Tahimarideni 13:2 - Kulina New Testament Brazil

² Nazapa toqueriqquimanaza rripehe nebocossemanaza Deozara uatizemananarra pouadeniza Deo Corime uati tarrari: —Rrari, Banabe Saoro tezerre ticatterrizabaqquimanarro. Pouadeniza uaua onarrarope zama onihi, onihiza Ouattiza zepedeni irrimanauiuarrine −narrari.

Culina Mádija

² Nadsapa toqueriqquimanadsa jipehe nebocossamanadsa Diodsara huatidsemananaja pohuadenidsa Dio Corime huati tajari: —Jari, Bernabe Saoro tedseje ticattejidsabaqquimanajo. Pohuadenidsa huahua onajaropi dsama onihi, onihidsa Ohuattidsa dsepedeni ijimanahijine −najari.

Tahimarideni 13:2 Iomraidhean Croise

Mateo 6:16

—Deoza uatide tiquerrenaniuarrine rripehe tinebocossemanezape tipanodeni ozaqquiri nerrerana, pina tipanodeni bica teza timadimanana, onarraro. Neraha tipanodeni ozaqquiri nezape pina maizarridede rabotedenissa tiquenerana. Narraridenipa madirra ouahadeni qqui toquenaza: “A, rripehe nebocossemanaui, Deoza dameraqquiri naui” quenauiuarrine touira quenazapa pouadenirrine pouadeni cacauemanauissa tarrarazapa ocasseraqquiri nanarra narrari. Nazama parrissehera tiadeniza uati onarraro: Narraridenipa madirra attideni touira quenazapa pouadeni touini quenauicca taide carrimanaporrari. Nazapa zotode Deo Poua baccouarri domo uaza Deopa pouadeniza: “Rrehe, peperri. Bicaqquiri tiquenani” narrarauitoui. Pocca danirri bicabote pouadeniza da inerreranitoui, onarraro.

Mateo 9:38

Nezape uizarra rrinede Deoza uati tiquenarri, Poua Atti maride zosse inabaqquiza bono bitede touapiuiuarrine −nade Zeso.

Roca 10:1

Zeso pocca mamari tabaqqui mari icanabaqquia rricazapa pouadeniza: —Oza panani onihi onihi naniuarri mari ocanabaqqui-rizauiuarrine −narrari. Pocca mamari tabaqqui poua tezerrema zosse inabaqquirizaporrari: —Madirra otauimari mittemanapouiuarrine −nazapa pocca mamari tabaqqui 72 quenaha Zeso icatterrizabaqquirrari poua tezerrema pama pama naha zosse inabaqquirizaporrari.

Roca 2:37

Naui maqquirini zoqquezama amonerre tobaccopero madirronarraroa uarranorini 84 bacco tarrariparra. Ponipe Deoza dada toqquimauarri madirraro. Amossiniuarri totoqquena nerrerani. Ponipe ssiuarrabote zome naqui Deotoui nezape damera tarraro. Rripehe naqui uarrirriraza nenebocossa narraro. Deoza naqui uarrirriraza uati uati taterre narraro.

Tahimarideni 10:19

Pedoropa oza tetepiuarri bodi uatoto cananarra Deo Corime pouaza uati tarrari: —Madirra 3 quenaha titoui bacco quenaui.

Tahimarideni 10:30

Nazapa Conerio Pedoroza uati tarrari: —Arri maittazama onihima neza rridapanape uada 4 nani occa ozauarri Deoza uatide orrezape marri touenarronaza pina 3'za Deo Atti ccaccaronade ouaza auatoza qqui onarraride. Pocca eterope zibehi tarraro.

Tahimarideni 13:3

Nazapa zotode rripehe nebocossemana-pomaza Banabe Saoro tatideniza bara quenaza Deoza uati toquenazapa: —Ticadarri −quenarrari.

Tahimarideni 13:4

Nazama Deo Corime Banabe Saoro tezerre zosse inabaqquizapa ueni imehi inidicca oza panani Sereosiauarri touedezipparrari. Nazapa darroni imenibote etero ssoque caniqquimani carriniccaza touedezaza iaccabaqqui-manarrari, zama uittacossani onini Sipreuarri touedarrari.

