Tahimarideni 12:7 - Kulina New Testament Brazil

⁷ Naui toponi cocoroza ia Zozossede Deocca zozosse memeuarricca auatozapa tossiuarrabaqqui narraro. Pedoro uadaraha ppariza dipi naza: —Uassinarra titemarri! −nanarra birricca corriti rreouarrarra narraro.

Culina Mádija

⁷ Nahi toponi cocorodsa ia Medsede Diocca dodosse memehuajicca ahuatodsapa tossiajabaqqui najaro. Pedro huadaraha pparidsa dipi nadsa: —¡Huassinaja titehemaji! −nanaja bijicca cadena jeohuajaja najari.

Tahimarideni 12:7 Iomraidhean Croise

Mateo 2:13

Nazapa amoua tauimari nauatoqquiri naporrarideni rraui torrania rricaui. Zotodepa Zoze pocca uadaza Deocca zozosse Poua Atti ccaccaronade auatoza atti arrama narrari: —Zoze, nocco tirrarri. Uassinarra arra erredeni imeni tazarrani zama Ezitouarri tiaccabaqquirro. Tamine Erodicca zossenirri erredenitoui qqui narizemanabote naui, inanazoqque-manauiuarrine. Nani Ezitouarri timadi-zanapoccana. Niza tiaza uati onapomezana ticcanipomaniuarrine bica tani −narrari.

Roca 2:9

Nanarra pouadeniza Deocca zozosse Poua Atti ccaccaronade auatorrari. Deo Poua ssiuerrene tossiuarrabaqquiza cappinemanarrari.

Roca 24:4

Nezape bodinideni uatomaneza: —Nerrecoma narrari? −quenarraro. Nanarra madirra pamaha eterorideni ssiuarra tarraro ponideni uinoriniza auatome-manarrari.

Tahimarideni 10:30

Nazapa Conerio Pedoroza uati tarrari: —Arri maittazama onihima neza rridapanape uada 4 nani occa ozauarri Deoza uatide orrezape marri touenarronaza pina 3'za Deo Atti ccaccaronade ouaza auatoza qqui onarraride. Pocca eterope zibehi tarraro.

Tahimarideni 12:23

Tamine Erodipa pocca madirra pouaza uatizemanaza nama quenaraha: —Nema tiquenerrerarri, ouape deo orrarrerani −narrararrari. Nazapa Deocca zozosse memeuarriccarrine Erodi amazati quiza narrari. Poua ime meqquene rrine ssari quenazapa uatiarrari.

Tahimarideni 12:6

Narraro zomeza Pedoropa toponi cocoro bodiza uezarrari. Corriti pamacosseza birri rrore iquenazapa isso teppeppe arrauarri ua arrauarri ua naui nocconiza Pedoro uittizaza uadarrari. Poua cacauade ouahadenipa totoqquezimaza barrari. Uada ssiuarrana Erodipa Pedorocca uima cattemade uaua nauiuarrineraha narraro zomeza Pedoro amossi narrari.

Tahimarideni 12:8

Nazapa: —Rrari, ticca etero tezarri, temoricca sadaria naqui tezarri −narrari. Uezazapa Deocca zozosse uati tapomarrari: —Ticca etero motaranicca naqui tezeza onatti tiqquenarri −narrari.

Tahimarideni 16:26

Nanarra nami rrazirema zaroro narraro. Toponi cocoro tozimacca ozape sibaza canauatonirre narraro dacoreraha poni cauittanicca nami zaroro nezape narraro oza naqui zaroro canarraro. Nezape totoqquezima naqui touabarraro, domo uezarrarideni issodenicca, birridenicca corriti naqui rreo uarrarizarraro.

Tahimarideni 2:24

Zesopa zoqqueraha Deorrine nauatonirrari. Zoqquehe comanipe pouaza mari zaneraha Deorrinena Zeso tappa inarrari. Zoqquehepe pouaza mari zananiuarrine ssamo tani.

Tahimarideni 5:19

Naraha zome nocconi torraza Deocca zozosse memeuarricca auatozapa toponi cocorocca totoqquezima icataborrizeza iaqquenabaqquizapa zosse inanibaqquirrari.

Tahimarideni 9:3

Nazapa tamine Caipa rrehe naza pocca uima teppe Saoroza da ineza Damascouarri zorro inarraro. Toccaraha Damasco bacco tabote naza memeuarricca ssiuarrani amazati pouaza bacco naronezape poua uinoriza ssiuarrauarrani narraro.

Epesodeniza 5:14

Deo ssiuerrenerrine bazima touatonissa tarraro. Narrarorrine maittaccazama arrama quequenanarrari: —Tedarraro nocco tirrarri! Tetieraha ticamittemanirri! Cristo poua ssiuerrene tibodiza ssiuarrarizanitoui −quequenanarrari, rriri rriri quenaza.

Ebreodenidsa 1:14

Arra, pocca zozosse tabaqquipa assiredeni qqui inabaqqui-rraraui. Pina madirra iassa quena-rraraui. Deo pocca madirra tocassiuauerarrarideni acco canadedeni arrauarri zosse, arrauarri zosse ihinarizabaqqui narrari. Narraridenipa bicaqquiri naraha arramani toquerrenarrari. Deo Poua Bedina deni torrarrari, onarraro. Peperri.

Apocalipsis 18:1

Uima qqui onaporraro rriquezape Deocca zozosse ouaha memeuarri ccaronaui qqui onarrari. Zossehe dacoranicca carrirrari. Poua zibehinerrinepe nami bazima tossiuarrabaqquirraro.