Tahimarideni 10:41 - Kulina New Testament Brazil

⁴¹ Madirra bazimazapa auatoni-rrararaha iazana ahauatoni narraride. Deopa taide ia tocatterrizabaqquiporraria arri parrissehecca uima ecomerarizaniuarrine iaza auato inanarraroparri. Iape Zeso nauatonizapa poua tezerre irriparizarraro, zeze bica tauicca ze inarizarraro narrarode.

Culina Mádija

⁴¹ Madija huapimadsapa ahuatoni-jararaha iadsana ahahuatoni najaride. Diopa tahide ia tocattejidsabaqquipojaria aji pajissacca ima ecomeraridsanijine iadsa ahuato inanajaropaji. Iapi Jeso nahatonidsapa pohua tedseje ijiparidsajaro, dsedse bica tahicca dse inaridsajaro najarode.

Tahimarideni 10:41 Iomraidhean Croise

Roca 24:30

Nazapa rripemanauiuarrine rrassi tariza Zeso pao idiza Deoza uati tarrari: —Rrehe Abi Deo, tiaza etizerraro. Ticca danirri iaza bica tinanarrari, inarraro −narrari. Pao icanarobeza pouadeniza da inarizarrari.

Roca 24:48

—Nazama tiadeni occa zozosse tabaqqui tiquerrenarrarope oua Cristo-Mesia orrani nauatoqquiri tiquenani. Ozoqqueraha onauatonini parrissa tinoccodeniza qqui tiquenarraro. Nema nezape otauimari tecomerarizemanarri.

Huano 14:17

Deoza rrehe quena-rrararrari arrirraro zamacca touini quenarraridenizapa Poua Corime Parrissehe Maride pouadeniza torra-rrarauitoui. Pouadenipa Deo Corime qqui toquena-rraraui. Pouaza ssamoqquiri naui. Naraha tiadenizapa rrizera taui. Narraripa tiadeniza madiui. Tiadeniza madi-zanapouitoui.

Huano 14:19

Naraha niza denimape arrirraro zamacca madirrapa oua qqui tomanimana-rrarauitoui. Naraha tiadenipe oua qqui timanimananitoui. Ozoqqueraha onauatonizape omadinitoui. Nema onezape tiadeni naqui tinauatonimaneza timadimanapomanitoui.

Huano 14:22

Nazapa Zoda (arrarraripa Zoda Iscariote rraraui) narrari uati tarrari: —Ia Maride nerrecotoui iazara auato tinaniuarrine naraha arrirraro zamacca madirrazapa auato tinerreraniuarrine? −nade.

Huano 15:16

—Tiadenipe otoui tiquenapo-rrereraha ouana tiadeni ocatterriza-baqquirraro. Nani tiadenina ouatti mari ticanabaqquirizauiuarrine. Naui madirra ouaza toquerrenauiuarrine. Narraro uimape pina uva inine uarrirriraza cacabono narrarissa tiquenanitoui. Narrari bonopa madirra Deoza toquerrena-zanaporrari. Nema nezape oua onima uati uati titiquena nezape Abipa ticcadeni uatinarra tiadeniza da da nanarra nauitoui.

Huano 15:27

Tiadeni naqui otauimari tecomera-rizemananitoui. Arri, ouaza tiquerrenapoza oua qqui tarronemanarrarorrine rridapana otauimari nauatoqquiri tiquenanissa tani −nade Zeso atti.

Huano 21:13

Nazapa Zeso ccarronarrari, pao idi naza iaza da inarizade. Aba naco da inarizade.

Tahimarideni 1:22

Narrarideni orraria nerrecorrarina Zouao Zeso passo dopaniza niqui izanapouizama qqui narronarraria Zeso poua toccamacossaniui qqui tarraritta? Narrarina iazama Zeso nauatoniui tauimari eccorarizaniuarrine, onarraro −narrari Pedoro.

Tahimarideni 1:4

Nazama pocca zozosse tabaqquiza madirizapomaza naco arrirraro uima pouadeniza uati tarrari: —Rrehe, arri oza panani Zerozare tinebomana-rrerarri. Occa Abi uati taporraricca uima bicani parrissa tiadeniza torraniuarrine touini timadimanaccarri. Narraro uimape tiadeniza uati onapode.

Tahimarideni 10:39

Nazama ia naqui Zesocca zozosse tabaqqui pouaza rrauirrarizeza oza panani Zerozareza zepe irriui qqui, zodeodenicca zama Zodea nemaneheza zepe irririzaui naco qqui qqui inarrarode. Naraha zotodepa zodeodeni aua porimacossaniza coba izanemanaza inanazoqque-manarrari.

Tahimarideni 13:31

Nauatonizapa poua uatimadedeni arra Carireauarri pouaza rrauirizaza Zerozareuarri bacco toquenarrarideniza uada uapi taha ahauatoni narrari. Narrarideni attidenipa: “Iape Zeso camittemaniui qqui inade. Ia qqui inarrari narraro uima ecomerarizarraro” quequenanarrariparra −narrari Paoro.