Tahimarideni 14:26

Nazapa zama Siriacca oza panani Atioquiauarri touedaniuiuarrine darroni imeniboteza touedezanizapa touaccanimanarrari. Narraro oza pananizape taide pouadeni rroppeme-manapouiuarrine Zesoza rrehe quenarrarideni Deoza uati toquenaporrari, Deo pocca touati uanehema pouadeni ecauabaqquiuiuarrine. Nazapa Paoro Banabe tezerre Deo Atti eccorarizemanehe rriquezape narraro oza pananiuarri uedanirrari.

Tahimarideni 20:28

—Nazama ouattipe tiadeniza arrima onarraro: Deoza timadimananissa taniuarrinepe tiadeni tecauemanarri. Zesoza rrehe quenarrarideni, arra tiadeniza quequeriqqui narrarideni naco tecauabaqqui-manauissa tarro. Deo Corimerrine pouadeni cacauade tiquerrenarraro. Deocca madirra pouadeni manaconepa Deo Poua Bedi zoqqueza poua emene toccarraro. Narrarorrine pouadeni tecauabaqqui-manauissa tarro, onarraro.

Tahimarideni 22:21

Naraha manaco oua Zozossede ouaza uati tade: “Peperri, ticcarri. Rridapanape zama uarri tanicca madirra zodeo querrena-rrararrarideni mari ticanabaqquiuiuarrine tia zosse onarraro” nade ouaza −narrari Paoro.

Tahimarideni 4:36

Nazapa madirra oni Zoze naco narrarossa narraro inanarraro. Pouapa rebitadeni. Zama bedeni ueni imehiza uittizacossani onini Sipreza tossonarrari. Zesocca zozosse tabaqqui pouaza: Banabe, quequenanarrari. (Ettizape: Toponi nanauatizede, inarraro.)

Tahimarideni 6:4

—Nezape iana Deozara uati uati izanaponiuarrine. Deo Atti naqui mari mari ihicanabaqqui nauiuarrine, inarraro −quenarrari Zesocca zozosse tabaqqui.

Tahimarideni 8:29

Nazama Piripi tezerre bacco tocanirebote nazapa Deo Corime Piripiza uati tarrari: —Rrari, uassinarra tiqqueza arricca nami rrorroppade uinorinina tianarri −narrari.

Tahimarideni 9:15

Naraha ia Zozossede Zeso Ananiaza: —Rrari, nema nehe ticcarri, pina ouattissa tinanarri. Saoro ocatterrizarrari. Pouapa occa uimaza zepe irririzauitoui. Zama bazimacca madirra, taminedenima mari icanabaqquiuiuarrine. Izarraeodeniza naco otauimari mari icanabaqquiuiuarrine. Nazapa otauimariza: “Rrehe, Zesopa parrissa Deo Bedi” quenauiuarrine, onarraro.

Romanodenidsa 1:1

Nirra ouimecotedeni? Ouape Paoro, Zeso Cristocca zozosse, tiadeniza occa uima dozo onarraro. Zeso Cristocca zozosse orraniuarrinepe Deo otoui uaua narraride. Narraroa arri pocca uima bicani madirra tocassiuauerauiuarrinecca mari mari ohocanabaqquiriza nauiuarrine omadirraro.

Romanodenidsa 10:15

Nazapa nerrecoma naza pouadeni maride torrauiuarrine? Mamaride zossede nouerazapa maride torra-rraraui. Narraroa arri Deo Atti dozo naporrarozape arrima narraro: —Madirra uima bicani icassiuaueraniuarrinecca maride bacco nazapa uatizehe torrarizani −nani nade.

Romanodenidsa 15:16

Zodeo querrena-rrararrarideniza uima bicani torraniuarrine Zeso Cristoza ozepe irrirraro. Pina poccadeni Deoza dada toqquimadessa oneza Deocca uima bicani icassiuaueraniuarrinecca mari ocanabaqquirrari. Nema onezape pouadenipa pina occa danirri Deoza da onarrarossa quenarrari. Narraro danirripe Pouaza bica tarraro. Poua Corime pouadeni inauissobaqquizapa Pouaza toquerrenauissa tarrari.

1 Corintodeniza 12:11

Arrirraro nauatoue bazimape Deo Corime nacassa taza Zeso Cristoza toquerrenarrari motadeniza da da ihinariza narraro. Deo Corimepa orrariraha Pouana madirra bazimaza inanarizarraro.

