Tahimarideni 10:15 - Kulina New Testament Brazil

¹⁵ Naraha Pedoroza uati tapomarrari: —Pedoro, parrissa Deopa: “Arrarrari bani tirripemana terrerarri” naporaha rridapanapa Deo Pouarrine toppineraui. Nezape Deorrine toppinerauiccaza: “Oppina taui” terrerarri −narrari Deo Atti ccaccaronade Pedoroza.

Culina Mádija

¹⁵ Naraha Pedrodsa huati tapomajari: —Pedro, pajissa Diopa: “Ajajari bani tijipamana tejeraji” naporaha jidapapa Dio Pohuajine toppinerahi. Nadsapi Diojine toppinerahiccadsa: “Oppina tahi” tejeraji −najari Dio Atti ccaccaronade Pedrodsa.

Tahimarideni 10:15 Iomraidhean Croise

Mateo 15:11

—Tiadenizape rrirripa oppina tauicca carri taui. Madirra nama nauicca rripazapa tettidenipe: “Deoza bica terrerani, Moizecca marinarraza naqui oppina tani” titiquena narraro. Naraha ouattipe arrima narraro: Uapima itaparipa dappi inaza ibodiza torrazapa uimasiri torra-rrerani. Neraha ebenoza uati uati ihinanarrarorrinena madirraza uimasiri ihinanemana narraro −nade Zeso.

Maraco 7:19

Itaparipa ibodi uauato naniuarri toqquezima-rraraui. Itaparipa izonezana totoqquezima narrari. Zotode mirri inazapa toqqueqquimarrari −naui nade Zeso. (Poua atti nama nazapa itapari uapima oppinera taui, narrari.)

Tahimarideni 10:16

Arra bani tauimari uati nimaniui 3 nazapa arri etero ssoque caniqquimanipe memeuarri toccamacossanirraro.

Tahimarideni 10:28

Nazapa Pedoro pouadeniza uati tarrari: —Ouape zodeo madirra orrani. Nazama arri zodeodenicca uimape nauatoto tinani. Occa madirrapa madirra ouaha zodeo querrena-rrararrarideniza icarrimani pina rridapana tiadeniza qquide oqquezimezape oppina tani quequenanade. Naraha Deo oua mari canazapa arrama narrari: “Rridapanape madirra ouahadeniza icarrimani naqui oppinera tani. Pouadeniza: Oppina tani, terrerarri” nade ouaza.

Tahimarideni 11:9

Naraha memeuarri ouaza uati tapomade: “Arrarrari banipa Deorrine toppineraui. Nezape Deorrine toppinerauiccaza: Oppina taui, terrerarri” nade ouaza.

Tahimarideni 15:20

Nezape pouadeniza arrirraro uimara dozo inana: Arra siba nauatoniza bani da tauiccapa mitta tiquena tarrararro, tirripemananiuarrine oppina tani. Bani ssipori niqui naui zoqqueza emene tocca-rrarauicca naco tirripemana terrerarri. Bani emene tirripemanauiuarrine naco oppina taui. Uananehe naqui tinebomanarri. Pina maqquiderre amonerre carriraha amonerre onihi arra arrape poni. Amonerre maqquiderre carriraha maqquiderre ouaha narra narrape poni. Tabiradeni naco pouama arra arra canarizera-rrarana. Narraro uimara pouadeniza dozo inana, onarraro.

Tahimarideni 15:29

Arra madirra icca Deoza toquerrena-rrararraridenicca bani poccadeni siba nauatoniza da tauiccapa mitta tiquena tarrararro, tirripemananiuarrine oppina tani. Bani ssipori niqui naui zoqqueza emene tocca-rrarauicca naco tirripemana terrerarri. Bani emene naco tirripemanauiuarrine oppina taui. Uananehe naqui tinebomanarri. Pina maqquiderre amonerre carriraha amonerre onihi arra arrape poni. Amonerre maqquiderre carriraha maqquiderre ouaha narra narrape poni. Tabiradeni naco pouama arra arra canarizera-rrarana, inarraro. Tiadenipe arri icca dozonirrissa tinanemanezape bica tani, inarraro. Peperri icca uima −quenarrari poccadeni uima teppeza.

Tahimarideni 15:9

Deopa pina iaza inanarrarossa narraro pouadeniza naqui nema inanarraro. Arra Pouarrine Zesoza parrissa quenazapa pouadeni bodi inauisso-baqquirrari.

Romanodenidsa 14:14

Ouape ia Zozossede Zeso Cristocca orrarrarorrine obodiza nauato onarraro: Zamatapa, bani oppina tauicca noueraui. Naraha madirra bodi: —Arrarrari bani orripanipe Deoza oppina taui −naza rripazapa Deoza bica terrerani. Pouaza pina uimasirissa narraro.

Romanodenidsa 14:20

Deorrine timecote madiuissa tarraricca uima tirriparraroza tinassamo terrerarri. Iaza rrirripa oppina tauicca noueraui. Bazima bica taui. Naraha ia irriparraroza imecotecca rrehenirri tossamorrarona Deoza bica terrerani.

1 Corintodeniza 10:25

Arra bani dadaza bani da tauicca bazima tirripemanauiuarrinepa bica taui. —Arrarrari banipa siba nauatoniza da iquenaporrariccaco? −tiquenerrerarri. Narraro uima tibodideni uatomana terrerana.

Titodsa 1:15

Arrirraro uimape nauatoqquiri inani. Narraria arra madirra Deorrine bodideni uissoqquiri narraridenizapa bazima oppinera taui. Pina rripemanauicca, pina dama quenauicca, pina qqui toquenauicca uapima bodideni uissoqquiri narraridenizapa bica taui. Naraha arra Zesoza rrehe quena-rrararraridenipa bodideni uaidiraqquiri nazapa pouadeniza bica tauicca noueraui. Bazima pouadeniza oppina taui. Pouadeni bodicca uaidireherrine uima bicanira icatterrizemananiuarrine ssamoqquiri narrari. Bodideni uima bicanitoui uauatome-mana narrararrari.

Apocalipsis 14:20

Nazapa oza panani uapiuarri uva ttai ttai naza pperrene toccarrari. Narrari pperrene toccarraripa madirra emenedeni uva ttaittaiza qquenarraro. Pina ueni tocazarrarrarissa narrari. Cavaro uaui arrariza bacco tarraro. (Narrarope 1 metro e meio.) Emenedeni toccabaqquini uarri tani. Nattome inezape 300 quilometrossa nehe torrarraro.