Tahimarideni 10:36 - Kulina New Testament Brazil

³⁶ Deopa ia Izarraeodeniza uima bicani uati narronarrari. Narraroa arri Zeso Cristorrine Deo iaza torronerrariparra. Pouarrinena Deocca uadie zori icanirenitoui. Pouana madirra bazima Zozossededeni.

Culina Mádija

³⁶ Diopa ia Isaraeridenidsa ima bicani huati najonajari. Najaroa aji Jesocristojine Dio iadsa tojonejaripaja. Pohuajinena Diocca huadie dsori icanirenitohui. Pohuana madija huapima Medsededeni.

Tahimarideni 10:36 Iomraidhean Croise

Mateo 10:6

Naraha Izarraeo potemaui zodeodeniuarrina rraui tirrani bica tani. Narraridenipa pina eueue touatorarizemanarrarissa quenarrari. Rrehe, narraridenizana rrarraui tirrariza narri, onarraro.

Mateo 11:27

Nazapa Zeso iaza uati tapomarrari: —Occa Abipa ouaza pocca nauatohe uapima inanarizarraro. Occa Abina poua motta ouaza nauato taui orrari narrari. Occa Abipa nazama Poua orrari naha ouaza nauato taha nama narronarrari. Ouape Abi Deocca Erredeni orrani. Oua naqui nezama. Oua orrari onehe Pouaza nauato onarronarraro. Nezama oua Deo Bedi orrezape madirradeni ouaza toquerrenarraripa pouadeniza nacassa onezape orrine pouadenipa Deo Pouaza noccodeni torrizerauitoui −nade Zeso.

Mateo 28:18

Nazapa Zeso zaboraza iaza uati tade: —Abi Deopa pocca nauatohe bazima memeuarricca, namiuarricca naco ouacauarizauiuarrine pocca dacorehe ouaza inanarraro.

Roca 24:47

Narraro poua tauimari ecomerarize-manezape madirra bodideni cacarriqquimere-manauiuarrine naco uati toquenauitoui. Nazapa madirra pouadeni bodi cacarriqquimere-manaza: “Occa uimasiri onebona” quenazapa Deo poccadeni uimasiri peperri inananitoui. Narraro uima bicanipe madirra bazima mittarizemanauiuarrine Cristo-Mesiapa pocca zozosse tabaqqui mari narizemanauiuarrine zosse inarizabaqquiuitoui. Taidepa Zerozareza mari icanabaqquimanauitoui, zotodepa zama bazimaza maride rraui torrarizauitoui. Narrari Cristo-Mesiapa oua. Otauimari maridepa oua occa madirra zosse onabaqquiuiuarrine −narrari Zeso.

Tahimarideni 10:37

Tiadenipe arrirraro uima nauatoto tinani. Narraroa arri Nazaretiuarricca Zeso tauimari. Taidepa Zouao pocca uima eccorarizeza poua attipa: “Ticcadeni uimasiri tinebomanarri, passo dopaniza niniqui ticarrimanarri” naporrari. Nazapa madirra passo dopaniza niqui izanabaqquirrariparra. Naui zotodepa Zeso naco Zouao passo dopaniza niqui izanarrari. Passo dopaniza niquide rrica, idimora nazapa Deo Poua Corime Zesoza inanauissa tarrari. Deo pocca dacorehe naqui Zesoza inananissa tarraro. Nazapa Zeso uima bicani inanarizarraroparri. Taidepe zama arobeni Carireauarri uima bicani inanarizarraro, zotode zama arobeni Zodea nemaneheza naqui uima bicani inanarizarraro. Uimasiri rrinede Tocorime-Taminerrine madirra ocasserani auemanarrari naco inanomibaqqui-rizarrari. Zesopa Deo pouaza madirrarirrine nama narizarrariparra.

Tahimarideni 11:19

Nazama Estevao zoqqueui nattipa Zesoza rrehe quenarrarideni mota nanarrizo toquerrenaza arrauarri domo tocca, arrauarri domo tocca narizarraria arra zama Penisiauarri bacco, zama Sipreuarri bacco, oza panani Atioquiauarri bacco toquenarrariparra. Nauiza bacco tarizemanazapa Zeso Cristo tauimari icassiuaueraniuarrinecca uima nauiuarricca zodeodenira mari icanabaqquimanarrari.

Tahimarideni 13:32

—Nazama oua Banabe tezerre naqui Zeso tauimari bicani icassiuaueraniuarrinecca tiadeniza uati inarraroparri. Maittaccazama Abi Deopa icca idideniza narraro uima uati taporrari.

Tahimarideni 13:46

Naraha Paoro Banabe tezerrepa cappinenera taza pouadeniza uati toquenarrari: —Taidepe arri icca madirra zodeodeni tiadenizana Deo Atti icassiuaueraniuarrinecca uima eccoraponiuarrine Deo ia tocazossebaqquizapa nema inanarraro. Naraha tiadenipe timittemananiuarrine nacasseraqquiri tiquenezape parrissa tiquenerrerarraro. Nema tiquenerrerezape tettideni pina: “Iape Deocca camittehe rriquerreraniccaza imadi-zanaponiuarrine iparrire-rrerani” tiquenarrarossa narraro. Rridapanapa arra zodeo querrena-rrararraridenira mari icanabaqquina, inarraro.

