Tahimarideni 13:22 - Kulina New Testament Brazil

²² Naui zotodepa Deo Saoza paparra naza Deorrine Dabina tamine torrarrari. Nazapa Dabiza arrama narrari Deo Attipa: “Zese-Izahi bedi Dabina madirra bicaui. Poua bodipa pina obodissa narrari. Pouapa ouattissa inana-zanaponitoui” naui nade Deo Atti.

Culina Mádija

²² Nahi dsotodepa Dio Saorodsa apaja nadsa Diojine Dabina tamine tojajari. Nadsapa Dabidsa ajama najari Dio Attipa: “Dsesse-Isahi bedi Dabina madija bicahi. Pohua bodipa pina obodissa najari. Pohuapa ohuattissa inana-dsanaponitohui” nahi nade Dio Atti.

Tahimarideni 13:22 Iomraidhean Croise

Tahimarideni 13:36

Nazama arri Dabi dozo inaporrarope pocca uima rrerani nauato inani. Arra tamine Dabipa Deoza ibora taza uarrano uapi taha icca idideni ecauabaqquiuissa tarrari. Naraha uatiaza ppa izemanazapa pocca abideni rricaporraridenissa narrarouarri torrarrari. Poua ime naqui batteza rrazirraro.

Tahimarideni 15:8

Deopa madirra bodideni nauato tarra narrari. Zodeo querrena-rrararrarideni Zesoza parrissa quenaui Deo nauato tazapa pouadeniza Poua Corime inanarizarrari. Pina iaza Poua Corime inanarizaporrarissa narrari. Nama nazapa Deo Pouarrine zodeo querrena-rrararrarideni naco pocca madirra toquerrenauiuarrine nacassa taui auato inanarraro.

Tahimarideni 7:46

Nazama Deopa Dabiza uati uana tarrari. Dabi poua naco Deoza uati uana tazapa Pouaza: “Rrehe Abi Deo, tiape icca idi Zacacca Deo tirrani. Tiaza oza bicani ocanauatona, nanizana timadiniuarrine. Naniza naqui ia Izarraeodeni tiaza ehetize zanaponiuarrine” napoui nade tamine Dabi atti.