Nema tiquenaniuarrinepe Zesoza parri rrehe tizanapomanarini narri. Arri poua tauimari icassiuaueraniuarrinecca timittemanaporraro naqui tinebomana terrerarri. —Zeso Cristorrine icassiuauerezape Deoza bacco ineza etizenitoui −titizanapomana narri. Nazama poua tauimari uati uati onarrarona zama bazimaza ecomerarizaza torrarizarraroparri. Oua Paoro naqui Zeso oua cazosseza poua tauimari maride orrarizarraroparride.

Corosadeniza 1:28

Arrirraro uima Zeso Cristo tauimaripe iana eccorarizarraro. Deo iaza touattehe inaneza madirra bazima bodideni acco acco ihicanabaqqui narrari. Deo ia tonauattabaqquiza naqui mari mari ihicanarizabaqqui narrari. Nazapa niza arra mari icanabaqquirrarideni bazimapa memeuarri Deo Poua baccouarri domo uazapa arra Zeso Cristorrine uimarideni parrirenissa tani Deo qqui inabaqquiuitoui.

Titodsa 2:11

Rrehe, Deo madirraza uati cauanari canaui auato inanarraro. Narraroza madirra bazima tocassiuauerauiuarrine parrireni.

Ebreodenidsa 12:15

Timecotedeni Deoza rrehe quenarrari acco ticanabaqquimanana, Deoza paparra quena-rrarauiuarrine. Paparra quenazapa Deocca danirri touati uanehe zori tocanireuitoui. Deo Attiza bodi nacassera tarraripa tiadeniza carrima-rrarana. Narraripa pina aua bidabote rrabo bidenessa narrari. Pocca nacasserehe tiadeniza torrerana.

Ebreodenidsa 13:9

Nezape marinarra pina Zeso tauimarissa nerreranicca timittemanezape narraroza parrissa tiquenerrerarri. Marinarra rriza tanicca aniza naqui: —Imittana −tiquenerrerarri. Tibodideni Deoza rrehe tiquenani todacorani naniuarrinepe Deo iaza uati cauanari canaui tauimarina parri. Narrarona ibodi tobicaniuarrine parrireni. Naraha marinarra onihi pina: —Arrarrari rrirripapa tirripemana terrerarri, oppina taui −quequenanarraricca marinarrape tibodideni tobicaniuarrine parrire-rrerani.

1 Pedoro 5:12

Ouimecote Silvanopa bica tarrari. Zeso Cristoza damera taui. Pouapa oua acco canaza arrirraro uima bazira tehe tiadeniza dozo onarraro, tibodideni acco ocanabaqquiniuarrine oneza. Deo titouideni uati cauanari canaui parrissa nauatoqquiri tiquenaniuarrine tiadeniza dozo onarraro. Pouapa tiadeniza uima bicani inanezape pocca touati uanehe auato inanarraro. Narraro pocca touati uaneheza dameraqquiri tiquenarri, onarraro.

2 Pedoro 3:14

Ouimecotedeni, titouideni ouati uana tani. Narraro uima bazima torranitoui timadimanaqquezape Deocca rroneheza timadimana, uimasiri rrirehe timadimana naniuarrine dameraqquiri tiquenarri. Nezape Deo baccouarri tidomo ueza bicaqquiri, uissoqquiri tiquenehe tiadeni qqui tabaqquiuiuarrine.

1 Zouao 2:28

Ouimecotedeni, occa erredenissa tiquenarraro. Rridapanape Zeso Cristo pouaza timadimananissa zanaporri. Nani niza Zeso poua ccaronapomaza tibodideni cappine-rreraniuarrine. Poua qqui tiquenaza comehiqquiri tiquenerreraniuarrine.

2 Zouao 1:9

Naraha madirra: —Iape denima nauatoqquiri inani −quenarraridenipa Zeso Cristocca marinarraza poccadeni uima inauarimana tani. Zeso Cristocca marinarra nebomanazapa pouadeni bodiza Deo madiza-rraraui. Naraha madirra Zeso Cristocca marinarrassa inanemana-zanapozapa pouadeni bodiza Deo madizarrari, Poua Bedi naco pouadeni bodiza madizarrari.