Tahimarideni 2:36

—Rrehe Izarraeodeni bazima, tiadeniza parrissehera uati onarraro, tibodideni uatomarize-manarri. Zesopa tinanazoqquemanaraha Deorrine nauatonizapa arra ia Zozossede Cristo-Mesia torrarrariparra −narrari Pedoro atti.

Tahimarideni 5:31

Deopa pocca dacorehe Zesoza inanezape deni inanarrariparra. Deo Poua uinori nauatoniuarri Zeso inauittarizapa Pouarrine madirra bazimacca tamine torrarrari. Deo Pouarrine madirra Tonassiuauade torrarrariparra. Ia Izarraeodeni Tonassiuauade torrazapa pouarrine ibodi cacarriqquimerezape Deoza iquerrenarraro. “Icca uimasiri inebona” inezape Pouapa icca uimasiriza: “Ouati rrimani” narrari.

Romanodenidsa 14:9

Narrarotoui Cristopa zoqquerrari. Nauatonizapa madipomarrari. Pouapa rricarrarideni, camittaqquiri narrarideni Zozossededeni torrarrari.

Romanodenidsa 5:1

Ia Zozossede Zeso Cristo itoui zoqquerraricca uimaza parrissa inezape Deopa: —Tiadeniza uima nouerani −narrari. Narraroa arri Deo tezerre icarronerarraroparri.

1 Corintodeniza 15:27

Deorrine Cristo deni torrazapa bazima arramani toquerrenarrari. Pina poua amori bacconiuarri toquerrenarrarissa quenarrari. Naraha narraro uima timittemanezape: —Deo naco Cristoza arramani torrarrarico? −tiquenanitiderra. Noueraui. Pouarrinena bazima Cristoza toquerrenarrari.

1 Corintodeniza 15:47

Taidecca madirrapa nami nauatorrari, namiza madirrari. Zotodecca madirra memeuarriccapa Cristo.

Piripodeniza 2:11

Nazama bazimapa: —Rrehe, Zeso Cristopa ia Zozossede, bazimacca tamine −quenauitoui. Abi Deoza naco: —Bica tinani, deni tirrani, tirrani −quenauitoui.

Corosadeniza 1:20

Deopa memeuarricca, namiuarricca animanarizarrari bazima Poua tezerre carronerauiuarrine nacassa tarrari. Nama nazapa Poua Bedi Cristo icazosserrari, bazima inarronebaqquiuiuarrine. Cristopa aua porimacossaniza zoqquezapa poua emene toccarrari. Narrarorrinea icca uimasiri rriquezape Deo tezerre icarronerarraroparri.

Ebreodenidsa 1:2

Naraha rridapana zama rricanicca touarrireza iaza uati tauiuarrinepa Poua Bedi zosse inaronarraride. Narrarina iaza Imehi Atti uati uati ihiqquima narrarode. Rrehe, Poua Bedipa taide Imehi tezerre meme, nami, bazima anirizarraricca inauatomanaporrari. Nazama Deopa Poua Bedina cacauade inanarrari. Bazima rrinede torrarrariparra.

Ebreodenidsa 13:20

Rronehe rrinede Deopa Poua Bedi ia Zozossede Zeso zoqqueraha Pouarrine nauatonirrari. Zesopa eueue cacauade bicaui. Iape pocca eueue iquerrenarraro ia touacaua-baqquirrari. Poua emene toccarrarorrine Deo pocca rrehe canirenirri zati rriquerreranicca iaza inauatorraro.

1 Pedoro 3:22

Zeso Cristo nauatonizapa memeuarri toccamacossanirrari. Bazimaza deni torrazapa Deo uinori nauatoniuarri uittarirrari. Nauiza uittarizapa Deocca zozosse tabaqqui memeuarriccaza zosse zosse narrari. Auatoraqquiri narrarideni deni torrehe carrimana, dacorehe carrimana naraha narrarideniza naco Zeso Cristo zosse zosse narrari.

Apocalipsis 1:18

—Ouape camitta onani. Ozoqqueporaha onauatonizape omadi-zanaponitoui. Ouape chave ocarrini. Narrarope zoqquehecca, bobottacca narraro −nade Zeso Cristo ouaza.

Apocalipsis 1:5

Zeso Cristo naco tiadeniza narrarossa inanarizana, onarraro. Pouapa Deo Atti nauato taza parrissehera uati uati tarrari. Pouana taide nauatoniporrari. Pouapa zama bazimacca tamine deni torrarrari. Bazimaza zosse zosse narrari. Zeso Cristo iaza uati uana tarrari. Uimasiriza imadiraha poua emene toccarrarorrine icca uimasiri inarricarizarraro.

Apocalipsis 17:14

Narraridenina poccadeni madirrama Eueue Bediza rrazire imeni inanemananitoui. Naraha Eueue Bedipa dacorehe deni torranicca carrirrarirrine inarricauitoui. Pouaza toquerrenarraridenipa Deo icatterriza-baqquirrari. Pouaza dameraqquiri narrari. Tamine uapi taraha Eueue Bedi Zesopa bazimacca tamine deni torrauicca orrarirrari. Madirra zozosse totonanadedeni naco uapi taraha pouapa bazima Zozossededeni deni torrarrari −narrari.

Apocalipsis 19:16

Pocca eteroza, poua panaccoza naqui dozo nanicca uimape: —Tamine uapi taraha Zesona tamine deni torraui orrariui. Zozosse carrimanaui uapi taraha Zesona ia Zozossede deni torraui orrariui −narraro dozo nani.