Tahimarideni 11:26 - Kulina New Testament Brazil

²⁶ Pouaza bacco tazapa Atioquiauarri rrina inanirrari. Bacco nanimanazapa nauicca Zesoza rrehe quenarrarideniza uarrano orraria madimanaza madirra bazima mari icanabaqquimanarrari. Nazapa naui Atioquiazana Zesoza rrehe quenarrarideniza: Cristocca madirra, icanacanibaqqui-manaporrari.

Culina Mádija

²⁶ Pohuadsa bacco tadsapa Atioquiahuaji jina inanijari. Bacco nanimanadsapa nahicca Jesodsa jehe quinajaridenidsa huajano ojaria madimanadsa madija huapima mari icanabaqquimanajari. Nadsapa nahi Atioquiadsana Jesodsa jehe quinajaridenidsa: Cristocca madija, icanacanibaqqui-manapojari.

Tahimarideni 11:26 Iomraidhean Croise

Mateo 28:19

Nema nezape zama bazimaza otauimari maride rraui tirrarizarri. Madirra ouaza toquerrenauiuarrine maride dameraqquiri tiquenarri. “Rrehe, Zesoza iquerrenana” quenazapa Abi Deo onima, oua Deo Bedi oua onima, Deo Corime onima passo dopaniza niqui niqui titizanabaqquimana nana, onarraro.

Huano 2:2

Zeso poua uatimadedeni ia naqui naniza rrauirrezimade. Carricarricca errete rrinede iaza rrina naza rrauirrezimarrarode.

Tahimarideni 1:15

Nazapa uada onihiza Deoza uatide queriqquipomarrari. Madirra 120 quenaha queriqquimanarrari. Nazapa Pedoro totemaza pouadeniza uati tarrari:

Tahimarideni 11:20

Naraha Zesoza rrehe quenarrarideni domo toccarrari motapa oza panani Atioquiauarri rraui torrazapa zodeo querrena-rrararrarideni naco Zeso tauimari icassiuaueraniuarrinecca mari icanabaqquimanarrari. Mamaridedenipa zama Sipreuarricca madirra pama, oza panani Sirenecca madirra pama quenarrari.

Tahimarideni 11:22

Nazama oza panani Zerozarecca Zesoza rrehe quenarrarideni uima mittemanazapa Banabe Atioquiauarri zosse iquenarrari, qqui inabaqquiuiuarrine.

Tahimarideni 11:27

Nazapa narrari uarranoza Zerozarecca Deo Atti uauati toqquimadedeni Atioquiaza bacco quenarrari.

Tahimarideni 11:29

Nazapa Atioquiacca Zesoza rrehe quenarrarideni Acabo atti: —Pemi torranitoui −naui mittemanazapa: —Zodeacca Zesoza rrehe quenarrarideni acco icanabaqquina −quenarrari. Uimahaha canazapa: —Iparrirenissa tanicca da inaqquina. Pina uemani carriuipa denima da inana, bazira tehe carriuipa bazira tehe da inana −quenarrari.

Tahimarideni 14:20

Naraha arra Zesoza rrehe quenarraridenipa Paoro ponauiuarri qquide rrauirrona, bacco narronemanaza domo uauarraninarra Paoro totemaza ozauarri toccanirrari. Uada ssiuarrapa Paoro Banabe tezerre Derbiuarri touedarrari.

Tahimarideni 14:22

Uedaniza naco Zesoza rrehe quenarrarideni uatizemanauiuarrine bodideni acco icanabaqqui-rizapomarrari. Paoro attidenia: —Zesoza parrissa tizanapomanarri. Deorrine ticcadeni rrehenirri todacorani zanaponitoui. Ocasserani terizemaneraha nema nehe tinauanemanarizana. Tiadenizama ia naqui ocasserani inauananitoui. Nema inezana Deocca cacaueheza bacco inaniuarrine, inarraro −quenarrari.

Tahimarideni 14:23

Nazapa arra oza panani onihi, onihi narizarrarocca Zesoza rrehe quenarrarideni cacauadedeni toquerrenauiuarrine icatterriza-baqquimanarrari. Deo pouadeni acco icanabaqquiuiuarrine rripehe nebocossemanaza Pouaza uati toquenarrari: —Abi Deo, arrarrarideni acco ticanabaqquina, ticca Erredeniza rrehe quenarrarideni ecauabaqqui-manauiuarrine −quenarrari.

