Tahimarideni 11:23 - Kulina New Testament Brazil

²³ Nazapa Banabe Atioquiauarri bacco taza Deo pouadeniza uima bicani inanani qqui tazapa uatizerrari. Nazapa pouadeniza uati tarrari: —Deoza parrissa tizanapomanana. Tibodideni dacoreza ia Zozossedeza dameraqquiri tiquenarri −narrari.

Culina Mádija

²³ Nadsapa Bernabe Atioquiahuaji bacco tadsa Dio pohuadenidsa ima bicani inanani qqui tadsapa huatidsejari. Nadsapa pohuadenidsa huati tajari: —Diodsa pajissa tidsanapomanana. Tibodideni dacoradsa ia Medsededsa disseraqquiri tiquinaji −najari.

Tahimarideni 11:23 Iomraidhean Croise

Mateo 16:24

Nazapa Zeso poua uatimade iaza denima uati uati tarrari: —Arri “Zesocca madirra iquerrenana” tiquenezape tiadeni touini tiquenanicca toui tetideni rrimemanarri. Ouazara dameraqquiri tiquenarri. Madirra tiadeniza: “Aua porimacossaniza tizoqquerri” quenaza naco: “Rrehe, ozoqqueni bica tani. Zeso onebo-rraraui” titizanapomana nana, onarraro.

Maraco 2:5

Zeso pouatoui damamera taui qqui tazapa poua bodiza nauato tarrari: —Parrissa, Zesopa madirra inanomiuiuarrine nauato taui −quenaui Zeso pouaza auato tezape coma tarrariza uati tarrari: —Otesse, arri uimasiri tinanarraro bazimape onanamossini. Rridapanape ticca uima Deoza tobicani −naui nade Zeso.

Huano 15:4

Nazama ouaza parri timadimanarini narizarri. Ouape tiadeniza parri omadirini nanitoui. Inine edeccana cacabono narrari. Inine poua mottapa cabononora taui. Narrarossa tiquenarraro. Tiadeni ouaza timadimananissa terrerezape uima bicani tinanemananiuarrine tiparriremane-rreranitouiraha.

Tahimarideni 13:43

Nazapa queriqquimanaha rricaza zodeodeni motapa Paorodeniza rraui torrarrari. Zodeo querrena-rrararaha zodeodenicca marinarraza toquerrenarrarideni naco rraui torrarrari, uima denima mittemanauiuarrine. Nazapa Paorodeni attidenia: —Zesoza parrissa tiquenezape bica tani, nema tizanapomanana. Deo tiadeniza uati cauanari canauicca uima tinebomana-rrerana −quenarrari Paorodeni uati uati toquenaza.

Tahimarideni 14:22

Uedaniza naco Zesoza rrehe quenarrarideni uatizemanauiuarrine bodideni acco icanabaqqui-rizapomarrari. Paoro attidenia: —Zesoza parrissa tizanapomanarri. Deorrine ticcadeni rrehenirri todacorani zanaponitoui. Ocasserani terizemaneraha nema nehe tinauanemanarizana. Tiadenizama ia naqui ocasserani inauananitoui. Nema inezana Deocca cacaueheza bacco inaniuarrine, inarraro −quenarrari.

Tahimarideni 14:26

Nazapa zama Siriacca oza panani Atioquiauarri touedaniuiuarrine darroni imeniboteza touedezanizapa touaccanimanarrari. Narraro oza pananizape taide pouadeni rroppeme-manapouiuarrine Zesoza rrehe quenarrarideni Deoza uati toquenaporrari, Deo pocca touati uanehema pouadeni ecauabaqquiuiuarrine. Nazapa Paoro Banabe tezerre Deo Atti eccorarizemanehe rriquezape narraro oza pananiuarri uedanirrari.

Tahimarideni 15:40

Naraha Paoropa: —Sirana ouaza toccana –nazapa touedauiuarrine Zesoza rrehe quenarrarideni Deoza uati toquenarrari: —Abi Deo, arrarrarideni tecauabaqquiuissa tana. Ticca touati uanehema uedarizauissa tauiuarrine −quenarrari. Nazapa touedarrari.

Tahimarideni 20:24

Naraha ouape narraro uimaza ocappina-rrerani. Oua inanazoqque-maneza naqui peperri, bica tani. Oua Zozossede Zeso Cristo oua cazosserraricca uimaza ouatizezape orrine parrirenissa taniuarrine, onarraro. Arra oua cazosserraripa Deo madirraza uati cauanari canauicca uima bicani mari mari ohonanarraroparride.

Tahimarideni 20:32

—Ouimecotedeni, rridapanape Deoza timadimanana, tiadeni onebobaqquini. Deo tiadeni touacaua-baqquiuissa tauiuarrine Pouaza uati uati ohonanarraro. Deopa madirraza uati cauanari canaui tauimari tiadeniza uati onarrarode. Pocca touati uanehe tauimarinirrinena ticcadeni rrehenirri todacorani nanitoui. Deo Poua uati taporraricca uima bicani tiadeniza da inanitoui. Narrarope arra pocca madirra toquerrenauiuarrine icatterriza-baqquirrari bazimaza da inarizanitoui. Pina poua uati taporrarissa narrari −narrari Paoro.