1 Corintodeniza 7:5

Nazama maqquiderrepa pocca amonerreza poua ccaccocco-rrarana. Amonerre naqui ponicca maqquiza poni ccaccocco-rrerana. Naraha Deoza uatidera orrari naccaniuarrinepe ticca amonerre tazarrani rrehe ticanireza arranirri tinebocossemanaccani bica tani. Zotodena arranirri tidimemanapomana, onarraro. Nema tiquenerrerezape Tocorime-Tamine tiadeniza ssonacossazapa uimasiri tinanemanerana, onarraro.

2 Corintodeniza 11:27

Tarabaia imeni ocarriza naqui onauanade. Uaidira tanicca onihi, onihi ouaza bacco bacco zanaporrarode. Zome ouada-rrerani naqui uapi tade. Pemi onauana, obacco rroconi onauana narizade. Ssirini torreza naqui ocasserani ouariza narrarode. Occa etero ocarriqueza naqui ossirinissa tade.

2 Corintodeniza 6:5

Cocossirideni inauana, toponi cocoroza ia ua tozimabaqquiza inauana, mouanirri torrarizeza iaza ssonarimanaui inauana, tarabaia narro taniccaza izepe irririzani inauana, zome inocco bissani inauana, pemi naqui inauana narizarraro.

Carasiadeniza 1:15

Naraha Deopa pocca zozosse orraniuarrine taide ossona-rreraccazama oua tocatterrizarrari. Ouape bica onerrereraha ouaza uati uana taza otoui uaua narraride. Nazana Pouarrine occa uima cacarriqquimerarraro. Poua touini naza Poua Bedi oua qqui tonanarrari.

Epesodeniza 3:7

Ouape bica onerrereraha Deo ouaza bica taza ouaza uati uana tarrari. Pocca dacorehe ouaza inaparrirenissa teza oua cazosserrari. Zeso Cristo tauimari icassiuaueraniuarrinecca madirraza torraniuarrine maride orrarizarraro.

Corosadeniza 4:17

Nazama imecote Ariquipoza naqui uati tiquenana: —Ia Zozossede Deo tia cazossezapa narrarossa tinanarri. Damera tinarri −tiquenana, onarraro.

1 Timoti 2:7

Narrarope Zeso poua tauimari ouacomera-rizaniuarrine otoui uaua nazapa pouarrine pocca zozosse orrarraro. Zodeo querrena-rrararrarideni poua tauimariza parrissa quenauiuarrine, pocca parrisseheza naco rrehe quenauiuarrine mari ocanarizabaqquiuiuarrine oua zosse tarrari. Parrissehera dozo onarraro, omaize-rrerani.

2 Timoti 1:11

Narraro uima bicani ouacomera-rizaniuarrinepe Deo otoui uaua naza Pouarrine pocca zozosse orrarraro. Poua tauimari mari ocanabaqqui-rizauiuarrine oua zosse tarrari.

2 Timoti 2:2

Madirra bazima occa marinarra mittemanazapa tia naqui ouatti timittade. Narraro marinarrape Deotoui dameraqquiri narrarideniza maride tirrarri. Pouadeni naco parriremanazapa madirra ouahadeni mari icanarizabaqqui-manauiuarrine, onarraro.

2 Timoti 4:11

Otesse orraria Rocana ouaza orrari narrari. Nazapa itesse Maraco qqui taza teccarronarro, onarraro. Pouapa Deoza ozepe irriza oua acco canauiuarrine bica taui.

2 Timoti 4:5

Naraha tibodi uatonissa zanaponiuarrine daco tirrirarri. Ocasserehe tiaza ssonariza naqui nema nehe tinauanarri. Zeso Cristo tauimari icassiuaueraniuarrinecca madirra bazimaza tecomerarizaniuarrine damera tinarri. Ia Zozossede Deo pocca zosseheza tizepe irriza naqui tinaparrirenissa tarri, onarraro.

Ebreodenidsa 5:4

Nazama madirrapa poua touini naza: —Ouana Deoza dada toqquimade, uimarideni uauati toqquimade deni torrauicca orrana −narrararrari. Noueraui. Deo Pouana madirra icatterrizarrari, Pouaza dada toqquimade, uimarideni uauati toqquimade torrauiuarrine. Pina maittaccazama Moize imecote Araocca uimassa narraro. Izarraeo potemauidenicca danirri Deoza dada toqquimade torrauiuarrinepa Deo Pouana icatterrizarrari.