Tahimarideni 11:20 - Kulina New Testament Brazil

²⁰ Naraha Zesoza rrehe quenarrarideni domo toccarrari motapa oza panani Atioquiauarri rraui torrazapa zodeo querrena-rrararrarideni naco Zeso tauimari icassiuaueraniuarrinecca mari icanabaqquimanarrari. Mamaridedenipa zama Sipreuarricca madirra pama, oza panani Sirenecca madirra pama quenarrari.

Culina Mádija

²⁰ Naraha Jesodsa jehe quinajarideni domo toccajari motapa odsa panani Atioquiahuaji jai tojadsapa jodio quejena-jarajarideni naco Jeso tahimari icassiejeranijinecca mari icanabaqquimanajari. Maridedenipa dsama Siprehuajicca madija pama, odsa panani Sirenecca madija pama quinajari.

Tahimarideni 11:20 Iomraidhean Croise

Mateo 27:32

Isso teppeppedenipa Zeso iaqquemananarra zama Sirenecca madirra Simao bacco irrizemanarrari. Zesopa aua porimacossani zorro ineraha rrao torraza isso teppeppedenipa Simao icazossemanarrari: —Manaco tia arrarraricca aua porimacossani zorro tinarri −quenazapa manaco Simaona zorro inarraro.

Huano 7:35

Narraro uima madirra mittemanazapa pouadenira uimahaha canade: —Zama nerrecoma nauiuarri toccauiuarrine iaza: “Oua bacco tiquenerreranitoui” naua? −quenade. —Zodeodeni zama onihiuarri torraribaqquirrari-deniuarri toccauiuarrineco? Nauiuarricca zodeo querrena-rrararrarideni mari icanabaqquiuiuarrineco? −quenade.

Tahimarideni 11:19

Nazama Estevao zoqqueui nattipa Zesoza rrehe quenarrarideni mota nanarrizo toquerrenaza arrauarri domo tocca, arrauarri domo tocca narizarraria arra zama Penisiauarri bacco, zama Sipreuarri bacco, oza panani Atioquiauarri bacco toquenarrariparra. Nauiza bacco tarizemanazapa Zeso Cristo tauimari icassiuaueraniuarrinecca uima nauiuarricca zodeodenira mari icanabaqquimanarrari.

Tahimarideni 11:22

Nazama oza panani Zerozarecca Zesoza rrehe quenarrarideni uima mittemanazapa Banabe Atioquiauarri zosse iquenarrari, qqui inabaqquiuiuarrine.

Tahimarideni 11:26

Pouaza bacco tazapa Atioquiauarri rrina inanirrari. Bacco nanimanazapa nauicca Zesoza rrehe quenarrarideniza uarrano orraria madimanaza madirra bazima mari icanabaqquimanarrari. Nazapa naui Atioquiazana Zesoza rrehe quenarrarideniza: Cristocca madirra, icanacanibaqqui-manaporrari.

Tahimarideni 11:27

Nazapa narrari uarranoza Zerozarecca Deo Atti uauati toqquimadedeni Atioquiaza bacco quenarrari.

Tahimarideni 13:1

Nazama oza panani Atioquiacca Zesoza rrehe quenarrarideniza quequeriqquimana narraripa Deo Atti uauati toqquimadedeni, Deo Atti mamaridedeni naco. Pouadeni onidenipa: Banabe, Simeao-Soueui, Rosio Sireneuarricca, Saoro, Manahe quenarrari. (Manahepa zama arobeni Carireacca tamine Erodi tezerre canapirerrari.)

Tahimarideni 14:26

Nazapa zama Siriacca oza panani Atioquiauarri touedaniuiuarrine darroni imeniboteza touedezanizapa touaccanimanarrari. Narraro oza pananizape taide pouadeni rroppeme-manapouiuarrine Zesoza rrehe quenarrarideni Deoza uati toquenaporrari, Deo pocca touati uanehema pouadeni ecauabaqquiuiuarrine. Nazapa Paoro Banabe tezerre Deo Atti eccorarizemanehe rriquezape narraro oza pananiuarri uedanirrari.

