Mateo 9:2 - Kulina New Testament Brazil

² Naraha nauiuarripa madirra ide tone biqueraza isso siri torraui poua taboroza poriza Zesoza eccarronemanarrari. Zeso pouatoui dameraqquiri naui qqui tazapa poua bodiza nauato tarrari: —Parrissa, Zesopa madirra inanomiuiuarrine nauato taui −quenaui Zeso pouaza auato tezape coma tarrariza uati tarrari: —Otesse, ticappina-rrerarri! Arri uimasiri tinanarraro bazimape onanamossini. Rridapanape ticca uima Deoza tobicani −narrari nade.

Culina Mádija

² Naraha nahihuajipa madija ide tone biqueradsa isso ssomi tojahi pohua taborodsa poridsa Jesodsa eccajonamanajari. Jeso pohuatohui disseraqquiri nahi qqui tadsapa pohua bodidsa nahato tajari: —Pajissa, Jesopa madija inanomihijine nahato tahi −quinahi Jeso pohuadsa ahuato tadsapi coma tajaridsa huati tajari: —Otesse, ¡ticappina-jeraji! Aji imasiri tinanajaro huapimapi onanamossini. Jidapapi ticca ima Diodsa tobicani −najari nade.

Mateo 9:2 Iomraidhean Croise

Mateo 14:27

Naraha iaza Zesopa: —Ticappinemana terrerarri, ouape oua! −nade.

Mateo 4:24

Pocca uimape zama Siria nemaneheuarri madirizemanarrarideni naco mittarizemanazapa poccadeni zama uarri teraha comaqquiri narrarideni eheccarrona-baqquimana narrari. Zamacoma carrimanarrarideni, isso sirideni, birri sirideni, comani onihi onihi carrimanarrarideni eheccarrona-baqquimana naza bazima Zeso ihinanomi-rizabaqqui narrari. Madirra bodideniza Tocorime-Taminecca zozosse tabaqqui tocorimedeni madizemanarrarideni, arra uatianirri comani carrimanarrarideni, arra madirra idedeni tone biqueraza issodeni siri toquerrenarrarideni naco eheccarrona-baqquimana naza Zeso ihinanomibaqqui narrari.

Mateo 6:12

Madirra iaza uaidirehe inanemaneza poccadeni uaidireheza: ‘Peperriua, uadi onerrerani’ inezape manaco icca uaidirehe peperri tinanarri, Abi Deo. Icca uaidirehe manaconi narrizoue iaza tinana-rrerarri, inarraro.

Mateo 8:10

Narraro uima Zeso mittazapa uatizeza poua bodi: —A, pouapa nauato taua −narrari. Nazapa poua nattiuarri rrauimissarrarideniza uati tarrari: —Ouape parrissehera tiadeniza uati onana: Arrarrari bodi namanahapa parrissa nauissa tarrari! Tiadeni Izarraeo potemauideni bazimape tettideni ohomitta neraha arrarrarissa narrari tiadenizapa noueraui. Parrissa tiquenanissa tani ohomitta nerrerani −naui nade Zeso.

Mateo 8:16

Rrehe, zomeme nezape madirra bodideniza Tocorime-Taminecca zozosse tocorime carrimanarrarideni Zesouarri eccarronabaqquirrari. Narraridenipa uapi taraha Zeso poua attizara tocorime zosse ininebaqquizapa rrauininerrari nade. Comaqquiri narrarideni naco bazima inanomirizarrari nade.

Mateo 9:22

Nazapa Zeso piti nauarraniza qqui tanerre amonerre coma tarraro qqui tarrari. Qqui tazapa: —Asi, ticappina terrerarri. Tibodipe ouaza: “Rrehe, Zeso oua tonanomiuiuarrine parrireui” tezape narrarorrine rridapanape ticca zamacoma toccapa −narrari Zeso. Nezape amazati amani totappezape tonomirraro.

Mateo 9:5

—Naraha nerrecoma narraro uimana tiadeniza denima narrora tani? Arra madirra coma tarraricca uimasiri onanamossini narrora taqui? Coma tarrari onanabicauina denima narrora tarrarorane?

