Tahimarideni 1:5 - Kulina New Testament Brazil

⁵ Taidezama tibodideni cacarriqquimerezape: “Occa uimasiri onebona” tiquenezape Zouaopa passo dopaniza tiadeni niqui tozanabaqquiraha niza uada onihizana Deo Poua Corime tiadeniza da inarizazapa tibodideni denima cacarriqquimeranitoui. Deopa tibodideni zati inananitoui −narrari Zeso.

Culina Mádija

⁵ Tahidedsama tibodideni cacajiqquimeradsapi: “Occa imasiri onebona” tiquinadsapi Huanopa passodsa tiadeni topa todsanabaqquiraha nidsa huada onihidsana Dio Pohua Corime tiadenidsa da inaridsadsapa tibodideni denima cacajiqquimeranitohui. Diopa tibodideni dsati inananitohui −najari Jeso.

Tahimarideni 1:5 Iomraidhean Croise

Mateo 3:11

—Ouape passo dopaniza tiadeni niqui ozanabaqquirraro, uimasiri tinebomaneza Deotouira tiquenanicca uima auato taniuarrine. Naraha madirra dacorarrari ccarronabote naui. Ouape taide mari mari onaporaha arra zotodecca mamaride ccarronarrarina deni torrarrari. Narrarina Deo Corime tibodideniza madiuiuarrine tiadeniza inanarizauitoui. Pouapa pouaza toquerrena-rrararraridenipa rrororoni rriquerreraniuarri ua izimabaqquiuiuarrine parrirerrari. Ouape arrimani orrani. Pina pocca zozossessa onaniuarrinepe oparrire-rrerani. Poua amoricca sadaria zorrode naqui oparrire-rrerani −naui nade Zouao.

Mateo 3:6

Poccadeni uimasiri Deoza ecomeremanezape Zouaopa ueni Zorodaoza madirra passo dopaniza niqui niqui ihizanabaqqui narrari.

Maraco 1:8

Ouape passo dopaniza tiadeni niqui ozanabaqquirraro. Naraha arra ccarronabote narrarina Deo Corime tibodideniza madiuiuarrine tiadeniza inanarizauitoui −naui nade Zouao.

Roca 3:16

Naraha Zouaopa poua cacomerarrari: —Ouape passo dopaniza tiadeni niqui ozanabaqquirraro. Naraha madirra dacorarrari ccarronabote naui. Ouape taide mari mari onaporaha arra zotodecca mamaride ccarronarrarina deni torrarrari. Narrarina Deo Corime tibodideniza madiuiuarrine tiadeniza inanarizauitoui. Pouapa pouaza toquerrena-rrararraridenipa rrororoni rriquerreraniuarri ua izimabaqquiuiuarrine parrirerrari. Ouape arrimani orrani. Pina pocca zozossessa onaniuarrinepe oparrire-rrerani. Poua amoricca sadaria diccade naqui oparrire-rrerani −narrari Zouao.

Huano 1:26

Naraha Zouao poua cacomerade: —Ouape passo dopanizara niqui niqui ohozanabaqqui narrari. Naraha madirra ouaha tiadeniza madiraha pouaza tinoccodeni rrizaqquiri naccani.

Huano 1:31

Ouape pouaza ssamo onade. Naraha Izarraeo potemauideni tiadenipe pouaza nauatoqquiri tiquenaniuarrinepe Deo oua cazosseza madirra passo dopaniza niqui niqui onarraroparri −nade Zouao.

Huano 1:33

Ouape pouaza nauato onapo-rrerade. Naraha passo dopaniza niqui ozanabaqquiuiuarrinepa Deo oua cazosseza ouaza uati taporraride: “Ocorime ccaroneza madirraza uari naui qqui tinauitoui. Narrarina Ocorime madirraza inanarizauitoui” napode Deo ouaza.

Tahimarideni 10:45

Nazama Deo Corimerrine pouadenipa touatti rriza tarraroza uati uati toquenarrari. Deoza uatizemanaza attidenipa: —Deopa bica taui! Deopa nauatorride raui! −quenarrari. Nazama Zopeuarricca Zesoza rrehe quenarrarideni Pedoroza rrauirronarraripa zodeodenirra narrari. Pouadenipa arra madirra ouahadeni zodeo querrena-rrararaha touatti rriza tarraroza uati uati toquenaui mittemanazapa: —A, madirra ouaha querrenaraha Deo Corime pouadeniza torrarizarrari −quenarrari.

Tahimarideni 19:4

Nazapa Paoro: —Rrehe, arra Zouaocca passo dopaniza niquinarra carririzemanarraridenipa poccadeni uimasiri nebomanapozana passo dopaniza niniqui carririzemanarrari. Zouao uati tapoui naco atti arrama naporrari: “Niza, zotode bacco narronarrariza naco pouaza rrehe quenauitoui” napoui nade. Nazama arra zotode bacco narronarrari onipa Zeso −narrari Paoro.

1 Corintodeniza 12:13

Nazama arri irrariqquirraro zodeodeni, zodeo rrararrarideni, madirracca zozosse toquerrenarrarideni, madirracca zozosse toquerrena-rrararrarideni ia bazima Zeso Cristoza iquerrenapozape Deo Poua Corime iaza torrarizarrariparra. Deo Corimerrine bazima Cristoza irrariqquirrarope pina Cristo poua assire orrariassa inarraroparri.

Titodsa 3:5

Deopa ia tonassiuauabaqquirrari. Naraha narrarope ia bica inanarrarorrine rrerani, Deona itoui uati uana tarrarirrine. Ia tonassiuauabaqquiuiuarrine Pouana ibodi inauissoza ibodi zati torrezape Deo Corimerrine madie zati icarrirraro.