Mateo 9:1 - Kulina New Testament Brazil

¹ Nazapa darroniza rraui torrezanizapa coriza rrippeuarri pouadeni ori narronemanapouiuarri ori tanimanaza uana tocananimana-pomarrari. Zeso poua mamadi naui Capenaouarri bacco tanimanarrari nade.

Culina Mádija

¹ Nadsapa canoadsa jai tojedsanidsapa coridsa jippehuaji pohuadeni ori najonamanapohuihuaji ori tanimanadsa huana tocananimana-pomajari. Jeso pohua mamadi nahi Capernaohuaji bacco tanimanajari nade.

Mateo 9:1 Iomraidhean Croise

Mateo 4:13

Naraha Zesopa oza panani Nazaretiza tomadinipoma-rrararrari. Oza panani Capenaouarrina madiuiuarrine toccarrari, naui Carireacca coriza inidiuarri. Zesopa nauiuarri madiuiuarrine toccazapa Izarraeo bedi Zaborona potemauidenicca zamaboteza ccariza, Izarraeo bedi Natari potemauidenicca zamaboteza naco ccariza narrari.

Mateo 7:6

—Tiadeniza ouatti onihi naqui: Madirra Deo Atti mittade nacasseraqquiri narraridenipa pina ettessa, pina porocossa quenarrari. Etteza bica tanicca da tiquenaraha tiadeni ccanauitoui. Poroco naco pouaza perola bica tanicca da tiqueneraha ssamo taza ttai ttai inananitoui −naui nade Zeso.

Mateo 8:18

Nazapa Zeso madirra pouaza queriqquirronaui touapiui naui qqui tazapa poua uatimadedeniza: —Rrina, coriza rrippeuarri rrauirrana −naui nade.

Mateo 8:23

Nazapa Zeso darroniza toqquezaza pocca mamari tabaqqui naco pouaza rraui torrezaza pouaza rraui torrarrari.

Maraco 5:21

Zesopa poua uatimadedeni tezerre darroniza rrippeuarri touaccanimanarrari. Bacco tanimanazapa madirra Zeso qquide rrauizippappa canarrari. Zesopa coriza inidiza uarrari.

Roca 8:37

Nazapa zama Zerasauarricca madirra bazima cappinemanaza poccadeni zamaza Zeso toccaniuiuarrine zossede damamera tarrari: —Ticcanirri, arri icca zamazape timadi terrerarri! −quenarrari. Nazapa Zeso darroniza toqquezanizapa touaccanimanarrari.

Roca 8:40

Nazapa Zeso coriza rrippe pouadeni nattiuarri rraui torranizapa bacco tanimanarrari. Bacco tanimanazapa nauicca madirra bazima uatizemanaza: —Nirra, ticcanirraroqui? Iaza bacco tanizape bica tani −quenarrari. Pouatoui madimanaporra narrari.

Apocalipsis 22:11

Narraro uima touarrirezape madirra uaidira tarrari, bodi soue tarrari naco poccadeni uaidirehe inanemanaccaniuarrine. Paparra, bodideni cacarriqquimerauiuarrine parriremana-rraraui. Naraha madirra bica tarrari, bodi uisso tarrari naco uima bicani inanemana-zanaponiuarrine bica tani −nade Deocca zozosse ouaza.