Tahimarideni 1:15 - Kulina New Testament Brazil

¹⁵ Nazapa uada onihiza Deoza uatide queriqquipomarrari. Madirra 120 quenaha queriqquimanarrari. Nazapa Pedoro totemaza pouadeniza uati tarrari:

Culina Mádija

¹⁵ Nadsapa huada onihidsa Diodsa huatide queriqquipomajari. Madija 120 quinaha queriqquimanajari. Nadsapa Pedro totehemadsa pohuadenidsa huati tajari:

Tahimarideni 1:15 Iomraidhean Croise

Mateo 13:31

Nazapa Zeso pocca uima uati tapomauiuarrine arrirraro namiza imadinicca uima tazarrani mari icanabaqquipomarrari: —Deocca cacauehepe pina mostada noccocca uimassa narraro. Madirrapa pocca uizarraza mostada nocco ppa izarrari.

Roca 22:32

Naraha Simao, titoui Deoza uati uati onarraro, oua tinebo-rreraniuarrine. Ouaza peperri tanitouiraha, otouira tapomezape timecotedeni arra ouaza rrehe quenarraridenicca rrehenirri todacoraniuarrine pouadeni acco ticanabaqquirro, onarraro −narrari Zeso.

Huano 14:12

—Ouape parrissehera tiadeniza uati onana: Ouaza: “Parrissa ia tonassiuauabaqquiuiuarrine” tiquenezape pina arri orrinessa tinanemananitoui. Occa Abi madiuiuarri occanini onattipe pina orrinessa tinanemaneraha denima bica tanicca tinanemananitoui.

Huano 21:23

Nezape imecote bazimaza ponima uima torrarizarrarode. —Zeso uatimade Zouaopa uatia-rrarauitoui −nanarizemana narraride. Naraha Zeso attipa: —Zoqque-rrarana −narrararaha, Zeso poua attipa: —Rrehe, nacassa onezape Zouaopa occanipomeza madiuiparra nauitouiraha narrarope ticca cacauehe rrerani onarraroraha −narraride Zeso. Arra Zeso uati uati tarraripa oua Zouao occa uima.

Tahimarideni 10:23

Nazapa Pedoro: —Rrehe, bica tani. Arri occa ozaza timadimanaccarri, izamassana tiadeniza occaniuarrine −narrari. Nazapa uada ssiuarrana Pedoro Coneriocca zozosse tabaqquiza toccarrari. Zopeuarricca Zesoza rrehe quenarrarideni mota naco rraui torrarrari pouadeniza.

Tahimarideni 11:1

Nazama zama arobeni Zodeaza madimanarrarideni arra Zesocca zozosse tabaqqui uima mittemana, Zesoza rrehe quenarrari ouahadeni naco uima mittemana narrari: —Madirra ouaha zodeo querrena-rrararaha Deo Atti mittemanazapa parrissa quenaui −quenarrari.

Tahimarideni 11:12

Nazapa Deo Corime ouaza uati tade: “Ticappinarrereza pouadeniza ticcarri” nade ouaza. Nezape arra Zopeuarricca Zesoza rrehe quenarrarideni 6, oua ineza pouadeniza rrauirrade. Nezape Coneriocca ozauarri bacco ineza rrauirrezimade.

Tahimarideni 11:26

Pouaza bacco tazapa Atioquiauarri rrina inanirrari. Bacco nanimanazapa nauicca Zesoza rrehe quenarrarideniza uarrano orraria madimanaza madirra bazima mari icanabaqquimanarrari. Nazapa naui Atioquiazana Zesoza rrehe quenarrarideniza: Cristocca madirra, icanacanibaqqui-manaporrari.

Tahimarideni 11:29

Nazapa Atioquiacca Zesoza rrehe quenarrarideni Acabo atti: —Pemi torranitoui −naui mittemanazapa: —Zodeacca Zesoza rrehe quenarrarideni acco icanabaqquina −quenarrari. Uimahaha canazapa: —Iparrirenissa tanicca da inaqquina. Pina uemani carriuipa denima da inana, bazira tehe carriuipa bazira tehe da inana −quenarrari.

