Mateo 9:27 - Kulina New Testament Brazil

²⁷ Zesopa erredenicca ozaza qquenazapa toccanirrari. Toccani toccani nanarra nocco siri pamaha Zeso natti touedamissarrari. Touedamissaza uaua tamissemanarrari: —Dabi Potemaui! Iaza teti uana tarri inaua! −tamissemanarrari.

Culina Mádija

²⁷ Jesopa ejedenicca odsadsa qquenadsapa toccanijari. Toccani toccani nanaja nocco siri pamaha Jeso natti tohuedamissajari. Tohuedamissadsa huahua tamissamanajari: —¡Dabi Potemahi! ¡Iadsa teti huana taji inaha! −tamissamanajari.

Mateo 9:27 Iomraidhean Croise

Mateo 1:1

Rrehe, arrirraro uimape Zeso Cristo tauimari. Zeso biridi orrariapa Izarraeo potemaui zodeodeni quequenanarraridenicca tamine Dabi. Biridi ouaha naco Izarraeo potemaui zodeodeni bazimacca idi Abarahao. Nazapa Abarahao potemaui onideni ua ineza Zeso imenicca maqqui oni bacco inaniuarrine.

Mateo 11:5

—Arrima tiquenana: “Madirra nocco sirideni nocco ssire tocanireui. Madirra isso sirideni naco tocanomireza rrauirizaui. Madirra zamacoma onini leprarrine uapideni rrazimarorrarideni naco imedeni tobicarizaui. Madirra uaribodeni didiqquiri narrarideni naco uaribodeni ssire tocanirerizaui. Madirra uatiarrarideni naco camittemani-rizemanaui, madirra touati nauanaqquiri narrarideni naco icassiuaueraniuarrinecca uima mari icanabaqquimanaza mittarizemanaui” tinanimanana tiadeni marideza −nade Zeso.

Mateo 15:22

Naniuarricca amonerrepe Canahacca madirra, zodeo rrerani. Narraro amonerre bacco irrizade. Zeso qqui tezape uaua uaua narraro: —Oua Zozossede, tiape maittaccazamacca tamine Dabi Potemaui tirrarraro! Otoui teti uana tarri! −nade, rroua rroua neza. —Occa erredeni tocorime carrirraro. Narrarirrine ponipe ocasserani auazanaporraro −nade.

Mateo 17:15

Poua attipa: —Oua Zozossede, occa erredeniza teti uana tarri. Uatianirri comani carrirrari. Ocasserani imeni inauanarraro. Narraro comani quiza nazapa pitora pitora narizarrari. Zippoza naco ssonizanarra narizapoui nanarra narrari. Passoza naco rre tarra narizapoui nanarra narrari −nade.

Mateo 20:29

Nezape oza panani Zericoza rrauirrezima… rrauirreneraha Zeso natti madirra sibema rrauimissarrari.

Mateo 21:15

Naraha dada toqquimade taminedeni, zodeodenicca marinarra maridedeni quenaza Zeso canauatori canaza madirra tocanomireui qqui toquenazapa nacasseraqquiri nade. Erredenideni naco narraro ozacca boroniza Zesoza uatizemanaza rroua rroua quenarrari. Erredeni attidenipa: —Tiape tamine Dabi Potemaui! Deni tirrani, deni tirrani! −quenaui mittemanazapa Zeso deni torrarrari accone boquemanarrari.

Mateo 21:9

Madirra bazima poua tezerrema rraui torrarra, poua nattiuarri rrauirronarra zanapomanarrari. Pouaza uatizemanaza uaua zanapomanarrari: —Tamine Dabi Potemaui deni torraui, deni torraui! –zanapomanarrari. —Ia Zozossede onima ccarronarrariza biquehera torrana, torrana! Memeuarri Deoza madimanarrarideni pouaza: “Deni tirrani!” quenana, quenana! −zanapomanade.

Mateo 9:28

Nazapa Zeso oza bacco tazapa toqquezimarrari. Naraha nocco siri pamaha uedarronarraripa Zesoza touarriressimanaza Zeso pouadeniza uati tarrari: —Rrari, ouaza tibodidenipe nerrecoma tiquenani? “Ia tonanomibaqquiuiuarrine parrirerrari” tiquenarraroqui? −nade. Nazapa: —Rrehe ia Zozossede, ia tinanomibaqquiniuarrine nauato tinani, inarraro −quenade.

Maraco 11:10

—Pouapa icca idi tamine Dabi Potemaui bicabote! Ia Cacauade torrauiuarrine ccarronaui! Bica taui, bica taui! Memeuarri Deoza madimanarrarideni pouaza: “Deni tirrani!” quenana, quenana! −zanapomanaui nade.

Maraco 9:22

—Uarrirriraza quiza inanazapa zippoza naco ihinassonizana narrari. Passoza naco ihinassonippa nanarra narrari, inanazoqqueuiuarrine. Nezape Zeso tiana nauato tinanitide. Iaza teti uana tarri, ia acco ticanabaqquiniuarrine −naui nade Zesoza.

Roca 17:13

Rrazirema pouaza uaua quenarrari: —Zeso, ia Zozossede, iaza teti uana tarri! −quenarrari.

Roca 20:41

Zesopa madirra bodideni uatome-manauiuarrine pouadeniza uati tarrari: —Nerrecotoui madirra attidenipa: “Cristo-Mesiapa Dabi Potemaui” quequenanarrari?

Roca 7:21

Arra pouadeni Zesoza uati toquenazama Zeso poua zepe irri irri naui qqui toquenarrari. Madirra comaqquiri narrarideni comani onihi, onihi carririzemanarrari inanomibaqquirrari. Madirra bodidenicca tocorime ouaha ouaha narizarrarideni naco Zesorrine rrauininerizarrari. Madirra nocco sirideni naco nocco ssire inanarizarrari.

Huano 7:42

Arri Deo Atti dozo naporrarozape uima arrima narraro: “Mesiapa tamine Dabi Potemaui. Dabicca zamabote oza panani Bereneuarrina ccarronauitoui” nani Deo Atti dozo naporraroza −quenade.

Romanodenidsa 1:3

Narraro uima bicanipe arra Deo Poua Bedi Zeso Cristo tauimari. Pina madirra bedissa naha tossonarraripa tamine Dabi potemauizana tossonarrari.

Romanodenidsa 9:5

Occa madirra zodeodeni potaporraridenipa Abarahao, Izaqui, Zaca quenarrari. Narrarideni potemauidenizana Cristo-Mesia tossonarrari. Pouapa Deo. Bazima cacauade torrarrari. Pouaza etizezanaponiuarrine bica tani. Parrissa nema nana.