Tahimarideni 4:36

Nazapa madirra oni Zoze naco narrarossa narraro inanarraro. Pouapa rebitadeni. Zama bedeni ueni imehiza uittizacossani onini Sipreza tossonarrari. Zesocca zozosse tabaqqui pouaza: Banabe, quequenanarrari. (Ettizape: Toponi nanauatizede, inarraro.)

Romanodenidsa 12:8

Ettiza madirra bodi inauatizeuiuarrine Deo iaza inanaza naqui dameraqquiri inana. Madirraza da inaniuarrine Deo iaza inanaza naqui accora ineza da inana. Quequeriqquimana narrari cacauade Deo iaza inanaza naqui dameraqquiri inana. Touati nauanaqquiri narrarideni acco canade Deo iaza inanaza naqui etizeza acco icanabaqquina.

1 Corintodeniza 15:58

Rrehe ouimecotedeni, tiadeniza ouati uana tani. Uima nema nezape dacoco tirrireza nema tizanapomanarri. Ia Zozossede Deo pocca zossenirriza tizepedeni irrimanezape denima, denima tidameremanani narri. Arrirraro uimape nauatoqquiri tiquenani: Ia Zozossede Deoza tizepedeni irrirrarope ponima rrerani. Pouarrine tiadeniza uima bicani torranitoui.

2 Corintodeniza 1:17

Naraha tiadeni qquide occapoma-rrereza zamarrima onezape ouaza: —A Paoropa bodi uatouissa tarrararrarico? −tiquenerrerarri. Ouape parrissa tiadeni qquide touini onezape occana, onade. Arra madirra ouahapa: —Rrehe, arrima onanana −naraha uada onihizape: —Poni, nema onerrerana −naui carri taui. Tettideni ouaza: —Paoropa nama narrarico? −tiquenerana.

2 Corintodeniza 6:1

Nazama Deoza izepe irrirrarope tiadeni acco canade imadirraro. Nezape ettissa tinanemananiuarrine etti bica teza tiadeniza uati inarraro: Deo pocca touati uanehe tiadeniza auato inanezape ponima tinanemana terrerarri, inarraro.

Corosadeniza 1:6

Arrirraro Zeso Cristo tauimaripe pina tiadeni mari tocanabaqquirrarissa narraria zama onihi onihiza madirizemanarrarideni mittarizemanazapa Zeso Cristoza toquerrenarrariparra. Nezape uima bicani inanarizemanarraro. Tiadeni naqui narrarossa tiquenarraro. Deo titouideni uati uana taui uima timittemanezape pocca touati uaneheza parrissa tiquenarrarode. Nezape tiadeni naqui uima bicani tinanarizemanarraroparri.

2 Timoti 3:10

Naraha Timoti, tiana occa marinarra timittazanaporraro. Occa madie naqui qqui tizanaporraro. Deoza ozepe irrizanaponirrine damera onani naqui nauato tinani. Zeso Cristoza rrehe onarraro naqui tiaza auato tarraro. Narro tanicca naqui mouaraza nema nehe onauanani nauato tinani. Madirratoui ouati cauanari canani naqui nauato tinani. Ocasserehe ouaza ssonariza daco orrirani naqui tiaza auato tarraro.

1 Pedoro 5:12

Ouimecote Silvanopa bica tarrari. Zeso Cristoza damera taui. Pouapa oua acco canaza arrirraro uima bazira tehe tiadeniza dozo onarraro, tibodideni acco ocanabaqquiniuarrine oneza. Deo titouideni uati cauanari canaui parrissa nauatoqquiri tiquenaniuarrine tiadeniza dozo onarraro. Pouapa tiadeniza uima bicani inanezape pocca touati uanehe auato inanarraro. Narraro pocca touati uaneheza dameraqquiri tiquenarri, onarraro.

1 Zouao 2:28

Ouimecotedeni, occa erredenissa tiquenarraro. Rridapanape Zeso Cristo pouaza timadimananissa zanaporri. Nani niza Zeso poua ccaronapomaza tibodideni cappine-rreraniuarrine. Poua qqui tiquenaza comehiqquiri tiquenerreraniuarrine.

3 Zouao 1:4

Rrehe Caio, tiape pina occa erredenissa tarraro. Zesoza toquerrenarrari pina occa erredenissa quenarraridenipa parrisseheza madimanauissa tarrari uima omittezape ouatizeri narraro. Uatizehe onihi aniraha arrirraro uatizehena ouaza denima bica tarraro.

Jodacca 1:4

Ouatti nema onarrarope ssamoqquiri tiqueneraha madirra tiadeniza rraui torrezimarraripa pina titessedenissa quenaraha tiadeni tocamaizabaqqui-manarrari. Narraridenipa uaidiraqquiri narrari. Attidenipa: —Deopa iaza uati uana taui. Icca uaidirehe manaconi ia tonarrizobaqqui-rrarauitoui. Ia touini inanicca inanani oppinera tani −quequenanarrari. Narraridenipa ia Maride, ia Zozossede Zeso Cristo orrari narrariza uattarroqquiri narrari. Deopa narrarideniza narrizoue oppina tanicca inanarrorarraro. Narraro uimape maittaccazama Deo Atti dozo naporraroza dozo iquenaporraro.