Tahimarideni 12:12 - Kulina New Testament Brazil

¹² Nazapa Pedoro arra poua parrissa qquenarraricca uima bodi uatomauissa tazapa Mariacca ozauarri toccarrari. Ponipe Zouaocca ami, arra Zouao poua oni ouahapa Maraco. Naui Mariacca ozazapa madirra Deoza uatide toqueriqquirra narrari.

Culina Mádija

¹² Nadsapa Pedro aja pohua pajissa qquenajaricca ima bodi huatomahissa tadsapa Mariacca odsahuaji toccajari. Ponipi Huanocca ami, aja Huano pohua oni ohuahapa Maraco. Nahi Mariacca odsadsapa madija Diodsa huatide toqueriqquija najari.

Tahimarideni 12:12 Iomraidhean Croise

Tahimarideni 12:25

Nazapa Banabe Saoro tezerrepa oza panani Atioquiauarricca da naqquinarra Zerozareuarri iaccanimanaza da iquenehe rriquezape Atioquiauarri touedanirrari. Zouao pouaza Maraco quequenanarrari naco pouadeniza toccarrari.

Tahimarideni 12:5

Nazapa Pedoro toponi cocoroza uezaraha Zesoza toquerrenarraridenipa oza onihiuarri Pedorotoui Deoza uati uati zanapomanarrari.

Tahimarideni 13:13

Nazapa Paoro poua tessedeni tezerre oza panani Papo rrippeuarri darroni imeniboteza touaqquemanazapa zama onini Papiriaza uana tocanemanarrari. Naui uana tocanemanauicca oza oninipe Pezi. Nauizana Zouao Paorodeni inebobaqquiza poua motta Zerozareuarri toccanirrari.

Tahimarideni 13:5

Narraro zamaza bacco toquenazapa oza onini Saramineza uana tocanemanarrari. Nauiza zodeodenicca Deo Atti mamari onihiuarri, onihiuarri Deo Atti maride toquerrenarizarrari. Arra Zouao pouaza Maraco quequenanarrari naco pouadeni birri accode ccarizarrari.

Tahimarideni 16:40

Nazapa toponi cocorouarri uedenazapa Ridia madiniuarri touedanirrari. Nazapa nauiza Zesoza rrehe quenarrari bodideni acco icanabaqquizapa uatizemaneri narrari. Nazapa denima touedarrari.

Tahimarideni 4:23

Nazapa taminedeni Pedoro Zouao tappa inabaqquimanazapa touedanirrari. Zesoza rrehe quenarrarideniza bacco tanimanazapa dada toqquimade tamine attideni uati, ime rrocoui attideni uati tanimanarrari.

Corosadeniza 4:10

Nazama arra otesse Aristacopa tiadeniza nirra naui. Pouapa otezerre toponi cocoroza ibezarraro. Banabecca madirra Maraco naco tiadeniza nirra naui. Arri Maraco tauimari timittemanaporrarope niza tiadeniuarri toccazapa tinamadimanauissa tana.

2 Timoti 4:11

Otesse orraria Rocana ouaza orrari narrari. Nazapa itesse Maraco qqui taza teccarronarro, onarraro. Pouapa Deoza ozepe irriza oua acco canauiuarrine bica taui.

Piremao 1:24

Ibirri accodedeni Maraco, Aristaco, Dema, Roca quenarrarideni naco tiaza nirra quenarrari.

1 Pedoro 5:13

Oza panani Rromauarri Zesoza rrehe quenarraridenipa tiadeniza nirra quenarrari. Pouadenipa Deo icatterrizabaqquirrari, pocca madirra toquerrenauiuarrine. Pina Deo tiadeni tocatterrizabaqquirrarissa quenarrari. Ouimecote Maraco naco tiadeniza nirra narrari. Pouapa pina occa erredenissa narrari.