Tahimarideni 15:22

Nazapa Zesocca zozosse tabaqqui, Zesoza rrehe quenarrarideni naco, pouadeni cacauadedeni tezerre bazima attidenipa: —Rrehe, arrima inana. Narraro uima Atioquiacca imecotedeniza zosse inana. Paoro Banabe tezerre zorro inanimananiuarrine bica tani −quenarrari. Nazapa poccadeni madirra pamaha naco Paorodeniza touedauiuarrine icatterriza-baqquimanarrari. Orraria onipa Zoda, poua oni ouahapa Barsaba. Poua tesse icatterrizemanarrari onipa Sira. Pouadeni pamahapa Zesoza rrehe quenarrarideniza deni toquerrenarrari.

Tahimarideni 15:23

Nazapa pouadeniza uima teppe zosse iquenarrarope arrima narraro: —Nirra imecote zodeo tiquerrena-rrerarrarodeni bicaqquiri tiquenaqui? Iape Zesocca zozosse tabaqqui oza panani Zerozareuarri Zesoza rrehe quenarrarideni cacauadedeni ineza tiadeniza icca uima dozo inarraro. Arri oza panani Atioquiaza timadimanarrarodeniza, zama Siriaza timadimanarrarodeniza, arri zama Sirisiaza timadimanarrarodeniza naqui icca uima zosse inarraro.

Tahimarideni 15:30

Nazapa Zoda Siradeniza poccadeni uima da iquenezape: —Deo onima rraui tirranissa tana −quenarrari. Nazapa Paoro, Banabedeni touedanizapa Zoda, Sira tezerre pouadeniza touedarrari. Atioquiaza bacco tanimanazapa nauiuarricca Zesoza rrehe quenarrarideni tezerre queriqquimanaza pouadeniza uima teppe da iquenarraro.

Tahimarideni 17:18

Nazapa madirra mota marinarra epicorioza rrehe quenarrarideni, marinarra estoicoza rrehe quenarraridenipa Paoro tezerre arrauarri uati arrauarri uati quenarrari. Nazapa mota attidenia: —Arrarrari attirriderabotepa nerreco uimara iaza uati uati tarrarinarra? −quenarrari. Madirra ouaha attideni naco: —Zama onihicca madirradeni cacauade tauimari eccorarizarraro ranerre! −quenarrari. Nama nama quequenanarrari. Paoropa uima bicani icassiuaueraniuarrinecca uati uati tarrari, Zeso nauatonirrari tauimari naco uati uati tarrariraha pouadenipa mittemana-rrararrari.

Tahimarideni 18:22

Nazapa oza panani Sezareaza bacco tanizapa oza panani Zerozareuarri toqquemoranirrari, Zesoza rrehe quenarrarideniza nirra narizauiuarrine. Naui zotodepa Atioquiauarri toccanirrari.

Tahimarideni 2:10

Piriziauarrica, Papiriauarricca, Ezitouarricca, Ribia arobeniuarricca oza panani Sirene uarrira taniza madimanarrarideni naco mittemanarrari. Nazapa oza panani Rromauarricca,

Tahimarideni 4:36

Nazapa madirra oni Zoze naco narrarossa narraro inanarraro. Pouapa rebitadeni. Zama bedeni ueni imehiza uittizacossani onini Sipreza tossonarrari. Zesocca zozosse tabaqqui pouaza: Banabe, quequenanarrari. (Ettizape: Toponi nanauatizede, inarraro.)

Tahimarideni 5:42

Nazapa uarrirriraza maride toquerrena-zanaporrari. Deoza dada toqquimauarri maride toquerrena, poccadeni ozauarri naco maride toquerrena zanapomanarrari. —Ia Zozossede Cristo-Mesiatoui imadirrarope arra Zeso Cristoparra. Pouaza parrissa tiquenezape ticassiuaueraniuarrine −quenarrari Zesocca zozosse tabaqqui attideni.

