Mateo 8:31 - Kulina New Testament Brazil

³¹ Nazapa Zesoza tocorime attidenia: —Rraho! Ia zosse tininebaqquizape poroco bodidenizara ia zosse tizimabaqquirri −quenaui nade Zesoza.

Culina Mádija

³¹ Nadsapa Jesodsa tocorime attidenia: —¡Jaho! Ia dosse tininebaqquidsapi poroco bodidenidsara ia dosse tidsimabaqquiji −quinahi nade Jesodsa.

Mateo 8:31 Iomraidhean Croise

Mateo 4:24

Pocca uimape zama Siria nemaneheuarri madirizemanarrarideni naco mittarizemanazapa poccadeni zama uarri teraha comaqquiri narrarideni eheccarrona-baqquimana narrari. Zamacoma carrimanarrarideni, isso sirideni, birri sirideni, comani onihi onihi carrimanarrarideni eheccarrona-baqquimana naza bazima Zeso ihinanomi-rizabaqqui narrari. Madirra bodideniza Tocorime-Taminecca zozosse tabaqqui tocorimedeni madizemanarrarideni, arra uatianirri comani carrimanarrarideni, arra madirra idedeni tone biqueraza issodeni siri toquerrenarrarideni naco eheccarrona-baqquimana naza Zeso ihinanomibaqqui narrari.

Mateo 7:6

—Tiadeniza ouatti onihi naqui: Madirra Deo Atti mittade nacasseraqquiri narraridenipa pina ettessa, pina porocossa quenarrari. Etteza bica tanicca da tiquenaraha tiadeni ccanauitoui. Poroco naco pouaza perola bica tanicca da tiqueneraha ssamo taza ttai ttai inananitoui −naui nade Zeso.

Mateo 8:30

Naraha naui uarrira taniza poroco uapi taha rriparizemanarrari.

Mateo 8:32

Nazapa Zeso: —Rrehe, porocoza tiquerrenana! −naui nade. Nazapa madirra bodidenicca tocorime rrauininezapa porocozana rraui torrezimarizarrari. Nanarra poroco bazimapa coriza inidi sseberaniuarri domo toqquezippaza rreuarrarrari. Catorrezipparrari. Rre tocanirezapa corizaza cacotezanarrari.

Maraco 5:12

Nazapa tocorimedeni Zesoza uati toquenapomarrari: —Poroco bazimazana ia zosse tizimabaqquirri. Nanizana iquerrenana −quenarrari.

Maraco 5:7

Naraha Zesopa amazati poua bodiccaza uati tarrari: —Tocorime, narrari madirra tineborro! −narrari. Nazapa tocorime rrazirema uati tarrari: —Zeso nerrecotouira ticcarronarraronerre? Oua narrizode ticcarronarraroqui? Tiape Deo deni torrarraricca Erredeni tirrani. Deo onima oua tinarrizo terrerarri, onaua −narrari.

Apocalipsis 12:12

Nazama memeuarri timadimanarraro bazimape tetizemaneri narri. Naraha arri namiuarri timadimanarraro, ueni imehiuarri timadimanarrarodenipe touati nauanaqquiri tiquenani. Tiadeniza uima oppina tehe torrarizanitoui. Deoza uauadidepa tiadeniza uadiuiuarrine toccaronarrari. Pocca uima rricabote nani nauato tazapa uadie imeni carrirrari −narrari memeuarri touatti mouini omittarraro.