Tahimarideni 1:14 - Kulina New Testament Brazil

¹⁴ Oza tetepiccaza madimanazana uarrirriraza Deoza uatide totoqueriqqui narrari. Zeso imecotedeni, poua imeni Maria, amonerre onihi naqui naui pouadenizama Deoza uatide totoqueriqqui narrari.

Culina Mádija

¹⁴ Odsa tetepiccadsa madimanadsana huajijiradsa Diodsa huatide totoqueriqqui najari. Jeso imecotedeni, pohua imeni Maria, amoneje onihi naqui nahi pohuadenidsama Diodsa huatide totoqueriqqui najari.

Tahimarideni 1:14 Iomraidhean Croise

Mateo 12:46

Rrehe, Zesopa madirraza uatide torraraha amossiniuarripa Zeso imeni, poua imecotedeni tezerre: —Zesoza uati inana −quenaza pouatoui domo uarrari.

Mateo 21:22

Rrehe, Deoza uati tiquenezape tibodideniza: “Rrehe, Deopa nema inananiuarrine parrireui” tiquenezape arri ticcadeni uatinarra Deorrine narrarossa inananitoui –nade Zeso.

Mateo 27:55

Amonerredeni naqui uarri taniza cattade domoni uarraro. Ponidenipe Zeso zama arobeni Carireaza ccarizapoza poua accode pouaza rrauirizarraro.

Maraco 15:40

Amonerredeni naqui uarri taniza cattade domoni uarraro. Ponidenipe uapi teraha mota oninidenina Maria Madarenauarricca, Zoze Tiacodenicca ami Maria, Sarome quenarraro.

Maraco 16:1

Rrassinarracca uada rriquezape Maria Madarenauarricca, Maria Tiaco imeni, Sarome queneza aua marriconi marroni bica tarraro mittade rraui torrarraro, Zeso assire sse inarimanauiuarrine.

Roca 11:13

Tiadenipe uaidirehe ticarrimaneraha ticcadeni erredeniza bica tauicca dade nauatoqquiri tiquenani. Arri tiadeni naqui ticcadeni Abi Deo memeuarri madirrariza uati tiquenezape tiadeniza bica tauicca dade denima nacassa taui. Poua Corime toui tiqueneza naqui Pouaza uati tiquenezape tiadeniza da inauitoui, onarraro −narrari Zeso.

Roca 18:1

Zesopa arrirraro namiza imadinicca uimaza pocca zozosse tabaqqui mari icanabaqquirrari. Madirra Deoza uatide dameraqquiri nauiuarrine, —Deopa ouatti mitta-rraraui −quena-rrarauiuarrine uati uati tarrari.

Roca 23:49

Naraha arra Zesoza uatideni uanaqquiri narraridenipa uarri taniza qquide domo uarrari. Amonerredeni naqui pouadenizama domoni uarraro. Narrarodenipe Zeso Carireaza ccarizapoza pouaza rrauirizarraroa Zeso pouaza Zerozareuarri rrauirronarraro.

Roca 23:55

Arri amonerre Zeso pouaza Carireauarri rrauirronarrarodenipe Zeso assire tonoccobiriuarri Zoze zorro inazapa ponideni naqui nani rraui torrarraro. Rraui torramissezape tonoccobiriza Zeso assire ibezaui qqui toquenarraro.

Roca 24:10

Ponideni oninipe Maria Madarenauarricca, Zouana, Maria Tiaco imeni quenarraro. Amonerre onihideni naqui ponideniza carrimemanarraro.

Roca 24:33

Nazapa uassinarra totememanaza Zerozareuarri touedanirrari. Bacco tanimanazapa Zesocca zozosse tabaqqui 11 quenarrarideni pouadeni tesse tezerre queriqquimanauiuarri touedezimarrari.

Roca 24:53

Uarrirriraza Deoza dada toqquimauarri quequeriqquimana zanaporrari. Deoza uatizemanaza rriri rriri quenarrari. Poua Atti mimittemana narrari, Pouaza uati uati zazanapomana narrari.

Roca 8:20

Naraha madirra orraria Zesoza uati tarrari: —Ticca ami, timecotedeni amossiniza domo uaparra: “Tia qqui inana” quenaparra −narrari.

Tahimarideni 2:1

Nezape zodeodenicca errete imenibote bacco tarraro. Errete oninipe Pentecosti. Narraro uadaza Zesoza rrehe quenarrarideni queriqquimanarrari.

Tahimarideni 2:42

Nazapa Zesocca zozosse tabaqquicca marinarra mittemana-zanaporrari. Bazima queriqquimanazapa catizerara canarrari, rrirripaqquimana narrari, Zesoza bodideni uatomauiuarrine naco pao dize nariui rrirripemana narrari. Deoza naco uati uati zazanapomana narrari.

Tahimarideni 2:46

Deoza dada toqquimauarri naco rrarraui torrezima narrari. Poccadeni ozauarri naco arrauarri rripa, manaco arrauarri rripa nanarizemana nazapa bodideni parrissehema uatizemaneri nanarra narrariparra.

Tahimarideni 6:4

—Nezape iana Deozara uati uati izanaponiuarrine. Deo Atti naqui mari mari ihicanabaqqui nauiuarrine, inarraro −quenarrari Zesocca zozosse tabaqqui.

Romanodenidsa 12:12

Arri titezerremadenicca uima bicanitoui timadimanezape uatizehema timadimanarri. Ocasserani temaneza naqui mouaraza tinauanemanarri. Deoza uatide naqui tinebomana-rrerarri.

1 Corintodeniza 14:13

Nazama madirra touatti rriza tarraroza uati uati taraha poua atti tomittani-rrarazapa Deoza uati tana, nani pocca uatinarra poua bodiza auato tazana poua imecotedeniza uati iqquimaniuarrine.

Epesodeniza 6:18

Uarrirriraza Deoza uati uati titiquena narri. Pouaza uatide tinebomana terrerarri. Deo Corime tibodideni acco tocanabaqquiuitoui. Tetideni uatoza tinoccodeni panehe timadimanarri. Pina isso teppeppe pocca uauadidedeni noppinedeni nocco panarrarissa tiquenana. Tiadeniza uima bica teza, ocassera teza naqui Deoza uatide dameraqquiri tiquenarri. Deoza toquerrenarrarideni bazimatoui Deoza uati uati titiquena narri.

Corosadeniza 4:2

Nazama tiadeni bazimape Deoza uatide dameraqquiri tiquenerri. Uatide tiquerrenaza naqui uima onihitoui tibodideni uatomana terrerarri. Deo Pouaza naqui: —Rrehe, peperri. Ticca danirri iaza bica tani −titiquena narri.