Tahimarideni 13:39 - Kulina New Testament Brazil

³⁹ Zesoza parrissa inezape pouarrine uimasiri ia tappa tabaqquirraro. Naraha Moizecca marinarrape narrarossa nerrerani. Narrarope icca uimasiri ia tappa tabaqquiniuarrine parrire-rrerarraro.

Culina Mádija

³⁹ Jesodsa pajissa inadsapi pohuajine imasiri ia tappa tabaqquijaro. Naraha Moisesicca marinajapi najarossa nejerani. Najaropi icca imasiri ia tappa tabaqquinijine pajira-jerajaro.

Tahimarideni 13:39 Iomraidhean Croise

Roca 10:25

Rrassi nauarraniza arra zodeodenicca marinarra maride poua bodipa: —Zeso nattome onana −naza totemaza uati tarrari: —Mamaride nerrecoma oneza camittehe imadi-zanaponicca bacco onaniuarrine? −narrari.

Roca 10:28

Nazapa pouaza Zeso uati tarrari: —Uati tinani bica tani. Nema tizanapozape Deoza timadinitoui −narrari.

Roca 18:14

Narraro uima uati taha rricazapa arra —Bica onani −quequenanarrarideniza Zeso attipa: —Nazama ouape tiadeniza uati onarraro. Arrarrari maqquiderre uimasiri sse tarraripa poua bodi tobicazapa pocca ozauarri toccanirrari. Pocca uima Deo sse inerre narraro, Deoza tobicarrari. Naraha madirra ouaha marinarra parizeoza rrehe narraripa Deoza bodi tobica-rrararrari. Pocca uima mota uaidira taniccape Deoza uati tarrarazapa pocca uima Deo sse inerrererre narraro. Rrehe, madirrapa: “Occa biquehe qqui tiquenarri” nanarra narraripa Deoza arramani torrauitoui. Naraha madirrapa: “Ouape arrimani orrani” nanarra narrarina Deo deni inanauitoui −narrari Zeso.

Huano 1:17

Nazama maittaccazama Moizepa Deocca zossenirri mari mari naporrari. Narraro pocca marinarra uarirronania arri iaza bacco narraroparri. Nazama rridapanapa Zeso Cristona Deocca touati uanehe, pocca parrissehe iaza auato inanarraroparri.

Huano 5:24

—Parrissehera tiadeniza uati onana: Ouatti mittemanarraridenipa arra oua Cazossede Abi Deoza parrissa quenaza naco camittehe rriquerreranicca carrimana-zanapouitoui. Poccadeni uimasiri manaconipe pouadeniza ssonari-rreranitoui. Taide Deoza ssamoqquiri nazapa pina zoqquemanarrarissa quenaraha narraro inebomaneza camittehe rriquerreraniccaza toquerrenarrari −nade.

Tahimarideni 10:43

Narraria Zeso poua tauimari maittaccazama Deo Atti cacomeraqquiri narrarideni dozo narronemanarraripa arrama quequenanarrari: “Ia Idinide icca uimasiri inanamossiniuarrine nauato taui orrari naui. Pouaza parrissa inezape icca uimasiri inanamossi tani” quenapoui nade. Narraro uimape madirra bazimaza torrarraro −narrari Pedoro.

Romanodenidsa 10:10

Ibodi Zeso Cristocca uimaza parrissa inezape icca uima Deoza tobicarraro. Madirraza ecomerezape: —Zesopa oua Zozossede −inezana Deo ia tonassiuauarrari.

Romanodenidsa 10:4

Moizecca marinarra bazimape Cristo inaparrirenissa tezape rricarraro. Nazapa madirra Zeso Cristoza parrissa quenarraridenicca uima Deoza tobicarraro.

Romanodenidsa 3:19

Nauatoqquiri inani: Deopa pocca zossenirri bazimape zodeodenizana da inarraro. Naraha pocca zossenirri nemanehe ecauemananissa taniuarrine parriremana-rraraui. Uima nema nezape: —Bicaqquiri inani −quenauiuarrine ssamo tani. Niza Deopa arrirraro zamacca madirra bazimacca uima cattemade torrazapa Moizecca marinarraza uimarideni icattemanitoui. Nezape madirra ia bazimape icadidire nanitoui.

Romanodenidsa 3:20

Madirra attidenipa: —Iape Moizecca marinarra ecauanissa tani −quenaraha Deo Attipa: —Rrehe, uima ticappiremanani −narrarauitoui. Moizecca marinarrarrinepe uimasiri nauato inarraro. Narraro cacauade iparrire-rrerezape ia bazima uimasiri icarrini auato tarraro.

Romanodenidsa 4:15

Madirrapa Deocca zossenirri ecauemananissa taniuarrine parriremana-rraraui. Zori inanemanezape narrizoueza bacco toquenauitoui. Naraha narraro zossenirri nouerezape madirra zori inanemananiuarrine pouadeniza nouerani.

Romanodenidsa 4:24

Narraro uimape iaza naqui dozo narraro. Ia naqui ia Zozossede Zeso Nauatonide Deoza parrissa inezape Pouapa iaza: —Bicaqquiri tiquenani −narrari.