Tahimarideni 6:1

Rrehe, nauizapa Zesoza rrehe quenarrarideni denima touapirra zanapoui naraha pouadenirrine uima bica terrerarraro. Pouadeni bazimapa zodeodeni. Motapa zama Cresiacca madirra attideni nauatoqquiri narrari, motapa pouadeni attira nauatoqquiri narrari. Pouadeni atti oninipe: ebereo. Nazapa zama Cresiacca touatti nauatoqquiri narraridenipa atti atti quenarrari: —Arra zamatapa inatassaqquimanarraripa cappiremanarrarodeniza da iquenauissa tarrararrari −quenarrari. —Icca madirra amonerre tobaccopero deniza zamatapa arramani da da iquenarrari. Naraha zodeodeni pouadeni atti ebereo nauatoqquiri narraridenicca madirra amonerre tobaccopero deniza zamatapa denima da da iquenarrari −quenarrari.

Tahimarideni 6:5

Nazapa bazima: —Rrehe, bica tani −quenazapa zamatapa dadade toquerrenauiuarrine icatterriza-baqquimanarrari. Onidenipa: Estevao, Piripi, Procoro, Nicano, Timao, Paomena, Nicora quenarrari. Estevaopa Zesoza rrehe nauissa zanaporrari, Deo Corimecca dacorehe naco carrirrari. Nicorapa oza panani Atioquiacca madirra zodeo rrararaha zodeodenicca marinarraza torraporrari.

Tahimarideni 6:9

Naraha zodeodeni motapa Estevao tezerre arrauarri uati arrauarri uati quenarrari. Naui Zerozareza pouadeni quequeriqquimana nauiuarricca oninipe: Zozosse toquerrenaporaha tappa tabaqquiuicca icanacanimanarraro. Pouadenipa oza Sirenecca, oza Aresadriacca, zama Sirisiauarricca, zama Asiauarricca quenarrari.

Tahimarideni 8:35

Nazapa Piripi narraro Deo Atti arri Izaiacca dozonirriza Zeso tauimari uati uati narronarraripa arri Zesorrine icassiuaueraniuarrinecca uima bicani bacco tarraro.

Tahimarideni 8:5

Piripi naco narrizoue noppineni rroppa tarrari. Pouapa Samariauarri toccaza oza panani bacco tazapa Zeso Cristo tauimari maride torrarrari.

Tahimarideni 9:20

Nazapa Saoro amazati zodeodenicca Deo Atti mamariuarri maride torrarrari. —Zesopa Deo Bedi −narizarrari pouadeniza.

Tahimarideni 9:29

Naraha zodeodeni mota zama Cresiacca touatti nauatoqquiri narrarideni Saoro tezerre uimahaha canazapa arrauarri uati arrauarri uati quenarrari. Uadimanazapa zoqqueuiuarrine toui dameraqquiri narrari.

1 Corintodeniza 2:2

Tiadeniza omadizape obodi uima onihi toui onerrerade. Zeso Cristo tauimarira ozepe irrina, onarrarode. Arra aua porimacossaniza poua zoqquerrari tauimarira uati uati ohonanarrarode.

Carasiadeniza 2:11

Pedoropa imadinicca oza panani Atioquiauarri ccarronaza nauiza pocca uima bica taporaha zotode pouarrine bica terrerani. Narraro qqui onezape madirra bazima mittemanauiuarrine pouaza uati uati onarrarode.

Epesodeniza 3:8

Zeso Cristoza toquerrenarrarideni mota uapi taha bicaqquiri naraha ouape bica onerrerani. Occa uima rradanipe uaidira tade. Ouape Deocca madirra bazimaza arrimani orrani. Nema oneraha Deona ouaza bica tarrari. Oua tocatterrizazapa tozepe irrie bicani ouaza da inarrarode. Narrarope arri zodeo querrenarrararrarideniza Zeso Cristo tauimari icassiuaueraniuarrinecca uima bicani maride occarizaniuarrine.