Mateo 9:6

Naraha oua Madirra Bedi orrarrarope madirracca uimasiri onanamossiniuarrine Deocca dacorehe ocarrini nauatoqquiri tiquenaniuarrinepe, arri namiza naqui ouatti ocarrini nauatoqquiri tiquenaniuarrine coma tarrariza uati onana −narrari. Nazapa madirra siri torrauiza poua attipa: —Titemarri! Titaboro tidiza ticca ozauarri ticcanirri! −naui nade Zeso.

Maraco 1:32

Nazapa marri tonauiza madirra comaqquiri narrarideni, arra madirra bodideniza Tocorime-Taminecca zozosse tocorime carrimanarrarideni naco eccarronabaqquirrari nade.

Maraco 10:49

Nama nazapa Zeso uaha taui naza —Rrari, uaua tarronemanarro. Ccarronana −naui nade. Nazapa nocco siriza uaua quenarrari: —Rrehe, bica tani! Titemarri, tiaza uaua naui −quenaui nade.

Maraco 5:34

Nazapa Zeso poniza uati tarrari: —Rrehe asi, ouaza tibodi: “Rrehe, Zeso oua tonanomiuiuarrine parrireui” tezape narrarorrine ticca zamacomape toccapa. Ticcanizape ticappina terrerana. Narraro comaniza quiza tapoma-rreranitoui −narrari.

Maraco 6:50

Poua uatimadedeni bazima qqui toquenazapa uarro quenarrari. Nazapa Zeso: —Ticappinemana terrerarri, ouape oua! −naui nade.

Huano 16:33

Arri uima uapima tiadeniza uati onarrarope tibodideni uatoto cane-rreraniuarrine. Ouaza tiquerrenezape rronehe, uatizehe parrissehecca ticarrimananitoui. Arrirraro zamaza timadimanaqquezape ocasserani temaneraha dacoco tirrirarri. “Peperri inana” tiquenerrerana. Arrirraro namicca zozossedepa arramani torraui. Ouana pouaza deni orrani −nade Zeso.

Huano 21:5

Naraha Zeso iaza uaua nade: —Zabissodeni aba ticarrimanaco? −nade. Naraha: —Aba noueraui −inade.

Tahimarideni 14:9

Arra amori siripa Paorocca marinarra tauaribode uittarrari. Nanarra Paoropa amori siri icattoma naza pocca rrehenirri nauato tarrari. Arra poua bodipa: —Rrehe, Zesopa oua tonanomiuiuarrine parrireui −narrari.

Tahimarideni 19:12

Madirrapa arri etero pouadeni zepe ssesse, pouadeni pano ssesse naqui Paoro uapi tarrorraro comaqquiri narrarideniuarri zorro inanirizemanarraro. Comaqquiri narrarideniza ibarimanezape totocanomireriza narrari. Nama quenazapa Tocorime-Taminecca zozosse tabaqqui pina tocorime sirideni, monadeni rrauininerizarrari.

Tahimarideni 23:11

Narraro zomepe ia Zozossede auatoza Paoro uinoriza ua narrari. Pouaza uati tarrari: —Paoro, daco tirrirana! Arri orrine qqui tinarraro, timittarraro naqui arri Zerozareza tecomerarizarrarope niza oza panani Rromauarri naqui tecomerapomanitoui −narrari.

Romanodenidsa 5:11

Narraro uima bicania iaza orrari-rrerani. Deoza naqui uatizehe imeni icarrini. Ia Zozossede Zeso Cristorrinena Deo tezerre icarronerarraro.

Satiacocca 2:18

Timecotedeni ouaha poua tesseza arrama nauitide: —Tiape Zeso Cristoza rrehe tanira orrari narraro. Naraha ouape uima bicani ohonana narraro −narrari. Naraha oua Tiaco ouattipe: Rrari, ticca rrehenirri ouaza auato tinanarri. Uima bicani tinana-rrerazape ticca rrehenirri qqui onerrerani. Naraha ouape uima bicani onanarraroza occa rrehenirri auato onanarraro.