Mateo 9:33 - Kulina New Testament Brazil

³³ Naraha Zeso poua bodicca zosse ininezapa ebeno tobiquemanizapa atti carripomarrari. Nazapa madirra bazima qqui toquenazapa: —A, bica taui. Zesopa nauato taui! −quenarrari. Attideni naco: —Arri ia Izarraeo potemaui icca zamaza nama naui qqui qqui inapo-rraraccade −quenade.

Culina Mádija

³³ Naraha Jeso pohua bodicca dosse ininedsapa ebeno biquemanidsapa atti cajipomajari. Nadsapa madija huapima qqui toquinadsapa: —A, bica tahi. ¡Jesopa nahato tahi! −quinajari. Attideni naco: —Aji ia Isaraeri potemahi icca dsamadsa nama nahi qqui qqui inapo-jaraccade −quinade.

Mateo 9:33 Iomraidhean Croise

Mateo 8:10

Narraro uima Zeso mittazapa uatizeza poua bodi: —A, pouapa nauato taua −narrari. Nazapa poua nattiuarri rrauimissarrarideniza uati tarrari: —Ouape parrissehera tiadeniza uati onana: Arrarrari bodi namanahapa parrissa nauissa tarrari! Tiadeni Izarraeo potemauideni bazimape tettideni ohomitta neraha arrarrarissa narrari tiadenizapa noueraui. Parrissa tiquenanissa tani ohomitta nerrerani −naui nade Zeso.

Mateo 9:32

Nocco siri pamaha tocanomireza touedaniraha manaco ebeno siri eccarronemanarrari. Poua bodizapa Tocorime-Taminecca zozosse tocorime madizarrarirrine atti cappirarrari.

Maraco 2:12

Nazapa totema, madirra bazima cattomama canaraha amazati poua taboro idi naza pocca ozauarri toccanirrari. Nazapa madirra bazima cappinemanaraha uatizemanazapa: —A, Deorrine bica tani! −quenarrari. —Nema nani qqui qqui inerreraccade −quenarrari.

Roca 11:14

Nazapa madirra poua bodiza Tocorime-Taminecca zozosse mona madizarrarirrine ebeno siri torrarrari. Atti cappiraha madirrari. Naraha Zesorrine ebeno siri bodicca qquenazapa ebeno biquemaniza atti carripomarrari. Nazapa nauiuarricca madirra qqui toquenazapa: —A, bica taui. Zesopa nauato taui! −quenarrari.

Roca 7:9

Narraro uima Zeso mittazapa uatizeza poua bodi: —A, pouapa nauato taua −narrari. Tauideuarraniza poua nattiuarri rrauimissarrarideniza uati tarrari: —Tiadeniza uati onana: Arrarrari bodi namanahapa parrissa nauissa tarrari. Tiadeni Izarraeo potemauideni bazimape tettideni ohomitta naraha arrarrarissa narrari tiadenizapa noueraui. Parrissa tiquenanissa tani ohomitta nerrerani −narrari Zeso.