Mateo 9:22 - Kulina New Testament Brazil

²² Nazapa Zeso piti nauarraniza qqui tanerre amonerre coma tarraro qqui tarrari. Qqui tazapa: —Asi, ticappina terrerarri. Tibodipe ouaza: “Rrehe, Zeso oua tonanomiuiuarrine parrireui” tezape narrarorrine rridapanape ticca zamacoma toccapa −narrari Zeso. Nezape amazati amani totappezape tonomirraro.

Culina Mádija

²² Nadsapa Jeso piti nahuajanidsa qqui taneje amoneje coma tajaro qqui tajari. Qqui tadsapa: —Asi, ticappina tejeraji. Tibodipi ohuadsa: “Jehe, Jeso ohua tonanomihijine pajirahi” tadsapi najarojine jidapapi ticca dsamacoma toccapa −najari Jeso. Nadsapi amadsati amani totappadsapi tonomijaro.

Mateo 9:22 Iomraidhean Croise

Mateo 15:28

Attini nema nezape poniza Zesopa: —Rrehe, amonerre, tiape ouaza rrehe tanissa tarraro. Ouaza tibodipe: “Rrehe, Zesopa occa erredeni inanominiuarrine parrireui” tezape ticca uatinarra tiaza onanana, onarraro −nanarra nazapa ponicca ozauarri bedeni tonomirraro.

Mateo 17:18

Nama nazapa Zesouarri erredeni coma tarrari eccarronemanarrari. Nazapa Zeso erredeni bodicca zosse inineuiuarrine uati tarrari: —Tocorime uaidirabote! Erredeni tineboza tiqquenarri, onarraro! −nade. Nazapa qquenaza amazati erredeni coma tarraripa tonomirrari.

Mateo 8:13

Nazama rromanodenicca isso teppeppe zossedeza Zesopa: —Rrehe, peperriua! Tiape tibodi parrissa tanissa tezape ticca ozauarri ticcanina. Nani bacco tinanizape tibodi touini tanicca tiaza onanani qqui tinanitoui −naui nade Zeso. Nanarra uati uati toquenaraha isso teppeppe zossede pocca ozauarri pocca zozosse amazati tonomirrari quenade.

Mateo 9:2

Naraha nauiuarripa madirra ide tone biqueraza isso siri torraui poua taboroza poriza Zesoza eccarronemanarrari. Zeso pouatoui dameraqquiri naui qqui tazapa poua bodiza nauato tarrari: —Parrissa, Zesopa madirra inanomiuiuarrine nauato taui −quenaui Zeso pouaza auato tezape coma tarrariza uati tarrari: —Otesse, ticappina-rrerarri! Arri uimasiri tinanarraro bazimape onanamossini. Rridapanape ticca uima Deoza tobicani −narrari nade.

Mateo 9:29

Nazapa nocco siri pamaha nocco bara inabaqquiza Zesopa: —Rrehe, ouaza parrissa tiquenezape tinoccodeni ssire tanitoui −nade.

Maraco 10:52

Nazapa Zeso: —Peperri. Ticcanirri. Tibodi ouaza parrissa tezape tinomini −narrari. Nazapa Zesorrine amazati poua nocco ssire tarrari. Zerozarecca rraui Zeso denima toccazapa Bartimeo naco pouaza toccarrari.

Maraco 5:34

Nazapa Zeso poniza uati tarrari: —Rrehe asi, ouaza tibodi: “Rrehe, Zeso oua tonanomiuiuarrine parrireui” tezape narrarorrine ticca zamacomape toccapa. Ticcanizape ticappina terrerana. Narraro comaniza quiza tapoma-rreranitoui −narrari.

Roca 17:19

Nazapa pouaza Zeso uati tarrari: —Titemeza ticcanirri. “Rrehe, Deo oua tonanomiui parrireui” tezape tinomirraro −narrari Zeso.

Roca 18:42

Nazapa Zeso: —Rrehe, tinocco ssire tana. Tibodi ouaza parrissa tezape tinomini −narrari.

Roca 7:50

Pouadeni atti nama quenaraha Zesopa amonerreza uati tarrari: —Tiape ouaza rrehe teza tossiuauehe ticarrirraro. Deocca rronehema, pocca cappinerehema ticcanirri −narrari Zeso.

Roca 8:48

Naraha Zeso poniza uati tarrari: —Rrehe asi, ouaza tibodi: “Rrehe, Zeso oua tonanomiuiuarrine parrireui” tezape narrarorrine ticca zamacomapa toccapa. Ticcanizape ticappina terrerana −narrari.

Huano 4:53

Nazapa imehi bodi uatorrari: —Maittazama marri orrariuariri naza Zeso uati tarraride: “Ticca erredenipa tonomiui” narraride −naui nade. Nazapa tamine birri accode pocca ozacca bazima naco Zesoza parrissa quenarrari nade.

Tahimarideni 14:9

Arra amori siripa Paorocca marinarra tauaribode uittarrari. Nanarra Paoropa amori siri icattoma naza pocca rrehenirri nauato tarrari. Arra poua bodipa: —Rrehe, Zesopa oua tonanomiuiuarrine parrireui −narrari.

Tahimarideni 16:18

Uarrirriraza inatti motta nema nema nanarrona nezape poni attini mittade iaza tocasserani neza Paoro poua natti qqui taniza zouato bodinicca tocorime monaza uati tade: —Zeso Cristo onima uati onana: Tiqquenarri! onarraro −nade Paoro. Poua atti nama nanarra tocorime monapa amazati qquenarraride.

Ebreodenidsa 4:2

Parrissa iaza Deocca uima bicani anirrarope ia mari tocanabaqqui-manaza imittarrarode, pina Izarraeo potemauideni mittemanaporrarissa narraro. Pouadenipa narraro uima bicani mittemanaporaha ponima inanemanarraro. Pamahapa parrissa quenaraha motapa parrissa quena-rrararrari.