Mateo 9:6 - Kulina New Testament Brazil

⁶ Naraha oua Madirra Bedi orrarrarope madirracca uimasiri onanamossiniuarrine Deocca dacorehe ocarrini nauatoqquiri tiquenaniuarrinepe, arri namiza naqui ouatti ocarrini nauatoqquiri tiquenaniuarrine coma tarrariza uati onana −narrari. Nazapa madirra siri torrauiza poua attipa: —Titemarri! Titaboro tidiza ticca ozauarri ticcanirri! −naui nade Zeso.

Culina Mádija

⁶ Naraha ohua Madija Bedi ojajaropi madijacca imasiri onanamossinijine Diocca dacorehe ocajini nahatoqquiri tiquinanijinepi, aji namidsa naqui ohuatti ocajini nahatoqquiri tiquinanijine coma tajaridsa huati onana −najari. Nadsapa madija ssomi tojahidsa pohua attipa: —¡Titehemaji! ¡Titaboro tididsa ticca odsahuaji ticcaniji! −nahi nade Jeso.

Mateo 9:6 Iomraidhean Croise

Mateo 4:24

Pocca uimape zama Siria nemaneheuarri madirizemanarrarideni naco mittarizemanazapa poccadeni zama uarri teraha comaqquiri narrarideni eheccarrona-baqquimana narrari. Zamacoma carrimanarrarideni, isso sirideni, birri sirideni, comani onihi onihi carrimanarrarideni eheccarrona-baqquimana naza bazima Zeso ihinanomi-rizabaqqui narrari. Madirra bodideniza Tocorime-Taminecca zozosse tabaqqui tocorimedeni madizemanarrarideni, arra uatianirri comani carrimanarrarideni, arra madirra idedeni tone biqueraza issodeni siri toquerrenarrarideni naco eheccarrona-baqquimana naza Zeso ihinanomibaqqui narrari.

Mateo 8:20

Naraha Zesopa pouaza uati tarrari: —Ouaza ticcarizaniuarrine tiparrire-rreranitide. Arrana zouazouapa odinedeni carririzemanaui. Ppiriri naco tazarideni carririzemanaui. Arri oua Madirra Bedipe oza ocappirani. Ouadaniuarrinecca uauada ocappirani −nade.

Mateo 9:2

Naraha nauiuarripa madirra ide tone biqueraza isso siri torraui poua taboroza poriza Zesoza eccarronemanarrari. Zeso pouatoui dameraqquiri naui qqui tazapa poua bodiza nauato tarrari: —Parrissa, Zesopa madirra inanomiuiuarrine nauato taui −quenaui Zeso pouaza auato tezape coma tarrariza uati tarrari: —Otesse, ticappina-rrerarri! Arri uimasiri tinanarraro bazimape onanamossini. Rridapanape ticca uima Deoza tobicani −narrari nade.

Mateo 9:5

—Naraha nerrecoma narraro uimana tiadeniza denima narrora tani? Arra madirra coma tarraricca uimasiri onanamossini narrora taqui? Coma tarrari onanabicauina denima narrora tarrarorane?

Mateo 9:7

Nazapa totemaza pocca ozauarri toccanirrari nade.

Maraco 2:10

Arri oua Madirra Bedi orrarrarope tiadeniza occa uima auato onanana. Madirracca uimasiri onanamossiniuarrine Deocca dacorehe ocarrini. Arri namiza naqui ouatti ocarrini nauatoqquiri tiquenaniuarrinepe coma tarrariza uati onana −narrari Zeso.

Maraco 2:7

—Paparra, Zesopa: “Uimasiri onanamossina” naua. Poua attipa: “Ouape pina Deo orrani” nanarra narrarissa naha. Zesocca uimape bica terrerani! Pina Deo itamassorrarissa naui! Naraha Deo Pouana orrarirrari uimasiri inanamossiniuarrine −quenaui nade zodeodenicca marinarra maridedeni.

