Mateo 9:28 - Kulina New Testament Brazil

²⁸ Nazapa Zeso oza bacco tazapa toqquezimarrari. Naraha nocco siri pamaha uedarronarraripa Zesoza touarriressimanaza Zeso pouadeniza uati tarrari: —Rrari, ouaza tibodidenipe nerrecoma tiquenani? “Ia tonanomibaqquiuiuarrine parrirerrari” tiquenarraroqui? −nade. Nazapa: —Rrehe ia Zozossede, ia tinanomibaqquiniuarrine nauato tinani, inarraro −quenade.

Culina Mádija

²⁸ Nadsapa Jeso odsa bacco tadsapa toqquedsimajari. Naraha nocco siri pamaha huedajonajaripa Jesodsa tohuajiressimanadsa Jeso pohuadenidsa huati tajari: —Jari, ohuadsa tibodidenipi ¿nejecoma tiquinani? “Ia tonanomibaqquihijine pajirajari” ¿tiquinajaroqui? −nade. Nadsapa: —Jehe ia Medsede, ia tinanomibaqquinijine nahato tinani, inajaro −quinade.

Mateo 9:28 Iomraidhean Croise

Mateo 13:1

Zotodepa narraro uadaza Zeso ozaza qquenazapa coriza inidicca ssiquiuarri toqquezippaza uittarrari.

Mateo 13:36

Nazapa nauiza Zeso madirra bazima inebobaqquizapa toqquemoranirrari. Ozauarri toqquezimanizapa nauiza pocca zozosse tabaqquideni iape pouauarri uarrirrira ineza uati inarraro: —Rrari, rridacca uizarracca arroi rrizaza tirico tezerre mina pocani carrimani tauimarini uati tinaporraro iaza uati timanipomarri, imittanissa taniuarrine, inarraro −inade.

Mateo 13:58

Nazapa nauiuarricca madirra Zesoza parrissa quena-rrarazapa poua canauato-uarrapoui canauicca uapi terrerani. Madirra pamahara inanomibaqquirraride.

Mateo 8:14

Zeso Pedorocca ozauarri toqquezimazapa Pedoro massodini pori canani Zeso qqui tarrari. Coma tarraro, uapini ppocorarraro.

Mateo 8:2

Bazima rrauizippaninarra madirra zamacoma onini leprarrine uapi rrazimaroui Zesouarri bacco narronarrari. Poua bodipa: —Zesopa deni torraui, ouape arrimani orrani −naza Zeso baccouarri poua pitoza uitta naza uati tarrari: —Oua Zozossede, ouape bica onerrereraha tia touini tanipe oua tinanabicaniuarrine nauato tinani −naui nade Zesoza.

Mateo 9:22

Nazapa Zeso piti nauarraniza qqui tanerre amonerre coma tarraro qqui tarrari. Qqui tazapa: —Asi, ticappina terrerarri. Tibodipe ouaza: “Rrehe, Zeso oua tonanomiuiuarrine parrireui” tezape narrarorrine rridapanape ticca zamacoma toccapa −narrari Zeso. Nezape amazati amani totappezape tonomirraro.

Mateo 9:27

Zesopa erredenicca ozaza qquenazapa toccanirrari. Toccani toccani nanarra nocco siri pamaha Zeso natti touedamissarrari. Touedamissaza uaua tamissemanarrari: —Dabi Potemaui! Iaza teti uana tarri inaua! −tamissemanarrari.

Mateo 9:29

Nazapa nocco siri pamaha nocco bara inabaqquiza Zesopa: —Rrehe, ouaza parrissa tiquenezape tinoccodeni ssire tanitoui −nade.

Huano 11:26

—Ouaza rrehe quenarraridenipa parra rricariui narrarauitoui. Rricaraha nauatonimanazapa madimana-zanapouitoui. Narraro uimaza parrissa taqui? −nade Zeso Martaza.

Huano 11:40

Naraha Zeso attipa: —Tiaza uati uati onapode. Timitte-rrerarrarotterane? Parrissa tezape Deocca deni torrehe qqui tinanitoui, ohonanade −nade Zeso.

Tahimarideni 14:9

Arra amori siripa Paorocca marinarra tauaribode uittarrari. Nanarra Paoropa amori siri icattoma naza pocca rrehenirri nauato tarrari. Arra poua bodipa: —Rrehe, Zesopa oua tonanomiuiuarrine parrireui −narrari.