Tahimarideni 12:17

Nazapa uimahaha canarrari, naraha Pedoro poua zepe da naza: —Zamarrima tiquenaccarri. Occa uima uati onaccana −narrari. Nazapa Deorrine poua qquenauicca uima pouadeniza uati uati tarrari. Rriquezape: —Arri occa uima Zesoza rrehe quenarraridenicca tamine Tiacoza uati tiquenana, arra imecotedeni bazimaza naqui uati tarizemanana, occa uima nauatoqquiri nauiuarrine −narrari Pedoro. Nazapa nauicca madirra inebobaqquiza oza onihiuarri toccarrari.

Tahimarideni 14:2

Naraha zodeodeni mota arra Zesoza rrehe quena-rrararraridenipa zodeo querrena-rrararrarideniza uati narizemanarrari, Paorodeniza tonacasseremanauiuarrine. Nazapa pouadeni attirrine narrarideni naco Paorodeniza uadimanarrari.

Tahimarideni 15:1

Nazapa Paoro Banabe tezerre oza panani Atioquiaza madimanaccaza zama Zodeacca madirra bacco quenarrari, Zesoza rrehe quenarrarideni maride rrauirronarrari. Poccadeni marinarrape arrima narraro: —Arri, zodeodenicca zopori cotani eteroni uissinarra pina Moizecca marinarrassa narraro tetideni rrimezape oppina tani. Narraro uissinarraza nacasseraqquiri tiquenezape ticassiuauera-rreranitoui −quenarrari Zodeacca madirra.

Tahimarideni 15:3

Nazapa arra icatterriza-baqquirraridenipa Atioquiacca Zesoza rrehe quenarrarideni attideniza Zerozareuarri rraui torrarrari. Zama arobeni Penisiaza bacco toquenazapa nauicca Zesoza rrehe quenarrarideniza Paorodeni uati toquenarrari: —Rrehe, icca bobodezape zodeo querrena-rrararaha poccadeni uima inebomaneza rridapanapa Abi Deozana toquerrenarizaderra −quenarrari. Zama arobeni Samariaza bacco toquenaza naco narraro uima uati narizemanarrari. Nazapa Zesoza rrehe quenarrarideni bazima poccadeni uima mittemanazapa uatizemanarrari.

Tahimarideni 16:2

Nazapa arra Ristaracca Zesoza rrehe quenarrarideni attideni, oza panani Iconiocca Zesoza rrehe quenarrarideni attideni naco: —Timotipa zabisso bicaui −quequenanarrari.

Tahimarideni 16:40

Nazapa toponi cocorouarri uedenazapa Ridia madiniuarri touedanirrari. Nazapa nauiza Zesoza rrehe quenarrari bodideni acco icanabaqquizapa uatizemaneri narrari. Nazapa denima touedarrari.

Tahimarideni 17:10

Naraha narraro zomeza Tesaronicacca Zesoza rrehe quenarraridenipa uassinarra Paoro Sira tezerre zossesse inabaqquimanarrari, oza panani Bereauarri touedauiuarrine. Touedazapa Bereaza bacco toquenaza nauiza madimanarrari. Nazapa zodeodenicca Deo Atti mamariuarri totouedezima narrari, Zeso tauimari maride.

Tahimarideni 17:14

Naraha Zesoza rrehe quenarrarideni uima mittemanazapa Paoro uassinarra zama onihiuarri zosse iquenarrari. Naui Bereacca madirra naco pouaza rraui torrarrari. Nazapa Paoro Bereacca madirra quenaza ueni imeni inidiuarri rraui torrezipparrari, poni uapi rraui torrabacossauiuarrine. Naraha Sira Timoti tezerrepa naui Bereaza madimanaccarrari.

Tahimarideni 17:6

Naraha Zasoncca ozaza Paoro Sira tezerre noue querazapa Zasonra dama, poua tesse Zesoza rrehe quenarrari pamaha damama iquenaza oza pananicca tamineuarrina iaccabaqqui-manarrari. Bacco toquenazapa momouadedenipa taminedeniza poccadeni maizehera uati toquenarrari: —Icca zamauarri madirra ouaha bacco quenaui! Pouadenipa zama onihiza, zama onihiza uima inauaidira-rizemaneza rridapanapa arra izamariza bacco quenarrari!