Tahimarideni 14:27

Atioquiaza bacco nanimanapomazapa Zesoza rrehe quenarrarideni queriqquiuiuarrine uaua inabaqquimanarrari. Queriqquimanazapa Zeso tauimari maride pouadeni uedarizauicca uima bazima uati uati toquenarrari. Deorrine zodeo querrena-rrararrarideni bodideni narrorauissa taza Zesoza rrehe quenarrari tauimarideni naco uati uati toquenarrari.

Tahimarideni 14:28

Nazapa naui Atioquiacca Zesoza rrehe quenarrarideniza abazico uapi taha madimana-zanaporrari.

Tahimarideni 18:27

Aporopa zama arobeni Acaiauarricca madirra mari icanabaqquiuiuarrine touini naza Epesocca Zesoza rrehe quenarrarideni poua toccauiuarrine acco icanemanarrari. Arra oza panani Corintocca Zesoza rrehe quenarrarideni pouaza bicaqquiri nauiuarrine naco poccadeni uima dozo iqueneza zosse iquenarraro. Nazapa Aporo Corintouarri bacco taza Deocca touati uaneherrine Zesoza parrissa quenarrarideni acco icanabaqquirrari, poccadeni rrehenirri todacorani naniuarrine.

Tahimarideni 19:9

Naraha madirra motapa Zeso tauimariza uaribodeni didiqquiri nazapa madirra bazima mittemanauiuarrine rrazirema Zeso tauimariza tatamasso quenarrari. Nazapa Paoro, Zesoza rrehe quenarrarideni tezerre: —Rrina, oza onihiuarrina iqueriqquina −quenarrari. Nazapa zodeodenicca Deo Atti mamariuarri nebomanaza madirra oni Tiranocca oza uima uauatiuarrina rraui torrarrari. Nauizana uada uarrirriraza Paoro Deo Atti mari mari ihicanabaqqui narrari.

Tahimarideni 20:1

Oza panani Epesodenicca mouanirri rriqueza Paoropa Zesoza rrehe quenarrarideni queriqquimanauiuarrine uaua inabaqquirrari. Nazapa atti bica taza pouadeniza uati tarrari, bodideni uatizemanauiuarrine. Naui zotodepa poua attia: —Rridapanape Masedoniauarri occapomana −nazapa: —Rrehe, ticcarri −quenaza toccarrari.

Tahimarideni 20:30

Arri tiadeni titiqueriqquimana narraro motadeni naco maizeheza toquerrenauitoui. Poccadeni maizehera mari mari quenazapa arra Zesoza rrehe quenarrari pouadenizara toquerrenauiuarrine touini quenarrari.

Tahimarideni 21:4

Nani Tiroza Zesoza rrehe quenarrarideni bacco inabaqquirraride. Nazapa: —Iaza timadimanaccarri −quenazapa pouadeniza uada 7 nehe imadide. Nazapa Deo Corimerrine Zesoza rrehe quenarrarideniza Paoro tezerremacca uima auato inaneza Paoroza uati toquenarrari: —Zerozareuarri tiqquerrerana. Tiqquezape ocasserani tenitoui −quenade.

Tahimarideni 26:28

Naraha tamine Aquiripa: —A, tettipe: “Amazati Cristoza torrana” tarrarorane? −narrari.

Tahimarideni 6:1

Rrehe, nauizapa Zesoza rrehe quenarrarideni denima touapirra zanapoui naraha pouadenirrine uima bica terrerarraro. Pouadeni bazimapa zodeodeni. Motapa zama Cresiacca madirra attideni nauatoqquiri narrari, motapa pouadeni attira nauatoqquiri narrari. Pouadeni atti oninipe: ebereo. Nazapa zama Cresiacca touatti nauatoqquiri narraridenipa atti atti quenarrari: —Arra zamatapa inatassaqquimanarraripa cappiremanarrarodeniza da iquenauissa tarrararrari −quenarrari. —Icca madirra amonerre tobaccopero deniza zamatapa arramani da da iquenarrari. Naraha zodeodeni pouadeni atti ebereo nauatoqquiri narraridenicca madirra amonerre tobaccopero deniza zamatapa denima da da iquenarrari −quenarrari.

Tahimarideni 6:5

Nazapa bazima: —Rrehe, bica tani −quenazapa zamatapa dadade toquerrenauiuarrine icatterriza-baqquimanarrari. Onidenipa: Estevao, Piripi, Procoro, Nicano, Timao, Paomena, Nicora quenarrari. Estevaopa Zesoza rrehe nauissa zanaporrari, Deo Corimecca dacorehe naco carrirrari. Nicorapa oza panani Atioquiacca madirra zodeo rrararaha zodeodenicca marinarraza torraporrari.