Roca 5:21

Zeso atti nama nazapa zodeodenicca marinarra maridedeni, parizeodeni tezerre bodideni uatome-manazapa: —Paparra, Zesopa “Uimasiri onanamossina” naua. Poua attipa: “Ouape pina Deo orrani” nanarra narrarissa naua. Zesocca uimape bica terrerani pina Deo tamassorrarissa naui! Naraha Deo Pouana orrarirrari uimasiri inanamossiniuarrine −quenarrari.

Huano 10:28

Ouape pouadeniza camittehe rriquerreranicca da onarizarraro. Pouadenipa parra zoqquemanari-rrarauitoui. Pouadenipa ouacauabaqquiuissa tarrari. Ozepeccapa idinibaqquimana-rrarauitoui.

Huano 17:2

Arri oua ticca erredenipe madirra bazimaza tirrine tamine orrarraro. Arra ouaza tinanabaqquirraridenipa pouadeniza camittehe rriquerreranicca da onarizaniuarrine.

Huano 5:27

Occa Abirrine ouatti ocarrirrarope niza zama rriqueza madirradenicca uimasiri manaconi pouadeniza onassonarinitoui. Ouape Madirra Bedi orrarrarode.

Huano 5:8

Nazapa Zeso arra coma tarrariza uati tade: —Titemarri! Titaboro tidiza ticcanirri −nade.

Tahimarideni 5:31

Deopa pocca dacorehe Zesoza inanezape deni inanarrariparra. Deo Poua uinori nauatoniuarri Zeso inauittarizapa Pouarrine madirra bazimacca tamine torrarrari. Deo Pouarrine madirra Tonassiuauade torrarrariparra. Ia Izarraeodeni Tonassiuauade torrazapa pouarrine ibodi cacarriqquimerezape Deoza iquerrenarraro. “Icca uimasiri inebona” inezape Pouapa icca uimasiriza: “Ouati rrimani” narrari.

Tahimarideni 9:34

Nazapa Pedoro pouaza uati tarrari: —Enea, Zeso Cristorrine tinomini. Titemarri, ticca uauada mouaraza domo taqquirro −narrari. Nanarra amazati totemaza ccarizarrari.

2 Corintodeniza 2:10

Rrehe, nezape narraricca uimaza, madirra ouahacca uimaza naqui: —Peperri, eti rrimani −tiquenezape oua naqui poccadeni uimaza: —Peperri, ouati rrimani −onarraro. Imecote uima carrizapa nema onanitoui. Cristo obodi nauato tarrari: nema onarrarope tiadeniza uima ocassera terreraniuarrine.

2 Corintodeniza 5:20

Nazama iape Cristo tauimari totouaccade iquerrenani. Tiadeniza uati inarrarope pina Deo tiadeniza uati tarrarissa narraro. Etti bica teza Cristo onima tiadeniza uati uati inarraro: —Deo tezerre ticarronerara canarri −ihinanarraro.

Epesodeniza 4:32

Tetideni cauanerara caneza timecotedeni pina acco acco titicanabaqquimana narro. Timecote tiadeniza uima bica terreranicca inaneza naqui pouaza: —Peperri, ouadi-rrerani −tiquenarri. Tiadeni naqui uima bica terreranicca tinanemanezape timecotedeni tiadeniza: —Peperri, ouadi-rrerani −quenauiuarrine bica tani. Pina Deopa Poua Bedi Zeso Cristoza tiquerrenezape tiadeniza: — Peperri, ticcadeni uimasiri ouati rrimani −narrarissa tiquenarri, onarraro.

Corosadeniza 3:13

Madirrarrine tiadeniza bica terreranicca inanemanezape mouaraza tinauanemanarri. Tedimana-rrereza: —Tirrinedeni ouaza bica terreraraha peperri ouati rrimani −titiquena narri. Pouadeniza tirrinedeni bica terreraza naqui nama quenazana bica tani. Pina ia Zozossede Deo ticcadeni uimasiriza: —Peperri, ouati rrimani −narrarissa tiquenarri, onarraro.