Mateo 9:9 - Kulina New Testament Brazil

⁹ Nazama Zeso rraui ccarronaza oua qqui tarrari. Ouape Mateo. Ouape rromanodenicca taminecca zossenirri ziniro nanaccade orrarrarode. Naui rromanodeniza ziniro da taniuarrine ihinaqquemana naniuarricca oza bedeni bodiza ouittizeraha Zeso ouaza uati tarrari: —Rrina, ouaza ticcarri −nade. Nezape otemeza pouaza occarrarode.

Culina Mádija

⁹ Nadsama Jeso jahui ccajonadsa ohua qqui tajari. Ohuapi Mateo. Ohuapi romanodenicca taminecca dosseniji dsiniro nanaccade ojajarode. Nahi romanodenidsa dsiniro da tanijine ihinaccamana nanihuajicca odsa bedeni bodidsa ohuittidsaraha Jeso ohuadsa huati tajari: —Jina, ohuadsa ticcaji −nade. Nadsapi otehemadsa pohuadsa occajarode.

Mateo 9:9 Iomraidhean Croise

Mateo 10:3

Madirra ouahadeni naco Piripi, Batoromeo, Tome, quenarrari. Ouape Mateo rromanodenicca taminecca zossenirri ziniro nanaccade orrarrarode. Madirra ouahapa Tiaco. Tiacopa Arapeo bedi. Ouaha naco Tadeo (poua oni ouahapa Zoda).

Mateo 20:4

Narrarideniza naco uati tarrari: “Tiadeni naqui occa uizarrauarri tarabaia tiquenaniuarrine rraui tirrarri. Tiadeniza manaconi parrirenissa tehe da onaniuarrine” narrari. Nazapa rraui torrarrari.

Mateo 8:22

Naraha Zeso pouaza uati tarrari: —Poni! Rridapana ouaza ticcarri −narrari. —Arra madirrapa Deocca camittehe cappiremanarrarideni carri taui. Pouadenina madirra zoqqueza ppa izemanauiuarrine parriremanaui −naui nade Zeso pocca mamariza.

Mateo 9:10

Naui zotode occa ozauarri irripaniuarrine zamatapa uauanariza rrassi inauarranizape nauiza Zeso qquide rrauizimarrari. Otessedeni rromanodenicca taminecca zossenirri ziniro nanaccadedeni bazima naco rrauizimarrari. Zodeodenicca marinarra ecauemana-rrerarrarodeni naco iazama rrassi nauarranirrari. Zeso poua uatimadedeni ia naqui pouadeni tezerre rripade iquerrenarraro.

Maraco 3:18

Madirra ouahadeni onideni naco Adere, Piripi, Batoromeo, Mateo, Tome quenarrari. Madirra ouaha onipa Tiaco. Tiacopa Arapeo bedi. Madirra ouaha onipa Tadeo (poua oni ouahapa Zoda). Madirra ouaha onipa Simao, pouaza: rromanodeni momouade, quequenanarrari.

Roca 6:15

Pouadeni tesse ouaha naco Mateo, Tome, Tiaco quenarrari. Tiacopa Arapeo bedi. Pouadeni tesse ouaha naco Simao, pouaza: rromanodeni momouade, quequenanarrari.

Tahimarideni 1:13

Nazapa ozauarri bacco nanimanazapa oza tetepiuarricca coba canauarraninizana rraui torramaronizapa nauiza madimanarrari. Nauiza madidepa: Pedoro, Zouao, Tiaco, Adere, Piripi, Tome, Batoromeo, Mateo, Arapeo bedi Tiaco, Simao, pouaza rromanodeni momouade quequenanarrari, Tiaco bedi Zoda quenarrari.

Carasiadeniza 1:16

Poua Bedi Zeso Cristo oua qqui tonanarraripa zodeo querrena-rrararrarideniuarri poua tauimari icassiuaueraniuarrinecca ouacomera-rizaniuarrine. Deopa ouaza nama naraha Zeso tauimari ouattaniuarrine madirradeni tezerre uimahaha icananiuarrine pouadeniza oqquerreraccade. Noueraccade.