Tahimarideni 1:7 - Kulina New Testament Brazil

⁷ Naraha Zeso pouadeniza uati tarrari: —Tettidenipe: “Nerrecoma naza ia Izarraeodenicca cacauehe torrapomapazerre?” tiquenarraroqui? Naraha narraro uimape ticcadeni rrerani. Abi Deo Pouana nauato tarrari. Niza Poua nacassa taza ticcadeni cacauehe torrapomanitoui.

Culina Mádija

⁷ Naraha Jeso pohuadenidsa huati tajari: —Tettidenipi: “¿Nejecoma nadsa ia Isaraeridenicca cacahuehe tojapomapadseje?” ¿tiquinajaroqui? Naraha najaro imapi ticcadeni jerani. Abi Dio Pohuana nahato tajari. Nidsa Pohua jipa tadsa ticcadeni cacahuehe tojapomanitohui.

Tahimarideni 1:7 Iomraidhean Croise

Mateo 20:23

Nazapa pouadeniza Zesoa: —Rrehe, parrissa ocasserani tinauanemananitoui. Arri oua narrizoue onauanezape tiadeni naqui niza zotode narrizoue tinauanemananitoui. Neraha memeuarri occa cacaueheza madirra cacauade ouazama pamariuiuarrinepa oua zosse zosse onerrerani. Abi Deo icatterriza-baqquirraridenina ouinoriza pamariuiuarrine −nade Zeso.

Mateo 24:36

—Occaronapomanicca uada, marri naco madirra bazima ssamoqquiri naui. Deocca zozosse tabaqqui memeuarricca naco ssamoqquiri naui. Deo Bedi oua naqui narraro uima ssamo onani. Naraha Abi Deo Pouana nauato taui orrariui −nade.

Maraco 10:40

Naraha memeuarri occa cacaueheza madirra cacauade ouazama pamariuiuarrinepa oua zosse zosse onerrerani. Abi Deo icatterriza-baqquirraridenina ouinoriza pamariuiuarrine −naui nade Zeso.

Maraco 13:32

—Occaronapomanicca uada, marri naco madirra bazima ssamoqquiri naui. Deocca zozosse tabaqqui memeuarricca naco ssamoqquiri naui. Deo Bedi oua naqui narraro uima ssamo onani. Naraha Abi Deo Pouana nauato taui orrariui −naui nade.

Roca 21:24

Rrazire uarrinecca massito cauidireqquima naniza motadenipa rricarizauitoui. Motadeni naco rrarrazirededeni itadamemanarizaza pouadeni zepeza toquerrenazapa zama onihiuarri zama onihiuarri iaccanibaqqui-rizemanauitoui. Nazapa zodeo querrena-rrararrarideni deni toquerrenazapa Zerozare inauaidiremananitoui. Pouadenirrine Zerozarepe pina ttai ttai torrarrarossa nanitoui. Naraha zotodepe poccadeni uarrano Zerozareuarri madimanauiuarrine parrirenissa tezape narrizoue rricanitoui −narrari Zeso.

Tahimarideni 17:26

—Deopa madirra orraria inauatoporrari. Narraria arra icca idi taideccaparra. Deo Pouarrine madirra bazimapa narrari potemaui toquerrenarrariparra. Narrari poua potemauia madirra zama onihiza toquerrena, zama onihiza toquerrena, zama onihiza toquerrena narizarraria zama bazimaza madirizemanarrariparra. Deopa nauato tapoza madirra icatterriza-baqquirrari: “Arrarraridenipa arrirraro zamaza madimanauiuarrine, zama onihiza madimana-rrarana. Arraccarraridenina arriccarraro zamaza madimanauiuarrine, zama onihiza madimana-rrarana” narizaporrari. Deopa Poua nacassa taza zama onihi deni inana tani. Zama onihi naqui arrimani inana tani. Nama narizarrari.

Epesodeniza 1:10

Narraroa niza zotode Poua touini nauicca uada bacco teza pocca tonauatobaqquinarra bazima arra memeuarricca, namiuarricca naco bazima inatassaqquiuitoui. Nazapa Poua Bedi Zeso Cristo bazimaza deni inanazapa pouana bazima ecauabaqquiuitoui.

1 Timoti 6:15

Rrehe, Zesopa Deorrine uada narroraponicca bacco taza parrissa ccanipomauitoui. Deopa bazima Cacauade orrariui. Poua touira etizezape bica tani. Taminedeni uapi taraha pouana uapimacca tamine deni torraui orrariui. Zozosse carririzemanaui uapi taraha pouana ia Zozossede Zeso Cristopa deni torraui orrariui.

2 Timoti 3:1

Rrehe Timoti, zama rricabote nanicca uima nauato tinaniuarrine tiaza dozo onarraro. Niza zama rricani touarrirezape imadinissa taniuarrine narro tanitoui.