Mateo 9:18 - Kulina New Testament Brazil

¹⁸ Zesopa pouadeni atti ecomera-zanapozape zodeodenicca Deo Atti mamariuarricca tamine Zesoza uati tauiuarrine ccarronarrari. Zesouarri bacco narronazapa poua bodi: —Zesopa deni torraui, ouape arrimani orrani −naza Zeso baccouarri poua pitoza uitta tocatteza narrari. Nazapa Zesoza uati tarrari: —Occa erredeni uatiaparra. Occa ozauarri tiqqueza tizepeza poni bara teza tirrine camittemaniza madipomaniuarrine −narrari.

Culina Mádija

¹⁸ Jesopa pohuadeni atti ecomera-dsanapodsapi jodiodenicca Dio Atti mamarihuajicca tamine Jesodsa huati tahijine ccajonajari. Jesohuaji bacco najonadsapa pohua bodi: —Jesopa deni tojahi, ohuapi ajimani ojani −nadsa Jeso baccohuaji pohua pitodsa huitta tocattedsa najari. Nadsapa Jesodsa huati tajari: —Occa ejedeni huatiapaja. Occa odsahuaji ticcadsa tidsepedsa poni bara tadsa tijine camittemanidsa madipomanijine −najari.

Mateo 9:18 Iomraidhean Croise

Mateo 14:33

Nani darroniza rrassi izeraha ia bazima ibodipe: —Zeso deni torraui, iape arrimani iquerrenani −ineza Zeso baccouarri ipitoza rrassi izezape pouaza uati inarraro: —Parrissa, tiape Deo Bedi tirrani −inarrarode, ia bazima.

Mateo 15:25

Neraha ponipe damera tezape rroppa namissarraro, tossoniqquima, Zeso poua baccouarri poni pitoniza uittarraro. Poni attinipe: —Oua Zozossede, oua acco ticanarri! −nade.

Mateo 17:14

Nazapa Zeso, poua uatimade 3 quenarrarideni tezerre rrauizippanizapa madirra toqueriqquiuiuarri bacco nanimanarrari. Nauiza madirra orraria Zesoza uati tauiuarrine ccarronarrari. Zesouarri bacco narronazapa poua bodi: —Zesopa deni torraui, ouape arrimani orrani −naza Zeso baccouarri poua pitoza uitta tocatteza narrari. Nazapa Zesoza uati tarrari.

Mateo 20:20

Nezape Zebedeo bedimenipe poni bedi pamaha Tiaco, Zouao quenaza Zesouarri touarriressimanarrari. Poni bodinipe: —Zesopa deni torraui, ouape arrimani orrani −neza Zeso baccouarri poni pitoniza uitta neza Zesoza uati tade: —Oua Maride, tiaza uati onaniuarrineua −nade.

Mateo 28:17

Bacco imorezape Zeso qqui inarrari. Qqui inazapa pouaza etizeza: —Tiape deni tirrani, tiape nauatonie rrinede tirrani! Arra tiassa narrari ouaha noueraui −inade. Naraha mota bodidenipa: —Parrissa Zeso nauatonirrarico? −quenarraride.

Mateo 8:2

Bazima rrauizippaninarra madirra zamacoma onini leprarrine uapi rrazimaroui Zesouarri bacco narronarrari. Poua bodipa: —Zesopa deni torraui, ouape arrimani orrani −naza Zeso baccouarri poua pitoza uitta naza uati tarrari: —Oua Zozossede, ouape bica onerrereraha tia touini tanipe oua tinanabicaniuarrine nauato tinani −naui nade Zesoza.

Mateo 8:25

Nazapa Zeso uadauiuarri rraui torreppiza Zeso cobo cobo iquenaza: —Ia Zozossede, nocco tirrarri! Ia acco ticanabaqquirri! Rre icanabote nani! −quenaui nade.