Tahimarideni 18:18

Nazapa oza panani Corintoza Paoro uada uapi tehe madizanaporrari. Zotode naco oza panani Atioquiauarri toccaniuiuarrine: —Occanini −naza Zesoza rrehe quenarraridenipa: —Rrehe ticcanirri −quenazapa Paoro zama Siriauarri toccanirrari. Aquira, poua bedimeni Prisira tazarrani naco pouaza touedarrari. Nazama rraui torranizapa oza panani Secreauarri bacco toquenarrari. Nauizana Paoropa pocca uatinarra Deoza inaparrirenissa taniuarrine poua tati uire tauiuarrine tati ssa cananissa tarraro. Poua tati ssa canehe carriquezape rraui torrezippaniza rraui torranirrari.

Tahimarideni 18:27

Aporopa zama arobeni Acaiauarricca madirra mari icanabaqquiuiuarrine touini naza Epesocca Zesoza rrehe quenarrarideni poua toccauiuarrine acco icanemanarrari. Arra oza panani Corintocca Zesoza rrehe quenarrarideni pouaza bicaqquiri nauiuarrine naco poccadeni uima dozo iqueneza zosse iquenarraro. Nazapa Aporo Corintouarri bacco taza Deocca touati uaneherrine Zesoza parrissa quenarrarideni acco icanabaqquirrari, poccadeni rrehenirri todacorani naniuarrine.

Tahimarideni 21:17

Oza panani Zerozareza bacco inezape imecotedeni naui Zerozarecca uatizemanazapa iaza.

Tahimarideni 21:20

Nanarra Paorocca uima mittemanazapa Deoza uatizemanaza: —Deocca uimana bica tani, bica tani! −quenade. Nazapa Tiacodeni Paoroza uati toquenade: —Rrehe imecote, tiape nauato tinani: Arraza naco zodeodeni Zesoza toquerrenarrari rrica-rraraui. Naraha pouadenipa Moizecca marinarraza dameraqquiri naui parra naccaui.

Tahimarideni 21:7

Nezape oza panani Tiroza iaccarrarope oza capamema narraro onini Pitoremaidaza uana icanade. Naniza rrauirremoreza naqui Zesoza rrehe quenarrarideni qqui inabaqquide. Naniza naqui pouadeniza uada orrarie imadide.

Tahimarideni 22:5

Arri occa uimape dada toqquimadedenicca tamine deni torrarrari, ime rrocouideni tezerre nauatoqquiri naui. Pouadeniza: “Parrissaqui?” tiquenezape: “Rrehe, parrissa, nama narizaccade” quenauitoui. Pouadeniza naqui uati onezape pouadeni atti uima teppeza dozo nani ouaza da iquenezape oza panani Damascouarri poccadeni uima ouaccarrarode. Naui Damascocca zodeodenicca taminedeniza noue onarizaniuarrine zorro onarrarode. Narraro uimaza Damascocca Zesoza rrehe quenarrarideni qqui onabaqquiza otadamaza arri Zerozareuarri ouaccani-baqquizapa inarrizo-baqquimanauiuarrine oneza occarrarode.

Tahimarideni 28:14

Nezape narraro oza pananiza Zesoza rrehe quenarrarideni bacco inabaqquide. Pouadeni attipa: —Rrari, iaza semana orrarie timadimanaccarri −quenaza pouadeniza uada 7 nehe imadide. Zotodepe oza panani Rroma rrauini rrauirrapomade.

1 Corintodeniza 15:6

Naui zotode naco pouaza rrehe quenarrari 500 quenarrari, naraha denima uitiderra, narrarideni bazima queriqquimanauiza auatonipomarrari. Narrarideni motapa arrirraro uima teppe dozode orreza madimanauiparra naccaui. Naraha mota pamadema nahapa rricarizapoui.

Apocalipsis 11:13

Nanerre amazati nami zaroro tarraro narrarope ccarabote oza panani mota barari-rizezape catorrarizarraro. Narrarorrine madirra 7 mil (7.000) quenaha rricarrari. Nazapa tocassiuauerarraridenia cappinemanaza: —Memeuarri madirraripa Deo dacoraui, deni torraui −quenarrari.

Apocalipsis 3:4

—Naraha tiadeni Saradisioza titiqueriqqui narraro motadeni arrirraro zamacca uimasiriza toquerrenanipoma-rraraui. Poccadeni uimape pina poccadeni etero tosoue-rrerarrarossa narraro. Niza ouaza madimanazapa pouadeniza etero moponi da onarizanitoui. Bicaqquiri narrarirrine ouaza etero moponiza rrauirizauitoui.