Romanodenidsa 5:1

Ia Zozossede Zeso Cristo itoui zoqquerraricca uimaza parrissa inezape Deopa: —Tiadeniza uima nouerani −narrari. Narraroa arri Deo tezerre icarronerarraroparri.

Romanodenidsa 5:20

Deo pocca zossenirri Moizeza da inarrarope madirracca uimasiri pouadeniza denima auato taniuarrine. Nezape uimasiri denima inanemaneraha Deocca touati uanehena deni torrarraro. Deopa madirraza uati cauanari cazanaporrari.

Romanodenidsa 5:9

Icca uimasiri manaconi Cristo emene toccarrarorrinena Deo iaza: —Rridapanape ticcadeni uima ouaza tobicani −narrari. Niza pocca narrizouecca uada bacco tezape uima bicani denima icarrinitoui. Pocca narrizoue iaza ssonari-rreranitoui.

Romanodenidsa 8:1

Nazama Zeso Cristoza iquerrenarrarope Deo icca uimasiri manaconi iaza inassonari-rreranitoui.

Romanodenidsa 8:3

Narraro uima bicanipe Deorrinena iaza torrarraro. Moizecca marinarrarrine rrerani. Moizecca marinarrape ecauanissa taniuarrine iparrire-rrerani. Madirra iape ibodiza uaidirehe touini inehe imadirraro. Narraroza Deopa: —Uaidira tani. Narrarorrine narrizoue ticarrimananitoui −nanarra narrari. Naraha narraro uimasiri tomossiniuarrinepe Deo Poua Bedi zosse inaronarrari. Pina madirra essire icarrirrarossa naha carrizapa poua assirezana icca uimasiri manaconi Deorrine ssonarirraro.

Romanodenidsa 9:31

Naraha Izarraeo potemaui zodeodenipa poccadeni uima Deoza tobicaniuarrine Moizecca marinarra inaparriremananiuarrine dameraqquiri naraha parriremana-rraraui.

1 Corintodeniza 6:11

Tiadeni motape narraridenissa tiquenaporaha Deo tiadeni tonauissobaqquirrari. Pouarrine Pouazara tiquerrenarraroparri. Ia Zozossede Zeso Cristo pouarrine, icca Abi Deo Poua Corimerrine naco ticcadeni uima Deoza tobicarraroparri.

Carasiadeniza 2:16

Naraha ibodiza nauatoqquiri inarraro: Deocca zossenirri Moize dozo inarraroza iboraqquiri inarrarope icca uima Deoza parrirenissa taniuarrine parrire-rrerani. Zeso Cristo tauimariza parrissa inezana pouarrine icca uima Deoza parrirenissa tarraro. Zeso Cristoza parrissa inezape icca uima Deoza parrirenissa tarrarorrine ia tonassiuauabaqquirrari. Nazama icassiuaueraniuarrinepe Deocca zossenirrissa inanarrarorrine rrerani.

Carasiadeniza 2:19

Maittaccazama Deocca zossenirri taidecca ouacauezape occa uima Deoza onaparrirenissa taniuarrine ssamo tade. Naraha Zeso Cristocca orrezape poua tezerre oua naqui aua porimacossaniza ozoqquerrarossa narrarode. Narrarope Deocca zossenirri taideccaza pina ouatiarrarossa narraro. Rridapanape Deo Poua toui nauiccara onananiuarrine omadirraro.

Carasiadeniza 3:8

Maittaccazama Deo Atti dozo naporraroza arrirraro uima auato inanaporraro: Zodeo querrena-rrararrarideni Deoza parrissa quenazapa poccadeni uima Deoza tobicanitoui. Deopa pouadeniza: —Tiadeniza uima nouerani. Bicaqquiri tiquenani −nauitoui. Narraro uima bicani madirra tocassiuauerauiuarrinecca Deo Abarahaoza uati taporrari: —Deorrine tipotemani zotodeccazana arrirraro zamacca madirra bazimaza uatizeheri torrarizanitoui −naporrari.

Carasiadeniza 5:3

Tiadeniza uati omanipomarraro: Zodeo rrararrari zopori cotani eteroni uissinarra carrirraripa Moizecca marinarra nemanehessa inanazanaponiuarrine. Nama narrarazapa pouaza toppinanitoui.

Ebreodenidsa 10:11

Nazama Deoza dada toqquimadedenipa uada uarrirriraza zepedeni ihirrimana narrari. Uarrirriraza uimasiri manaconi bani bedi emene Deoza da da ihiqquimemana naraha narrarope uimasiri inarricaniuarrine parrire-rrerani.

Ebreodenidsa 10:4

Rrehe, nazapa bani bedi emene poccadeni uimasiri manaconi dada nebomana-rrararaha narraroza poccadeni uimasiri rricaniuarrine parrire-rrerarraro.

Ebreodenidsa 7:19

Rrehe, narraro marinarra Moize dozo inaporrarope madirradenicca uima Deoza inaparrirenissa taniuarrine parrire-rrerani. Narraro marinarra taidecca parrire-rrerezape rridapana uima onihi toui imadirraro. Narrarope denima bica tani. Narraroza icca uima Deoza tobica tani. Nezape Pouaza iarriressiniuarrine iparrireni.