Tahimarideni 1:10 - Kulina New Testament Brazil

¹⁰ Nazama Zeso poua uatimadedeni memeuarri tocattamacossassa cananarra pouadeni uinoriza maqquiderre pamaha eterorideni mopoqquiri naha auatomemanarrari.

Culina Mádija

¹⁰ Nadsama Jeso pohua huatimadedeni memehuaji tocattamacossassa cananaja pohuadeni inoridsa maqquideje pamaha eterorideni nopoqquiri naha ahuatomanajari.

Tahimarideni 1:10 Iomraidhean Croise

Mateo 17:2

Nauiza qqui toquenanarra Zeso pano tozibehirraro pina marri ssiuerrenessa narrari. Pocca etero naqui tomoporraro pina ssiuarra tarrarossa narraro.

Mateo 28:3

Pouapa ssiuarra tarrari pina ssissiuede ssiuarranissa narrari. Pocca etero mopo tarraro pina uepessa neraha denima mopo tarraro.

Maraco 16:5

Nezape rraui torrezimeza qqui toquenanerre zabisso eterori mopo taha nauatoniuarri uittari canarrari. Nezape uarro quenarraro nade.

Roca 24:4

Nezape bodinideni uatomaneza: —Nerrecoma narrari? −quenarraro. Nanarra madirra pamaha eterorideni ssiuarra tarraro ponideni uinoriniza auatome-manarrari.

Huano 20:12

Nanarra Deocca zozosse tabaqqui memeuarricca eterorideni mopopo taha pamiza rrari nade. Zeso assire pozauirrineza pamizarrari nade. Ouahapa tatirrineuarri uittari, ouahapa amorirrineuarri uittari narrari.

Tahimarideni 10:3

Nazapa marri touenarronaza pina 3'za Conerio pocca uadassa neza Deo Atti ccaccaronade auatorrari. Conerioza qquezimaza uaua narrari: —Conerio! −narrari.

Tahimarideni 10:30

Nazapa Conerio Pedoroza uati tarrari: —Arri maittazama onihima neza rridapanape uada 4 nani occa ozauarri Deoza uatide orrezape marri touenarronaza pina 3'za Deo Atti ccaccaronade ouaza auatoza qqui onarraride. Pocca eterope zibehi tarraro.

Apocalipsis 3:4

—Naraha tiadeni Saradisioza titiqueriqqui narraro motadeni arrirraro zamacca uimasiriza toquerrenanipoma-rraraui. Poccadeni uimape pina poccadeni etero tosoue-rrerarrarossa narraro. Niza ouaza madimanazapa pouadeniza etero moponi da onarizanitoui. Bicaqquiri narrarirrine ouaza etero moponiza rrauirizauitoui.

Apocalipsis 7:14

Naraha manaco pouaza uati onade: —Tiana nauato tinani −onade. Nazapa ouaza uati tapomade: —Arrarraridenipa namiza ocasserani imeni tonauane-manaraha Zeso Cristo tauimari nebomana-rrararrari. Eueue Bedi Zeso poua emene toccarrarorrine poccadeni uaidirehe tomossirraro. Narraria arra etero moponi carrimanarrariparra.