Mateo 9:17

—Uima onihi naqui arrima narraro: Uva pperrene nauatozatipa bani etero ssequi naui rradauiza sso sso ihizemana narrararrari. Uva pperrene nauatozatipa bani etero rradauiza sso tozaza ssicatazapa rrocaquera tarrarirrine sseo taui carri taui. Sseo tazapa uva pperrene sso taha rrica taui, zamine naco touaidirazapa coro iquena taui. Naraha uva pperrene zatipa bani etero ssequi naui zatizara sso sso totoza nazana uva pperrenepa ecauauissa tarrari. Arra zamine naco touaidira-rrararrari −nade Zeso. (Arra poua atti nama narraripa madirra bodi zati torrazana Zesocca marinarra zati ecauaniuarrine parrireui, narrari.)

Mateo 9:19

Nazapa Zeso pocca mamari tabaqqui tezerre poua natti rraui torramissarrari.

Mateo 9:24

Naraha Zeso attipa: —Rrari, bazima arrirraro ozacca rraui tirrenarri! Erredenipe zoqque-rrerani. Uadarraro −narrari. Naraha pouadenipa Zeso atti rrarra icanemanarrari.

Roca 13:14

Naraha Zeso rrassinarracca uadaza madirra inanomizape Deo Atti mamaricca tamine nacassera tarrari. Arra zodeodenipa: —Rrassinarracca uadaza madirra zepedeni irrimanauiuarrinepa oppina tani −quequenanarrari. Nazapa Deo Atti mamaricca taminepa boqueza madirra queriqquimanarrarideniza uati tarrari: —Uada 6 nehe izepe irrini bica tani. Narraro uada 6 nehe ticanomireniuarrine rraui tirrezimarri. Naraha rrassinarracca uadaza toponi totonanomidetoui rraui tirrezima terrerarri poni! −narrari Deo Atti mamaricca tamine atti. Poua atti nama nazapa Zesoza uima inanarraro. Rrassinarracca uadaza madirra inanomibaqquizapa pina poua zepe irrirrarissa narrari.

Roca 18:18

Madirra orraria tamine torrarraripa Zesoza uati tarrari: —Nirra Mamaride bicaui nerrecoma oneza camittehe rriquerreranicca bacco onaniuarrine? −narrari.

Roca 7:2

Nauizapa rromanodenicca isso teppeppe zossede madirrari. Pocca zozosse tabaqqui isso teppeppepa 100 quenarrari. Narrari pocca ozauarripa pocca zozosse coma tarrari uatiabote narrari. Pouapa pocca zozosseza uati uana tarrari.

Huano 11:25

Naraha manaco Zeso Martaza uati tade: —Ouape nauatonie rrinede orrani. Ouape camittehe rrinede orrani. Ouaza rrehe quenazapa rricaraha orrine camittemanimana-pomauitoui −nade.

Huano 11:32

Naraha Maria Zeso uauiuarri bacco nezape poni pitoniza uitta neza pouaza uati tade: —Ia Zozossede, rridacca arriza timadizape ouimecote zoqque-rraranarra −nade.

Tahimarideni 13:15

Nazapa Deo Atti mamaricca taminedeni Moizecca marinarra ua iquenarraro. Deo Atti cacomeraqquiri narraridenicca dozonirri naqui ua iquenarraro. Narraro rriquezape Deo Atti mamaricca taminedenia poccadeni madirra orraria icazossemanaza Paorodeniza uati tarrari: —Imecotedeni, Deoza denima etizeniuarrine uima bicani ticarrimanezape rridapana uati tiquenarri. Ticcadeni uima imittana, quenaparra taminedeni −narrari.

Tahimarideni 28:8

Naraha Pobrio imehipa coma taha porirrari. Uapi ppocorarra, mirri mirri tarra narraride. Narrari qquide Paoro toqquezimazapa Deoza uati tarrari. Poua zepeza bara inazapa tonomide.