Tahimarideni 9:19

Nazapa rripaza ccaremanirrari. Naui Damascocca Zesoza rrehe quenarrarideniza uada pama torrari naha madiccarrari.

Tahimarideni 9:38

Nazama oza panani Zopepe Ridauarri uarrira tarraro. Zopecca Zesoza rrehe quenarraridenipa Pedoro Ridauarri madirrari quenaui mittemanazapa Pedorotoui maqquiderre pamaha zarra tarrari. Nazapa Pedoroza bacco toquenaza uati toquenarrari: —Uassinarra icca ozauarri ticcaccarri −quenarrari.

1 Corintodeniza 11:18

Taidecca ticcadeni uimape arrima narraro: Ouaza uati uati quenaui omittarrarope arri tiqueriqquimanezape tiadenira tiadenira tatarizemana narraro. Narraro uima motape parrissa nitide, onarraro.

1 Corintodeniza 12:12

Nazama essireza uanarizanipe uapi tani. (Pina inocco, eribo, itone, itati narraro.) Bazima essireza orrariqquizape orrarie torrarraro. Arri Cristoza irrariqquirrarocca uima naqui narrarossa narraro. Uapi ineraha Cristo poua assire orrariassa inarraro.

1 Corintodeniza 14:23

Deoza titiqueriqqui naniza bazima touatti rriza tarraroza uati uati tiquenezape madirra ouaha pina touatti rriza tarraro mittapo-rrararrari uitide Deoza rrehe narrararrari uitide nama narrari Deo Atti mittade qquezimaza tettideni mittazapa: —A, arrarrarideni madirrapa bodideni tossamorizarrari −nauitoui.

1 Corintodeniza 4:17

Nema onezape tiadeniuarri Timotira zosse onarrari. Pouapa orrine Zeso Cristoza torrazapa pina occa erredenissa narrari. Pouaza ouati uana tani. Pouapa ia Zozossede tauimariza damera tarrari. Occa marinarra pina Zeso Cristo mari mari narizarrarissa narraro tiadeniza uati tauitoui, tibodideni uatome-mananiuarrine. Narraro marinarrape arri Zeso Cristoza quequeriqquimana nauiuarri mari mari ohocanarizabaqqui narrarissa narraro.

Epesodeniza 3:15

Memeuarri animanarrarideni, namiuarri animanarrarideni bazimapa Deo inauatobaqquirrari, inarraro.

Satiacocca 2:7

Pouadeni mota naco Zeso Cristo oniza tatamasso quena-rraraco? Poua oni bicaboteza tiadeni tocanacani-baqquimanaraha pouadenizana denima bicaqquiri tiquenarrarorane.

1 Pedoro 4:14

Nazama Zeso Cristo oniza tiquerrenarrarorrine madirra tiadeniza attideni uaidira taza atti atti quenaza naco nema nehe tetizemanarri. Deo tiadeniza uima bicani inanarraro. Deo Corime Dacorabote tiadeniza torrazapa madi-zanapouitoui.

1 Pedoro 4:16

Naraha Cristocca madirra tiquerrenarrarorrine ocasserani tinauanemanezape ticappinemana terrerarri. Pina Deozara tetizemaneza Pouaza: —Rrehe, peperri, bica tani! Zesocca orrarrarorrine ocasserani ouarraro −titiquena nana, onarraro.

1 Zouao 2:27

Naraha Zeso Cristopa tiadeniza Deo Corime da inarizarraripa tiadeniza madiuiparra naui. Narraria arra tiadeni mari tocanabaqquirrariparra. Nerrecotoui madirracca marinarra onihi timittemananiuarrine? Deo Corimena uima bazima tiadeni mari tocanabaqquirrari. Parrissehera uati uati tarrari, maiza-rrararrari. Arra Deo Poua Corime tiadeni mari tocanabaqquiporraricca marinarraza dameraqquiri tiquenarri, Cristoza timadimana-zanaponiuarrine.

Apocalipsis 3:18

—Nezape tibodideni acco ocanabaqquiniuarrine tiadeniza uati onana: Arri oua ocarrirrarocca mitta tiquenarri. Nezana uima bicani ticarrimananiuarrine. Narraroa uima bicanipe pina oro zippo ppocoreza tozibehizape uatini ccara taniccassa narraro. Arri ticcororredeni noppineni ticappinemanezape etero moponi ocarrirraro mitta tiquenarri. Narraro tezemanezape ticcororredeni auato terreraniuarrine. Arra tonoccocca rremezi ocarrirraro naco mitta tiquenarro, tinoccodeni sse tiquenezape tinoccodeni ssire tarizaniuarrine, onarraro.