Mateo 8:3 - Kulina New Testament Brazil

³ Nazapa Zeso poua zepeza bara inaza: —Rrehe, touini onani. Tibicarri, onarraro −naui nade Zeso. Nanarra amazati poua uapicca tomossissi nazapa tobicarrari.

Culina Mádija

³ Nadsapa Jeso pohua dsepedsa bara inadsa: —Jehe, jipa onani. Tibicaji, onajaro −nahi nade Jeso. Nanaja amadsati pohua huapicca tomossissi nadsapa tobicajari.

Mateo 8:3 Iomraidhean Croise

Mateo 12:13

Nazapa madirra zepe siriza Zeso attipa: —Rrari, tizepe ouauarri da ticanarronarri −nade. Nanarra poua zepe pouauarri da icanezape zepe tocanomirraro. Pina poua zepe onihissa canimanirraro.

Maraco 1:41

Nazapa Zeso poua bodiza: —Touati nauana taui −naza poua zepeza bara inaza: —Rrehe, touini onani. Tibicarri −narrari.

Maraco 4:39

Nanarra Zeso nocco torraza totemaza rrorrodeza passoza uati tarrari: —Peperri tarri! Moua terrerarri! −naui nade. Nanerre rrorrode, passo rriba rriba narraro naqui zamarrima narraro. Zamarrima nezape passo rribabade.

Maraco 5:41

Nazapa Zesoa erredeni zapani equidiza poua attiza uati tarrari: —Tarita comi −narrari. (Narraro ettizape: —Erredeni, titemarri −narrari.)

Maraco 7:34

Nazama Zeso memeuarri tocattamacossanarra poua ssa tocanacossaza poua attiza uati tarrari: —Epata! −narrari. (Narraro ettizape: —Teribo ssire-re narri! −narrari.)

Maraco 9:25

Nazapa Zeso qqui tanarra madirra pouaza queriqquirronaui touapiui naui qqui tazapa tocorime zosse ininerrari. Poua attipa: —Tocorime, touaribo tonadidide, touebeno totonassamode, tia zosse onarraro. Erredeni tineborro! Tiqquenezape tiqquezimanipoma-rrerarri, onarraro! −naui nade Zeso.

Roca 4:27

Arrirraro uima naqui nauatoqquiri tiquenani. Maittaccazama Deo Atti cacomerabote Erizeo madipoza naco ia Izarraeo potemaui zodeodeni iquerrenarraro icca zamaza zamacoma onini leprarrine uapideni rrazimarorrarideni uapi tarrari. Naraha orraria zodeo rrararrari oni Nahamapa zama Siriauarricca madirraraha Erizeoza ccarronazapa pouana tonomiui orrarirrari −narrari Zeso pouadeniza.

Roca 5:13

Nazapa Zeso poua zepeza bara inazapa: —Rrehe, touini onani. Tibicarri −narrari. Nanarra amazati poua uapicca amossissi nezapa tobicarrari.

Roca 7:14

Nazapa Zeso touarriressirrari, zoqquerrari zozorro tocanaza bara nazapa zorrodedeni domo uahaha taui narrari. Nanarra Zesopa uati tarrari: —Zabisso, tiaza uati onana: Titemarri! −narrari.

Huano 11:43

Nazapa Deoza uati taha rricazapa rrazirema uaua nade: —Razaro tiqquenarri! −nade.

Huano 15:24

Nazama orrinepe pina madirra ouaharrinessa nerrerani. Occa nauatoue denima bica tanicca qqui toquena-rrarazapa uima cappiremana-uitouiraha. Naraha occa nauatoue bica tani qqui qqui toquenaraha parrissa quena-rrarazapa uima carrimanarrari. Nama quenazapa ouaza uattarrorro, Abiza naco uattarrorro tarrari.

Huano 5:21

—Abi inauatonibaqquirraripa camittehe pouadeniza da da ihinariza narraro. Narrarossa narraro pocca Erredeni naco poua nacassa tarrariza pocca camittehe da da ihinariza narraro.